დაკავება

პატიმართა წამება საქართველოში: გერმანიიდან ბრალდებულის ექსტრადირება მოხდა

347
(განახლებულია 16:23 04.07.2020)
ციხის სკანდალიდან რვა წლის თავზე საქმის ერთ-ერთი მთავარი ფიგურანტი ქართული მართლმსაჯულების წინაშე წარდგება

თბილისი, 4 ივლისი – Sputnik. საქართველოს იუსტიციის სამინისტროს სასჯელაღსრულების დეპარტამენტის ყოფილი თავმჯდომარის დავით ჭაკუა ექსტრადირებულია გერმანიიდან სამშობლოში, სადაც ის სასამართლოს წინაშე წარდგება, ნათქვამია გენერალური პროკურატურის ვებგვერდზე გავრცელებულ განცხადებაში.

თავდაცვის ექს-მინისტრ ბაჩო ახალაიას განაჩენი ძალაში დარჩა >>

ჭაკუაზე საერთაშორისო ძებნა 2012 წლიდან გამოცხადდა - პატიმართა წამების სკანდალის შემდეგ 2012 წლის სექტემბერში მან თანამდებობა დატოვა და ქვეყანა დატოვა. პარასკევს ცნობილი გახდა, რომ გერმანია დათანხმდა მის ექსტრადირებაზე.

ჭაკუა თბილისში წუხელ თვითმფრინავით ჩამოიყვანეს. აეროპორტში მას მისი უფლებები გააცნეს და პენიტენციურ დაწესებულებაში მოათავსეს.

სასჯელაღსრულების დეპარტამენტის ყოფილი თავმჯდომარე საქართველოში ორ საქმეში ფიგურირებს - 2004 წელს ციხის ბუნტის სასტიკი ჩახშობის და 2012 წელს პატიმრების წამების საქმეებზე.

პირველ საქმეზე მას დაუსწრებლად 3 წლითა და 9 თვით პატიმრობა მიესაჯა, მეორეზე სასამართლოს განაჩენი ჯერ არ გამოუტანია.

ჭაკუას ძალიან მძიმე ბრალდებები წაუყენეს - პატიმართა მიმართ დამამძიმებელ გარემოებებში ჩადენილი დამამცირებელი და არაადამიანური მოპყრობა, იგივე დანაშაულების წაქეზება, დამამძიმებელ გარემოებებში ჩადენილი სამსახურებრივი უფლებამოსილების ბოროტად გამოყენება, სისხლის სამართლის საქმეზე მტკიცებულების ფალსიფიკაცია, დანაშაულთა პროვოკაციის წაქეზება და მოწმეზე ზემოქმედების განხორციელება.
ჭაკუამ გერმანიას თავშესაფარი სთხოვა, მაგრამ ბრალდების მხარის არგუმენტები და ინტერპოლის ხაზით მისი საერთაშორისო ძებნის ფაქტი უფრო მნიშვნელოვანი აღმოჩნდა.

347
თემები:
კრიმინალი საქართველოში (1050)
საპატრულო პოლიცია

საზარელი ავტოავარია აჭარაში დაღუპულია ერთი ოჯახის სამი წევრი

131
(განახლებულია 15:13 10.08.2020)
დაღუპულებიდან ერთი ასაკოვანი ქალია, ასევე მისი რძალი და არასრულწლოვანი შვილიშვილი. კიდევ ოთხი ადამიანი საავადმყოფოებში მოათავსეს.

თბილისი, 10 აგვისტო – Sputnik. მახინჯაურში ავტომობილი ადამიანების ჯგუფს დაეჯახა. დაიღუპა სამი ადამიანი, მათ შორის ერთი – არასრულწლოვანი, აცნობეს „Sputnik–საქართველოს“ შსს-ს პრეს-სამსახურში.

უწყების ცნობით, მსუბუქი ავტომობილის მძღოლი დაკავებულია.

შემთხვევა გუშინ, ღამით მოხდა.

ყველა დაღუპული ერთი ოჯახის წევრია – ქალი, მისი რძალი და არასრულწლოვანი შვილიშვილი. მათი ცხედრები სამხარაულის სახელობის სამედიცინო ექსპერტიზის ბიუროში გადაასვენეს.

ავარიის შედეგად ოთხი დაშავებული მძიმე დაზიანებებით სხვადასხვა კლინიკაში მოათავსეს.

გამოძიებას შსს აწარმოებს. სისხლის სამართლის საქმე აღძრულია ტრანსპორტის მოძრაობის ან ექსპლუატაციის წესების დარღვევის მუხლით.

131
თემები:
შემთხვევები საქართველოში
სვანეთი

კორონავირუსის ახალი კერა სვანეთში: რა მოხდა სოფელ ლენჯერში

259
(განახლებულია 14:43 10.08.2020)
დაავადებათა კონტროლის ცენტრის წარმომადგენლები დილიდან მუშაობენ სვანეთის რეგიონში ახალი შემთხვევებისა და მათი კონტაქტების დადგენის მიზნით.

თბილისი, 10 აგვისტო – Sputnik. სამეგრელო–ზემო სვანეთის რეგიონში კორონავირუსის 17 ახალი შემთხვევა დადასტურდა, ამის შესახებ რეგიონის გუბერნატორის მოადგილემ ნინო ვიბლიანმა განაცხადა.

„რეგიონში გვაქვს კორონავირუსის ახალი შემთხვევები. იკვეთება მესტიის მუნიციპალიტეტში ერთი ოჯახი, რომელსაც ჰყავდა სტუმარი და, სავარაუდოდ, ვირუსი გადაედოთ მისგან. ვირუსი გადაედოთ ამ ოჯახის კონტაქტებსაც. საუბარია სულ 17 დადასტურებულ შემთხვევაზე. აქედან მესტიის მუნიციპალიტეტის მკვიდრი არის 7 მათგანი. პაციენტები მოთავსებული არიან თბილისისა და ქუთაისის სამედიცინო დაწესებულებებში. ნაწილის გადმოყვანა ხდება ახლა და მოთავსდებიან როგორც ზუგდიდის, ასევე სხვა კლინიკებში. მიმდინარეობს ჩაღრმავებული ეპიდკვლევა და ლაბორატორიული კვლევები. დაავადებათა კონტროლის ცენტრის ხუთი ბრიგადა დღეს მთელი დღის განმავლობაში იმუშავებს სოფელში და მოხდება ყველა მცხოვრებისგან ბიოლოგიური მასალის აღება“, – განაცხადა ნინო ვიბლიანმა.

როგორც სააგენტოს კორესპონდენტი იტყობინება, საუბარია მესტიის მუნიციპალიტეტის სოფელ ლენჯერზე. ამ დროისათვის სოფელი არ არის იზოლირებული, რადგან ეპიდემიოლოგები ამ ეტაპზე ამის აუცილებლობას ვერ ხედავენ. 

ბოლო მონაცემებით, საქართველოში ამჟამად კორონავირუსით ინფიცირებული 1250 ადამიანია. ბოლო დღე-ღამეში ნახტომისებრი ზრდა დაფიქსირდა – გამოვლინდა 25 ახალი შემთხვევა.

გამოჯანმრთელდა 1010 ადამიანი, გარდაიცვალა 17 პაციენტი.

 

ნიკა ლატარია

259
მესტია

მესტიაში გადაადგილება ნაწილობრივ შეიზღუდება

0
საქართველოს მთავრობამ სვანეთში კორონავირუსის გავრცელების პრევენციის მიზნით გარკვეული შეზღუდვები შემოიღო.

თბილისი, 10 აგვისტო – Sputnik. მესტიაში გადაადგილება ნაწილობრივ შეიზღუდება, განაცხადა  პრემიერ-მინისტრმა გიორგი გახარიამ ახმეტაში, „ქართული ოცნება-დემოკრატიული საქართველოს” მაჟორიტარი დეპუტატობის კანდიდატის წარდგენის შემდეგ.

დღეს კორონავირუსის 25 ახალი შემთხვევიდან 17 სამეგრელო-ზემო სვანეთში დაფიქსირდა. კერძოდ, საუბარია სოფელ ლენჯერზე. აქ ყურადსაღებია ერთი ოჯახი, რომელსაც სტუმრები ჰყავდა. ამ 17 ადამიანიდან შვიდი მესტიის მცხოვრებია.

„სამწუხაროდ, გვიწევს მესტიის მუნიციპალიტეტში გარკვეული სპეციალური ღონისძიებების მიღება. გადაადგილების გარკვეული შეზღუდვები იქნება. იქ უკვე გაგზავნილია დამატებითი სამედიცინო ბრიგადები იმისთვის, რომ აქტიურად დაიწყოს ტესტირების რეჟიმი. გვესმის, რომ მესტიაში ბევრი ტურისტია, ყველას მივხედავთ, არავინ დარჩება ყურადღების გარეშე. არაფერია საპანიკო, ჩვენ ვმართავთ ამ პროცესს. არ არსებობს რისკები, რომ რაიმე ემოციების საფუძველი იყოს. წყნარად, მშვიდად, მესტიაში იქნება სპეციალური ღონისძიებები, გადაადგილების ნაწილობრივი შეზღუდვაც იქნება“, - განაცხდა გიორგი გახარიამ.

უწყებათაშორის საკოორდინაციო საბჭოსთან არსებული ოპერაციული შტაბის უფროსმა, ალექსანდრე ხოჯევანიშვილმა დღეს მთავრობის ადმინისტრაციაში გამართულ ბრიფინგზე განაცხადა, რომ შეზღუდვები წესდება მესტიაში, უშგულსა და ლენჯერში.

კერძოდ, შეზღუდვები გულისხმობს საზოგადოებრივი ჯანდაცვის კანონის ფარგლებში მოქმედ რეგულაციებს, მათ შორის - საკარანტინო შეზღუდვებს. 

  • უშგულსა და ლენჯერში იზღუდება გადაადგილება როგორც მესტიის მუნიციპალიტეტის მიმართულებით, ისე - მესტიის მუნიციპალიტეტიდანაც.
  • ასევე, წესდება შეზღუდვები გადაადგილებაზე დაბა მესტიასა და დაბა მესტიის სოფლებს შორის.
  • დაბა მესტიაში, უშგულსა და ლენჯერში იფუნქციონირებს მხოლოდ აფთიაქები, საბანკო დაწესებულებები, სასურსათო მაღაზიები და ღია ტიპის საკვები დაწესებულებები.
  • თავშეყრის ადგილებზე მკაცრად გაკონტროლდება დისტანციის დაცვა, დახურულ სივრცეებში ნიღბების გამოყენება და ხელის ჰიგიენა.
  • მესტიის მუნიციპალიტეტში ჩატარდება ინტენსიური ეპიდემიოლოგიური კვლევები და ტესტირება, შესვლა-გასვლას კი პოლიცია გააკონტროლებს.
  • გარდა ამისა, შესაბამისი უწყებები ტურისტების საკარანტინო ზონებში განთავსებას უზრუნველყოფენ. ყველა მოქალაქე, რომელიც დატოვებს მესტიის მუნიციპალიტეტს, გაივლის სავალდებულო კარანტინს.

უფრო ადრე ჯანდაცვის მინისტრმა ეკატერინე ტიკარაძემ განაცხადა, რომ რეგულაციები მხოლოდ სვანეთში ამოქმედდება.

„ამ მომენტისთვის რეგულაციები ამოქმედდება სვანეთში, დანარჩენი რიცხვები არ გვაძლევს იმის საფუძველს, რომ ქვეყნის მასშტაბით გარკვეული გამკაცრებები გვქონდეს. კვლავ გვექნება მიზნობრივი ტესტირება, ბევრად უფრო გაფართოებული და მივყვებით იმ სტრატეგიულ გეგმას, რომელიც დღემდე გვქონდა დასახული“, - განაცხადა ჯანდაცვის მინისტრმა ეკატერინე ტიკარაძემ.

მინისტრის თქმით, გადაუდებელი დახმარების სამსახური და ეპიდემიური სამსახური მობილიზებულია სრულად, ადგილზე იმყოფება ხუთი ბრიგადა, რომლებიც დეტალურ კვლევებს აწარმოებენ.

ბოლო ოფიციალური მონაცემებით, საქართველოში კორონავირუსით ინფიცირებულთა რაოდენობაა 1250. ამასთან, ბოლო 24 საათში კლინიკებიდან გაეწერა 10 ადამიანი. სულ პანდემიის დაწყებიდან დღემდე გამოჯანმრთელდა 1010 ადამიანი, გარდაიცვალა – 17.

კარანტინში მოთავსებულია 6 930 ადამიანი, ხოლო ექიმების მეთვალყურეობის ქვეშ – 263.

უცხოეთიდან სამკურნალოდ საქართველოში გადმოყვანილია ქვეყნის 41 მოქალაქე.

კორონავირუსის პირველი შემთხვევა საქართველოში 26 თებერვალს დაფიქსირდა.

0
თემები:
COVID-19 საქართველოში