დაკავება

დეპუტატ კობა კობალაძის შვილს ბრალი წაუყენეს: ჯერი სასამართლოზეა

242
(განახლებულია 18:01 13.07.2020)
დავით კობალაძეს ჯგუფურ ძალადობაში ედება ბრალი, თუმცა, იმის გათვალისწინებით, რომ იგი პოლიციაში საკუთარი ნებით გამოცხადდა, დაცვის მხარეს გირაოს სანაცვლოდ მისი გათავისუფლების იმედი აქვს.

თბილისი, 13 ივლისი — Sputnik. დღეს თბილისის საქალაქო სასამართლო მმართველი პარტია „ქართული ოცნების" დეპუტატის კობა კობალაძის ვაჟის, 20 წლის დავით კობალაძის მიმართ აღკვეთის ღონისძიების შეფარდების საკითხზე იმსჯელებს, რომელსაც ჯგუფური ძალადობა ედება ბრალად, იუწყება ტელეკომპანია Rustavi 2.

დეპუტატის შვილი თბილისში 24 ივნისს ახალგაზრდებს შორის მომხდარი ჩხუბის ერთ-ერთი მონაწილეა. სისხლის სამართლის საქმე აღძრულია ჯანმრთელობისთვის ზიანის მიყენების ფაქტზე. დაზარალებული თბილისის ერთ-ერთი ბანკის 23 წლის თანამშრომელია.

დეპუტატ კობა კობალაძის განცხადებით, მისი შვილი პასუხისმგებლობას არ გაურბის.

„მტკივნეულია, რომ ჩვენი ახალგაზრდები ასე გამწარებით და ასე თავაღებით იმეტებენ ერთმანეთს", – განაცხადა კობა კობალაძემ ტელეკომპანიასთან სატელეფონო საუბრისას.

ადვოკატები სასამართლო სხდომაზე დავით კობალაძის გირაოს სანაცვლოდ გათავისუფლების შუამდგომლობას დააყენებენ იმის გათვალისწინებით, რომ კობალაძე პოლიციაში საკუთარი ნებით გამოცხადდა.

აღნიშნულ საქმეზე დაკავებულია კიდევ ხუთი ახალგაზრდა. საქართველოს შსს იუწყება, რომ მათი დაკავების შესახებ გადაწყვეტილება ერთ-ერთი ტელეკომპანიის მიერ ჩხუბის ფაქტის გავრცელების შემდეგ იქნა მიღებული, რამდენადაც იყო ალბათობა იმისა, რომ ჩხუბში მონაწილე პირები მართლმსაჯულებას დაემალებოდნენ.

ამასთან, ქართულ მასმედიაში ვრცელდება ვერსია, რომ საქმეს მსვლელობა მხოლოდ მას შემდეგ მიეცა, რაც ერთ-ერთმა ტელეკომპანიამ ჟურნალისტური გამოძიების ანონსი გაუშვა ეთერში.

ამავე ფაქტზე განცხადება უკვე გააკეთა პროკურატურამ, სადაც ნათქვამია, რომ გამოძიებამ დაადგინა, რომ ჩხუბში, რომელიც თბილისში, სერგო ზაქარიაძის ქუჩაზე მოხდა, ექვსი ადამიანი მონაწილეობდა, რომლებმაც ბანკის 23 წლის თანამშრომელს სხეულის მრავლობითი დაზიანებები მიაყენეს, მათ შორის, ცივი იარაღით.

ბოლო პერიოდში ყველა საქმე, რომელშიც ჩინოვნიკების ნათესავები ან მეგობრები ფიგურირებენ, ქართული მასმედიის განსაკუთრებული ყურადღების ქვეშაა. ეს თემა აქტუალური 2017 წლის დეკემბერში ხორავას ქუჩაზე სკოლის მოსწავლეებს შორის მომხდარი ჩხუბის შემდეგ გახდა. მაშინ ორი მოზარდი დაიღუპა და მრავალათასიანმა აქციებმა ის შედეგი გამოიღეს, რომ საქმე გამოიძიეს და სასამართლომ მკვლელობის საქმეზე გამამტყუნებელი განაჩენი გამოიტანა.

ამ ზაფხულს მასმედიაში განხილვის აქტუალური თემა ახალგაზრდებს შორის მცხეთაში მომხდარი ჩხუბი გახდა, რომელსაც 19 წლის ფეხბურთელი გიორგი შაქარაშვილი ემსხვერპლა. აღნიშნულ საქმესთან დაკავშირებით დამოუკიდებელ გამოძიებას აწარმოებს პრაქტიკულად ყველა ოპოზიციური არხი, რომლებიც ამტკიცებენ, რომ ჩხუბის ზოგიერთ მონაწილეს ჩინოვნიკები მფარველობენ.

242
თემები:
კრიმინალი საქართველოში (1054)
პოლიციის მანქანა

ბაჩალიაშვილის იდუმალებით მოცული გარდაცვალება: ახალი სკანდალი საქმეში

243
(განახლებულია 21:53 14.08.2020)
როგორ და რა გარემოებაში გარდაიცვალა წარმატებული პროგრამისტი – საიდუმლოდ რჩება და უამრავ კითხვას ბადებს.

თბილისი, 14 აგვისტო - Sputnik. 23 წლის პროგრამისტის თამარ ბაჩალიაშვილის გარდაცვალების ირგვლივ ახალი სკანდალები ჩნდება, საქმეს ჩამოაშორეს პროკურორი, ხოლო გარდაცვლილის ტელეფონის ექსპერტიზასთან დაკავშირებით უამრავი კითხვა გაჩნდა.

ვახტანგ გომელაური თამარ ბაჩალიაშვილის საქმეზე: „ღიად ვერ ვისაუბრებ" >>

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს (ის პროგრამისტი იყო) და ძირითადი ვერსიის – თვითმკვლელობის არ სჯერა.

ოჯახის წევრები შეხვდნენ მთავარ პროკურორს ირაკლი შოთაძეს და შინაგან საქმეთა მინისტრს ვახტანგ გომელაურს. მათ იმას მიაღწიეს, რომ საქმეს ჩამოაშორეს პროკურორი მარიამ გოგორელიანი.

შოთაძესთან ბოლო შეხვედრის მიზეზი გახდა პროკურორის კითხვები გოგონას დედასთან თეონა თამაზაშვილთან. კითხვები ეხებოდა ოჯახის ადვოკატს მიხეილ რამიშვილს. პროკურორი დაინტერესდა მისი ჰონორარით, ასევე იმით, თუ საიდან გაჩნდა პრესაში გოგონას წერილი, რომელიც გარდაცვალებამდე ცოტა ხნით ადრე არის დაწერილი.

„ჩვენ მივიღეთ ინფორმაცია, რომ ის პროკურორი, რომელიც არაეთიკურად მოქმედებდა, საქმეს ჩამოაშორეს“, – განაცხადა რამიშვილმა შეხვედრის შემდეგ.

თუმცაღა, ადვოკატის თქმით, ოჯახი მაინც არ არის კმაყოფილი გამოძიებით და მისი უნდობლობა გამოწვეულია იმით, რომ გოგონას ტელეფონი, რომელშიც, ოჯახის აზრით, მთელი ინფორმაცია ინახებოდა, გახსნეს მის გარეშე, ისევე, როგორც მისი კომპიუტერი.

რამიშვილმა აღნიშნა, რომ ტელეფონში არ აღმოჩნდა გოგონას პირადი ინფორმაცია, წაშლილი იყო მისი ფოსტა და სოციალური ქსელების აკაუნტები.

დარჩენილია მისი ავტომობილის ექსპერტიზა და შეხვედრაზე გენერალურმა პროკურორმა დაარწმუნა ოჯახი, რომ ადვოკატი აუცილებლად დაესწრება ექსპერტიზის დასაწყისს, ასევე საერთაშორისო ექსპერტები.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა“ და „თვითმკვლელობამდე მიყვანა“.

რამდენიმე დღის წინ შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

243
თემები:
გახმაურებული სასამართლო პროცესები
პოლიციის ლენტი

ქარელში ავტოსაგზაო შემთხვევას ქვეითად მოსიარულე ორი ადამიანი ემსხვერპლა

70
(განახლებულია 20:17 14.08.2020)
ავტოსაგზაო შემთხვევის შედეგად, ერთი ადამიანი ადგილზე, მეორე კი საავადმყოფოში გადაყვანის შემდეგ გარდაიცვალა

თბილისი, 14 აგვისტო - Sputnik. ქარელში ავტოსაგზაო შემთხვევის შედეგად ორი ადამიანი დაიღუპა, იუწყება საზოგადოებრივი მაუწყებლის პირველი არხი.

ავარია ქარელში, მარჯანიშვილის ქუჩაზე დღეს მოხდა. გავრცელებული ინფორმაციით, მსუბუქი ავტომანქანა გზის სავალი ნაწილიდან გადავიდა და ბორდიურზე მყოფ ორ მამაკაცს დაეჯახა. შემთხვევის შედეგად ერთი ადგილზე, მეორე კი საავადმყოფოში გადაყვანის შემდეგ გარდაიცვალა.

მომხდარზე გამოძიება სსკ-ის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

დანაშაული ოთხიდან შვიდ წლამდე თავისუფლების აღკვეთით ისჯება.

70
თემები:
შემთხვევები საქართველოში
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0