სურამში ცოლის მკვლელობისთვის მამაკაცს პატიმრობა შეეფარდა

© Sputnik / Alex Shlamovგორის სასამართლო
გორის სასამართლო - Sputnik საქართველო
გამოწერა
ოჯახის წევრის მიმართ დამამძიმებელ გარემოებებში განზრახ მკვლელობისთვის ბრალდებულს 17 წლამდე პატიმრობა ემუქრება

თბილისი, 7 ივლისი – Sputnik. გორის საქალაქო სასამართლომ ცოლის განზრახ მკვლელობისთვის ბრალდებულ მამაკაცს აღკვეთის ღონისძიების სახით პატიმრობა შეეფარდა.

დაცვის მხარე აღნიშნულ გადაწყვეტილებას არ ეთანხმება. პირველი არხის ინფორმაციით, ადვოკატმა ნათია სირაძემ დაკავებულის გირაოთი გათავისუფლება მოითხოვა. მისი თქმით, ბრალდებული მძიმე ფსიქოლოგიურ მდგომარეობაშია.

არ გადაკვეთო დანაშაულის ადგილი - Sputnik საქართველო
სურამში ქმარმა მძინარე ცოლი მოკლა – მიზეზი უცნობია

გამოძიების ინფორმაციით, 202 წლის 6 ივლისს სურამში ბრალდებულმა ეჭვიანობისა და შურისძიების ნიადაგზე თავის მეუღლეს ცეცხლსასროლი იარაღით მრავალრიცხოვანი ჭრილობა მიაყენა. მიღებული ჭრილობებისგან ქალი ადგილზე გარდაიცვალა.

მამაკაცი იმავე დღეს დააკავეს. 30 წლის ქალს სამი შვილი დარჩა.

ფაქტზე აღძრულია სისხლის სამართლის საქმე სსკ-ის 109-ე მუხლის მეორე ნაწილის „ვ“ ქვეპუნქტით, რაც ოჯახის წევრის მიმართ დამამძიმებელ გარემოებებში განზრახ მკვლელობას გულისხმობს. დანაშაული 13-დან 17 წლამდე თავისუფლების აღკვეთას ითვალისწინებს.

 

ყველა ახალი ამბავი
0