საბერძნეთის პოლიცია

ქართველების „ბიზნესი" საბერძნეთში - ერთ თვეში გაქურდული 11 ბინა

398
(განახლებულია 17:36 26.06.2020)
ორი ქართველის - 38 წლის მამაკაცისა და 25 წლის ქალის „ბიზნესმა" საბერძნეთში არ გაამართლა. ისინი ახლა სასამართლოს ელოდებიან

თბილისი, 26 ივნისი — Sputnik. საბერძნეთის პოლიციამ ქალაქ რეტმინოში საქართველოს ორი მოქალაქე ქურდობისა და მოპარული ნივთებით ვაჭრობის ბრალდებით დააკავა, იუწყება ტელეკომპანია Imedi ბერძნულ მასმედიაზე დაყრდნობით.

გავრცელებული ინფორმაციით, 38 წლის მამაკაცი და მისი 25 წლის თანამზრახველი ქალი ეჭვმიტანილი არიან 11 ქურდობაში, რომელიც მათ 25 მაისიდან 23 ივნისამდე ჩაიდინეს. გამოძიებამ დაადგინა, რომ ბრალდებულებმა, თუ სხვა ფასეულობებს არ ჩავთვლით, 15 ათასი ევროს ღირებულების ძვირფასეულობა მოიპარეს.

ესპანეთში ქურდობისთვის დაკავებულ საქართველოს მოქალაქეებს სასამართლომ განაჩენი გამოუტანა>>

მოპარული ნივთები ბრალდებულების საცხოვრებელი ადგილის ჩხრეკისას ამოიღეს. მათი ნაწილი უკვე დაუბრუნდა მფლობელებს. ქურდებს კი სასამართლო ელოდება.

398
თემები:
მსოფლიო დღეს (1832)
დაკავება

ზუგდიდში „ტყის ძმების“ ლიდერის შვილი ნარკოდანაშაულზე დააკავეს

45
დაკავებულის პირადი, ავტომანქანის და საცხოვრებელი სახლის ჩხრეკისას ამოღებულია ნარკოტიკული საშუალებები - „მეტადონი” და „ლირიკა”. ასევე ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

თბილისი, 12 ივლისი – Sputnik. „ტყის ძმების“ ყოფილი ლიდერის დათო შენგელიას შვილის, 38 წლის დადუ შენგელიას დაკავებასთან დაკავშირებით შსს განცხადებას ავრცელებს.

სპეცოპერაცია ზუგდიდში დღეს რამდენიმე საათს მიმდინარეობდა.

სამართალდამცველებმა მოსამართლის განჩინების საფუძველზე ჩატარებული საგამოძიებო მოქმედებების შედეგად შენგელია ნარკოტიკული საშუალების უკანონო შეძენა-შენახვის ბრალდებით დააკავეს.

სამართალდამცველებმა, დაკავებულის პირადი, ავტომანქანის და საცხოვრებელი სახლის ჩხრეკისას, ნარკოტიკული საშუალებები - „მეტადონი” და „ლირიკა” ამოიღეს.

ასევე, ნივთმტკიცების სახით ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლით მიმდინარეობს.

45
თემები:
კრიმინალი საქართველოში
პოლიციის ლენტი

ზუგდიდში სპეცოპერაცია ჩატარდა: დეტალები

82
დადუ შენგელიას დაკავებასთან შსს-ში კომენტარი ჯერჯერობით არ გაუკეთებიათ, სავარაუდოდ, სპეცოპერაცია ნარკოტიკებს და უკანონო იარაღს უკავშირდება

თბილისი, 12 ივლისი — Sputnik. ზუგდიდში სპეცოპერაცია ჩატარდა, იუწყება Sputnik-საქართველოს კორესპონდენტი.

უკვე სამ საათზე მეტია ზუგდიდში, დადიანის ქუჩაზე შინაგან საქმეთა სამინისტროს სპეციალური რაზმის წარმომადგენლები და ზუგდიდის კრიმინალური პოლიციის თანამშრომლები „ტყის ძმების“ ყოფილი ლიდერის დათო შენგელიას შვილს, დადუ შენგელიას საცხოვრებელ სახლს ჩხრეკენ. ჩხრეკას თავად დაკავებული და მისი უფლებადამცველი ესწრება. არსებული ინფორმაციით, პოლიციელები ნარკოტიკულ საშუალებასა და ცეცხლსასროლ იარაღს ეძებენ.

სპეცოპერაცია ზუგდიდში რამდენიმე საათის წინ ჩატარდა. შსს-ში დადუ შენგელიას დაკავებასთან დაკავშირებით კომენტარი ჯერ არ გაკეთებულა, ერთერთი ვერსიით კი გამოძიება მას ნარკოტიკული საშუალების უკანონო შეძენა, შენახვა მოხმარებასა და ცეცხლსასროლი იარაღის ტარებას ედავება.

ნიკა ლატარია

82
თემები:
კრიმინალი საქართველოში
საავადმყოფო ბათუმში

კორონავირუსით დაავადებულ თურქეთის მოქალაქეს ბათუმიდან სამშობლოში დააბრუნებენ

0
პაციენტმა, რომელიც სატვირთო ავტომობილის მძღოლია, გამოთქვა სურვილი მკურნალობა სამშობლოში გააგრძელოს

თბილისი, 12 ივლისი – Sputnik. თურქეთის მოქალაქეს, რომელსაც ბათუმში კორონავირუსი დაუდასტურდა, სამშობლოში დააბრუნებენ.

შუახნის მამაკაცი სატვირთო ავტომობილის მძღოლია. ის ბათუმის „ცხელების ცენტრში“ მიიყვანეს, სადაც მას კორონავირუსი დაუდასტურდა, იუწყება პირველი არხი.

აჭარის ჯანდაცვის სამინისტროს მონაცემებით, პაციენტმა თავად გამოთქვა სურვილი მკურნალობა სამშობლოში გააგრძელოს.

საქართველოში კორონავირუსი 986 ადამიანს დაუდგინდა, აქედან 857 გამოჯანმრთელდა, 15 კი გარდაიცვალა. კარანტინის ზონებში 5001 ადამიანი რჩება, სტაციონარებში - 219.

0
თემები:
COVID-19 საქართველოში