კიბერ–დანაშაული

ეროვნული ბანკი მოსახლეობას ონლაინ-ოპერაციების შესრულებისას სიფრთხილისკენ მოუწოდებს

153
(განახლებულია 16:00 03.07.2020)
ეროვნულ ბანკში განმარტავენ, რომ აღწერილი ფორმით ინფორმაციის თაღლითური გზით მოპოვების სქემას ფიშინგი ეწოდება.

თბილისი, 3 ივლისი — Sputnik. საქართველოს ეროვნული ბანკი მოსახლეობას ინტერნეტით განხორციელებული ოპერაციებისთვის ფინანსური სახსრების გამოყენების დროს სიფრთხილისკენ მოუწოდებს, ნათქვამია რეგულატორის განცხადებაში.

როგორც ეროვნული ბანკის განცხადებაშია აღნიშნული, ბოლო პერიოდში დაფიქსირდა შემთხვევები, როდესაც მომხმარებლებს სხვადასხვა ვებ-გვერდზე შესვლისას დახვდათ შეტყობინება სხვადასხვა სახის გათამაშებაში მონაწილეობის მიღებასთან დაკავშირებით, გარკვეული ფულადი თუ სხვა პრიზების მოგების დაპირებით. ამასთან, რამდენიმე შემთხვევაში გათამაშების შესახებ ინფორმაცია საქართველოს ეროვნული ბანკის სახელითაც გავრცელდა. 

„გათამაშებაში მონაწილეობის მიღების ან შემდგომ პრიზების მისაღებად პირადი მონაცემების, მათ შორის, ელექტრონული ფოსტის მისამართის, ტელეფონის ნომრისა და სხვა პერსონალური ინფორმაციის მიწოდება მოითხოვებოდა. შეტყობინებებში დამატებით მითითებული იყო საქართველოს ეროვნული ბანკის მიერ საპრიზო თანხის მონაწილისთვის გადარიცხვის შესახებ, რაც ცალსახად არასწორი ინფორმაციაა... ზემოაღნიშნული მონაცემების გამჟღავნების შემთხვევაში არსებობს ამ ინფორმაციის მოპოვებით დაინტერესებული პირების მხრიდან სხვადასხვა თაღლითური ოპერაციის განხორციელების რისკი“, – აღნიშნულია განცხადებაში.

ზემოთ აღწერილი ფორმით ინფორმაციის თაღლითური გზით მოპოვების სქემას ფიშინგი ეწოდება.

ფიშინგი წარმოადგენს კიბერდანაშაულს, რომლის დროსაც კონკრეტულ პირს ან ორგანიზაციას კიბერთაღლითის მიერ ეგზავნება შეტყობინება ელექტრონული ფოსტით, ტელეფონით, სოციალური ქსელით იმისთვის, რომ მომხმარებელს მოტყუების გზით პირადი მონაცემები გამოსძალოს.

ფიშინგის დროს ინტერნეტ-სივრცეში გავრცელებული სარეკლამო შეტყობინების ან ელექტრონული მეილის საშუალებით მიღებული ბმულის საშუალებით მომხმარებელი ყალბ ვებ-გვერდზე შედის/გადადის, სადაც პერსონალური ინფორმაციის გამჟღავნება კიბერთაღლითების მიერ ფინანსური ოპერაციების თაღლითური გზით განხორციელების რისკს ზრდის, აღნიშნულია განცხადებაში.

ეროვნული ბანკი მოქალაქეებს მიმართავს და ნებისმიერ გათამაშებაში თუ სხვადასხვა ორგანიზაციის ვებ-გვერდის/ინტერნეტ-ბანკის გამოყენებისას და ინტერნეტ-გადახდების განხორციელებისას მოუწოდებს, დაიცვან შემდეგი წესები:

1. არ გადასცეთ სხვა პირებს საკუთარი პირადი მონაცემები, რომლის მეშვეობითაც შესაძლებელია ფინანსური ოპერაციების უნებართვო განხორციელება; 

2. გადაამოწმეთ ვებ-მისამართი. ფინანსური მომსახურების გამოყენებამდე შეამოწმეთ ის ვებ-მისამართი, სადაც აპირებთ მონაცემების შეყვანას;

3. უკიდურესი სიფრთხილით მოეკიდეთ სოციალურ ქსელებში არსებულ ფინანსურ შემოთავაზებებს;

4. შეაფასეთ ვებ-გვერდის შიგთავსი. ყალბი ვებ-გვერდის შექმნისას დიდი ყურადღება და რესურსი ეთმობა იმას, რომ ის ნამდვილი, ოფიციალური ვებ-გვერდის მსგავსი იყოს; 

5. გადაამოწმეთ ვებ-გვერდის მფლობელი. ინტერნეტში შესაძლებელია WHOIS მომსახურების ვებ-გვერდის მოძიება, სადაც მომხმარებელს კონკრეტული ვებ-მისამართის ნამდვილობის გადამოწმება შეუძლია;

6. გადახდის სანდო წყარო. ოფიციალური ვებ-გვერდი მომხმარებელს ყოველთვის მოსთხოვს გადახდის განხორციელებას საგადახდო ბარათის ან ოფიციალური პორტალის მეშვეობით. თუ ვებ-გვერდი, რომელზეც მომხმარებელი იმყოფება, იძლევა გადახდის მხოლოდ ერთ მეთოდს, ეს, დიდი ალბათობით, ყალბი ვებ-გვერდია. 

დამატებითი შეკითხვების შემთხვევაში მომხმარებელს შეუძლია დარეკოს „ცხელ ხაზზე" – 2 406 406. 

153
პოლიციის მანქანა

ბაჩალიაშვილის იდუმალებით მოცული გარდაცვალება: ახალი სკანდალი საქმეში

242
(განახლებულია 21:53 14.08.2020)
როგორ და რა გარემოებაში გარდაიცვალა წარმატებული პროგრამისტი – საიდუმლოდ რჩება და უამრავ კითხვას ბადებს.

თბილისი, 14 აგვისტო - Sputnik. 23 წლის პროგრამისტის თამარ ბაჩალიაშვილის გარდაცვალების ირგვლივ ახალი სკანდალები ჩნდება, საქმეს ჩამოაშორეს პროკურორი, ხოლო გარდაცვლილის ტელეფონის ექსპერტიზასთან დაკავშირებით უამრავი კითხვა გაჩნდა.

ვახტანგ გომელაური თამარ ბაჩალიაშვილის საქმეზე: „ღიად ვერ ვისაუბრებ" >>

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს (ის პროგრამისტი იყო) და ძირითადი ვერსიის – თვითმკვლელობის არ სჯერა.

ოჯახის წევრები შეხვდნენ მთავარ პროკურორს ირაკლი შოთაძეს და შინაგან საქმეთა მინისტრს ვახტანგ გომელაურს. მათ იმას მიაღწიეს, რომ საქმეს ჩამოაშორეს პროკურორი მარიამ გოგორელიანი.

შოთაძესთან ბოლო შეხვედრის მიზეზი გახდა პროკურორის კითხვები გოგონას დედასთან თეონა თამაზაშვილთან. კითხვები ეხებოდა ოჯახის ადვოკატს მიხეილ რამიშვილს. პროკურორი დაინტერესდა მისი ჰონორარით, ასევე იმით, თუ საიდან გაჩნდა პრესაში გოგონას წერილი, რომელიც გარდაცვალებამდე ცოტა ხნით ადრე არის დაწერილი.

„ჩვენ მივიღეთ ინფორმაცია, რომ ის პროკურორი, რომელიც არაეთიკურად მოქმედებდა, საქმეს ჩამოაშორეს“, – განაცხადა რამიშვილმა შეხვედრის შემდეგ.

თუმცაღა, ადვოკატის თქმით, ოჯახი მაინც არ არის კმაყოფილი გამოძიებით და მისი უნდობლობა გამოწვეულია იმით, რომ გოგონას ტელეფონი, რომელშიც, ოჯახის აზრით, მთელი ინფორმაცია ინახებოდა, გახსნეს მის გარეშე, ისევე, როგორც მისი კომპიუტერი.

რამიშვილმა აღნიშნა, რომ ტელეფონში არ აღმოჩნდა გოგონას პირადი ინფორმაცია, წაშლილი იყო მისი ფოსტა და სოციალური ქსელების აკაუნტები.

დარჩენილია მისი ავტომობილის ექსპერტიზა და შეხვედრაზე გენერალურმა პროკურორმა დაარწმუნა ოჯახი, რომ ადვოკატი აუცილებლად დაესწრება ექსპერტიზის დასაწყისს, ასევე საერთაშორისო ექსპერტები.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა“ და „თვითმკვლელობამდე მიყვანა“.

რამდენიმე დღის წინ შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

242
თემები:
გახმაურებული სასამართლო პროცესები
პოლიციის ლენტი

ქარელში ავტოსაგზაო შემთხვევას ქვეითად მოსიარულე ორი ადამიანი ემსხვერპლა

70
(განახლებულია 20:17 14.08.2020)
ავტოსაგზაო შემთხვევის შედეგად, ერთი ადამიანი ადგილზე, მეორე კი საავადმყოფოში გადაყვანის შემდეგ გარდაიცვალა

თბილისი, 14 აგვისტო - Sputnik. ქარელში ავტოსაგზაო შემთხვევის შედეგად ორი ადამიანი დაიღუპა, იუწყება საზოგადოებრივი მაუწყებლის პირველი არხი.

ავარია ქარელში, მარჯანიშვილის ქუჩაზე დღეს მოხდა. გავრცელებული ინფორმაციით, მსუბუქი ავტომანქანა გზის სავალი ნაწილიდან გადავიდა და ბორდიურზე მყოფ ორ მამაკაცს დაეჯახა. შემთხვევის შედეგად ერთი ადგილზე, მეორე კი საავადმყოფოში გადაყვანის შემდეგ გარდაიცვალა.

მომხდარზე გამოძიება სსკ-ის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

დანაშაული ოთხიდან შვიდ წლამდე თავისუფლების აღკვეთით ისჯება.

70
თემები:
შემთხვევები საქართველოში
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0