თბილისი, 12 ივლისი – Sputnik. ბათუმში ინასარიძის ქუჩაზე სამშენებლო სამუშაოების დროს გაზსადენი დაზიანდა, შედეგად ბუნებრივი აირის მიწოდება 3500 აბონენტს შეუწყდა, იუწყება ადგილობრივი ონლაინ-გამოცემა „ბათუმელები“.
შემთხვევის ადგილზე კომპანია SOCAR Georgia Gas-ის თანამშრომლები გამოცხადდნენ.
„დაზიანებული ადგილი დღეს შეკეთდება და ხვალ, შუადღემდე ჩაირთვება“, – განაცხადა SOCAR Georgia Gas-ის რეგიონული ოფისის დირექტორმა ვახტანგ ბერიშვილმა.
გამოცემის მონაცემებით, ბუნებრივი აირის მილის დაზიანებას მსხვერპლი ან ნგრევა არ მოჰყოლია.
