ოპერატორები და ტელეკამერები

საბოტაჟის ფაქტები საქართველოში: სუსმა ახალი დეტალები გაავრცელა

103
სუსმა განაცხადა, რომ საბოტაჟის შესახებ საქმის გამოძიება მედიაში ცრუ ინფორმაციის გავრცელების საფუძველზე ჯერ კიდევ 2020 წლის 16 მარტს დაიწყო

თბილისი, 2 ივლისი - Sputnik. საქართველოს უსაფრთხოების სამსახურმა (სუს) საბოტაჟის ფაქტების შესახებ საქმის ახალი დეტალები გამოაქვეყნა - ცნობილი გახდა თარიღი, როდის აღიძრა საქმე და რა ეტაპზეა ახლა გამოძიება.

იმის შესახებ, რომ სუსი საბოტაჟის შესახებ საქმეს იძიებს, ცნობილი გახდა ივნისის ბოლოს, როდესაც უწყებამ „მთავარი არხის“ სიუჟეტის გმირების გამოკითხვა დაიწყო.

ახლა სუსმა განაცხადა, რომ საბოტაჟის შესახებ საქმის გამოძიება 2020 წლის 16 მარტს დაიწყო.

„აღნიშნულ საქმეზე გამოძიება  2020 წლის 16 მარტს დაიწყო, უწყებაში შემოსული ოპერატიული ინფორმაციის საფუძველზე, რომლის თანახმად, ცალკეული პირები და პირთა ჯგუფები, მასობრივი კომუნიკაციის სხვადასხვა (მათ შორის, ელექტრონული) საშუალების გამოყენებით, აქტიურად ცდილობდნენ ყალბი ამბების გავრცელების გზით მოსახლეობის დეზინფორმირებას ახალი კორონავირუსის გავრცელების მასშტაბების და მასთან ბრძოლის ეფექტურობასთან დაკავშირებულ საკითხებზე, რათა უარყოფითი ზემოქმედება მოეხდინათ მოსახლეობის ფსიქოლოგიურ მდგომარეობაზე, გამოეწვიათ მათში უნდობლობა, პანიკა და ქაოსი, რაც, თავის მხრივ, ხელს შეუშლიდა სახელმწიფო დაწესებულებების და ორგანიზაციების ნორმალურ ფუნქციონირებას და პანდემიასთან ეფექტურ ბრძოლას“, - ნათქვამია სუსის ვებგვერდზე გავრცელებულ განცხადებაში.

გამოძიებამ დაადგინა, რომ 20 ივნისს „მთავარ არხზე“ გავიდა გამოგონილი და „განზრახ დამახინჯებული“ სიუჟეტი, რომელიც ასახავდა ცრუ ინფორმაციას მარნეულის მუნიციპალიტეტში არსებული სიტუაციის შესახებ.

„აღნიშნულ სიუჟეტში გადმოცემული ყალბი ამბების ფართოდ გავრცელების მიზნით, სიუჟეტს, სოციალური ქსელების და სატელევიზიო კომენტარების საშუალებით, ორგანიზებულად გამოეხმაურნენ კონკრეტული პოლიტიკური პარტიის წარმომადგენლები და მათი მხარდამჭერები და შეეცადნენ, ცრუ ინფორმაციისთვის დამაჯერებლობის მიცემას“, - მითითებულია განცხადებაში.

სუსი არ აკონკრეტებს, რომელ პარტიაზეა საუბარი, თუმცა მიუთითებს ფაქტებზე, რომლებიც ადასტურებენ სიუჟეტის სიყალბეს, მათ შორის საუბარია რესპონდენტების აზერბაიჯანულენოვანი ინტერვიუების არასწორ თარგმანზე.

უწყება მიუთითებს, რომ 26 ივნისს გასული სიუჟეტი, რომელშიც სკანდალური სიუჟეტის ერთ-ერთი რესპონდენტის სრული ინტერვიუა მოყვანილი, ამ ფაქტს ადასტურებს.

სუსი აღნიშნავს, რომ გამოიკითხნენ ის პირებიც, ვინც აქტიურად განიხილავდა ამ ტემას კომენტარებში სოციალურ ქსელებში და ამტკიცებდა, რომ იცოდა მსგავსი ფაქტების შესახებ.

„გამოკითხულ პირთაგან ვერცერთმა ვერ დაასახელა ვერც აღნიშნულის დამადასტურებელი კონკრეტული ფაქტი და ვერც წყარო, თუ საიდან ფლობდნენ არასწორ ინფორმაციას“, - ნათქვამია განცხადებაში.

ბრალდებების დასადასტურებლად სუსმა სასამართლოს განჩინების საფუძველზე მოითხოვა იმ ვიდეომასალების სრული ჩანაწერი, რომელთა საფუძველზეც გავიდა ეთერში 20 ივნისის სიუჟეტი.

საბოტაჟის საქმეზე გამოძიება გრძელდება.

 

103
თემები:
კრიმინალი საქართველოში (1054)
პოლიციის მანქანა

ბაჩალიაშვილის იდუმალებით მოცული გარდაცვალება: ახალი სკანდალი საქმეში

233
(განახლებულია 21:53 14.08.2020)
როგორ და რა გარემოებაში გარდაიცვალა წარმატებული პროგრამისტი – საიდუმლოდ რჩება და უამრავ კითხვას ბადებს.

თბილისი, 14 აგვისტო - Sputnik. 23 წლის პროგრამისტის თამარ ბაჩალიაშვილის გარდაცვალების ირგვლივ ახალი სკანდალები ჩნდება, საქმეს ჩამოაშორეს პროკურორი, ხოლო გარდაცვლილის ტელეფონის ექსპერტიზასთან დაკავშირებით უამრავი კითხვა გაჩნდა.

ვახტანგ გომელაური თამარ ბაჩალიაშვილის საქმეზე: „ღიად ვერ ვისაუბრებ" >>

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს (ის პროგრამისტი იყო) და ძირითადი ვერსიის – თვითმკვლელობის არ სჯერა.

ოჯახის წევრები შეხვდნენ მთავარ პროკურორს ირაკლი შოთაძეს და შინაგან საქმეთა მინისტრს ვახტანგ გომელაურს. მათ იმას მიაღწიეს, რომ საქმეს ჩამოაშორეს პროკურორი მარიამ გოგორელიანი.

შოთაძესთან ბოლო შეხვედრის მიზეზი გახდა პროკურორის კითხვები გოგონას დედასთან თეონა თამაზაშვილთან. კითხვები ეხებოდა ოჯახის ადვოკატს მიხეილ რამიშვილს. პროკურორი დაინტერესდა მისი ჰონორარით, ასევე იმით, თუ საიდან გაჩნდა პრესაში გოგონას წერილი, რომელიც გარდაცვალებამდე ცოტა ხნით ადრე არის დაწერილი.

„ჩვენ მივიღეთ ინფორმაცია, რომ ის პროკურორი, რომელიც არაეთიკურად მოქმედებდა, საქმეს ჩამოაშორეს“, – განაცხადა რამიშვილმა შეხვედრის შემდეგ.

თუმცაღა, ადვოკატის თქმით, ოჯახი მაინც არ არის კმაყოფილი გამოძიებით და მისი უნდობლობა გამოწვეულია იმით, რომ გოგონას ტელეფონი, რომელშიც, ოჯახის აზრით, მთელი ინფორმაცია ინახებოდა, გახსნეს მის გარეშე, ისევე, როგორც მისი კომპიუტერი.

რამიშვილმა აღნიშნა, რომ ტელეფონში არ აღმოჩნდა გოგონას პირადი ინფორმაცია, წაშლილი იყო მისი ფოსტა და სოციალური ქსელების აკაუნტები.

დარჩენილია მისი ავტომობილის ექსპერტიზა და შეხვედრაზე გენერალურმა პროკურორმა დაარწმუნა ოჯახი, რომ ადვოკატი აუცილებლად დაესწრება ექსპერტიზის დასაწყისს, ასევე საერთაშორისო ექსპერტები.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა“ და „თვითმკვლელობამდე მიყვანა“.

რამდენიმე დღის წინ შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

233
თემები:
გახმაურებული სასამართლო პროცესები
პოლიციის ლენტი

ქარელში ავტოსაგზაო შემთხვევას ქვეითად მოსიარულე ორი ადამიანი ემსხვერპლა

67
(განახლებულია 20:17 14.08.2020)
ავტოსაგზაო შემთხვევის შედეგად, ერთი ადამიანი ადგილზე, მეორე კი საავადმყოფოში გადაყვანის შემდეგ გარდაიცვალა

თბილისი, 14 აგვისტო - Sputnik. ქარელში ავტოსაგზაო შემთხვევის შედეგად ორი ადამიანი დაიღუპა, იუწყება საზოგადოებრივი მაუწყებლის პირველი არხი.

ავარია ქარელში, მარჯანიშვილის ქუჩაზე დღეს მოხდა. გავრცელებული ინფორმაციით, მსუბუქი ავტომანქანა გზის სავალი ნაწილიდან გადავიდა და ბორდიურზე მყოფ ორ მამაკაცს დაეჯახა. შემთხვევის შედეგად ერთი ადგილზე, მეორე კი საავადმყოფოში გადაყვანის შემდეგ გარდაიცვალა.

მომხდარზე გამოძიება სსკ-ის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

დანაშაული ოთხიდან შვიდ წლამდე თავისუფლების აღკვეთით ისჯება.

67
თემები:
შემთხვევები საქართველოში
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0