მოსამართლის ჩაქუჩი

გაბუნიასა და გვარამიას ადვოკატი: უნდობლობიდან გამომდინარე, დაკითხვა სასამართლოში შედგება

50
(განახლებულია 13:34 19.06.2020)
ჟურნალისტი და ტელეარხის მფლობელი დათანხმდნენ გამოძიებისთვის ჩვენების მიცემას მაგისტრატი მოსამართლის თანდასწრებით.

თბილისი, 19 ივნისი – Sputnik. ოპოზიციური ტელეკომპანია „მთავარი არხის“ წამყვანი გიორგი გაბუნია და ამავე არხის გენერალური დირექტორი ნიკა გვარამია 19 ივნისს მაგისტრატი მოსამართლის თანდასწრებით დაიკითხებიან.

გაბუნიასა და გვარამიას დაბარება გამოკითხვაზე, სავარაუდოდ, უკავშირდება თბილისში 12 ივნისს ჩატარებულ სპეცოპერაციას. თბილისში სპეცოპერაციის დროს ჩრდილოეთ კავკასიის მკვიდრი დააკავეს, რომელსაც ბრალი დოკუმენტების გაყალბებაში წარედგინა. სახელმწიფო უსაფრთხოების სამსახურმა დაადასტურა, რომ დაკავებული ასევე ფიგურირებს წინასწარ განზრახვით მკვლელობის მომზადების საქმეში.

სუს-ის განცხადებამდე რამდენიმე საათით ადრე „მთავარი არხის“ გენერალურმა დირექტორმა ნიკა გვარამიამ ტელეეთერით განაცხადა, რომ საუბარი იყო შეკვეთით მკვლელობაზე და რომ დაკავებული გეგმავდა ტელეწამყვან გიორგი გაბუნიას მკვლელობას ერთი წლის წინ რუსეთის პრეზიდენტისთვის პირდაპირი ეთერით მიყენებული შეურაცხყოფის გამო. მან აღნიშნა ასევე, რომ თავდასხმა ჩეჩნეთის ლიდერის რამზან კადიროვის დაკვეთით მზადდებოდა.

გაბუნიასა და გვარამიას ადვოკატის დიმიტრი საძაგლიშვილის განცხადებით, სახელმწიფო უსაფრთხოების სამსახურისადმი უნდობლობის გამო ისინი დაიკითხებიან მაგისტრატი მოსამართლის თანდასწრებით, დაკითხვაზე 11:00 და 13:00 საათზე არიან დაბარებული.

„ისინი გამოცხადდებიან თბილისის საქალაქო სასამართლოში და გავცემთ პასუხებს კითხვებზე, რომლებიც ექნება სახელმწიფო უსაფრთხოების სამსახურს... ჩვენი პოზიცია ყოველთვის იყო, რომ სასამართლოში მომხდარიყო დაკითხვა, ეს გამომდინარეობს უნდობლობიდან“, – განაცხადა საძაგლიშვილმა „პირველი არხის“ ეთერში.

რუსეთის მოქალაქე ვასამბეკ ბოკოვს სასამართლომ აღკვეთის ზომად პატიმრობა მიუსაჯა.

საქართველოს ხელისუფლებამ საზოგადოებას მოუწოდა, არ გააკეთონ ნაჩქარევი დასკვნები და დაელოდონ მკვლელობის მომზადების საქმეზე გამოძიების შედეგებს. სუს-მა, თავის მხრივ, ასევე მოუწოდა ჟურნალისტებს, თავი შეეკავებინათ რაიმე ინფორმაციის გავრცელებისგან, რათა ხელი არ შეეშალათ გამოძიებისთვის.

გაბუნიამ 2019 წლის 7 ივლისს თავის საავტორო გადაცემაში, როდესაც ის „რუსთავი2“-ში მუშაობდა, რუსულად მიმართა რუსეთის პრეზიდენტს და უწმაწური სიტყვებით შეურაცხყოფა მიაყენა მას. ეს მოხდა თბილისში საპროტესტო აქციების ფონზე და რუსეთის მიერ საქართველოსთან საავიაციო კავშირის აკრძალვამდე ერთი დღით ადრე.

50
თემები:
შემთხვევები საქართველოში (1559)
ჰაკერები

ჰაკერებმა ონლაინ ტოტალიზატორისა და კაზინოს მომხმარებლები „მშრალზე დატოვეს"

93
(განახლებულია 21:01 15.07.2020)
მოქალაქეთათვის მიყენებული ზიანის ოდენობამ ჯამში 72 ათასი ლარი შეადგინა. დაკავებულებს ათ წლამდე ვადით პატიმრობა ემუქრებათ.

თბილისი, 15 ივლისი — Sputnik. კომპიუტერულ სისტემაში უნებართვოდ შეღწევისა და დიდი ოდენობით თანხების ფარულად დაუფლების ბრალდებით პოლიციამ თბილისში ხუთი პირი დააკავა.

უწყების ცნობით, დაკავებულთაგან სამი წარსულში ნასამართლევია. გარდა ამისა, სისხლის სამართლებრივი პასუხისმგებლობა დაუსწრებლად დაეკისრა რუსეთის მოქალაქესაც.

სასამართლომ დაადგინა, რომ ორმა ბრალდებულმა, რომელთაგან ერთი რუსეთის მოქალაქეა, უნებართვოდ შეაღწიეს ონლაინ ტოტალიზატორისა და კაზინოს მომხმარებელთა ვებ-გვერდებზე და მათზე მიბმული საბანკო პლასტიკური ბარათებიდან უკანონოდ მიითვისეს 23 მოქალაქის კუთვნილი თანხა.

აღნიშნული თანხების განაღდებაში კი მათ სამი თანამზრახველი დაეხმარა. მოქალაქეთათვის მიყენებული ზიანის ოდენობამ ჯამში 72 ათასი ლარი შეადგინა.

საქმეზე გამოძიება სსკ-ის 177-ე და 284-ე მუხლებით მიმდინარეობს, რაც ქურდობას და კომპიუტერულ სისტემაში უნებართვო შეღწევას გულისხმობს. დანაშაული ექვსიდან ათ წლამდე ვადით თავისუფლების აღკვეთას ითვალისწინებს.

93
თემები:
კრიმინალი საქართველოში
თბილისის საქალაქო სასამართლო

რა ღირს დავით ცინარიძის თავისუფლება: საპატრულო პოლიციის ყოფილ უფროსს გირაო შეუფარდეს

99
(განახლებულია 18:04 15.07.2020)
საპატრულო პოლიციის ყოფილ უფროსს ოჯახური ძალადობა ედება ბრალად. გამოძიების ცნობით, იგი მეუღლეს ფიზიკურად გაუსწორდა და მოკვლით დაემუქრა.

თბილისი, 15 ივლისი — Sputnik. საქართველოს საპატრულო პოლიციის ყოფილი უფროსი დავით ცინარიძე სასამართლომ 30 ათასი ლარის გირაოს სანაცვლოდ გაათავისუფლა, იუწყება საზოგადოებრივი მაუწყებლის „პირველი არხი“.

პოლიციამ ცინარიძე მიმდინარე წლის 28 აპრილს დააკავა ოჯახური ძალადობის ბრალდებით. პროკურატურის ინფორმაციით, არაფხიზელ მდგომარეობაში მყოფმა ცინარიძემ მეუღლეს სიტყვიერი და ფიზიკური შეურაცხყოფა მიაყენა, ამასთან, მას ცეცხლსასროლი იარაღით დაემუქრა, თან ერთხელ გაისროლა კიდეც. გასროლის შედეგად არავინ დაშავებულა.

ბრალდებულის ადვოკატის კახა ხვისტანის თქმით, ცინარიძის პატიმრობაში ყოფნის არავითარი საფუძველი არ არსებობდა. იგი დარწმუნებულია, რომ მისი დაცვის ქვეშ მყოფ პირს გამამართლებელ განაჩენს გამოუტანენ.

დავით ცინარიძეს საპატრულო პოლიციის სამმართველოს უფროსის თანამდებობა 2015 წელს ეკავა.

სისხლის სამართლის საქმე აღძრულია ოჯახური ძალადობისა და ოჯახის წევრის მიმართ მუქარის მუხლებით, რაც სამ წლამდე პატიმრობას ითვალისწინებს.

99
თემები:
კრიმინალი საქართველოში
წარმოსახვა პანიკის შეტევისას

სიმაღლის, სიბნელის, დახურული სივრცის თუ... ზოდიაქოს ნიშნების ფობიები

0
(განახლებულია 13:11 15.07.2020)
როგორ მოქმედებენ ვარსკვლავები ჩვენს ფობიებზე? რისი ეშინიათ ყველაზე მეტად ზოდიაქოს ცალკეული ნიშნის წარმომადგენლებს? ამაზე სფეროს ექსპერტები მოგვითხრობენ

იმისთვის, რომ შიში დავძლიოთ, მასზე ყველაფერი უნდა ვიცოდეთ, მათ შორის, როგორ მოქმედებს ზოდიაქოს ნიშანი ჩვენს ფობიებზე.

„ცდუნებების" ჰოროსკოპი - რის წინაშე არიან უძლური ზოდიაქოს ნიშნები>>

ვერძი

ვერძი ბუნებით იდეალისტია, მზადაა, ნებისმიერი გზით მიაღწიოს საწადელს, ოცნების გზაზე ძალას არ იშურებს. ამიტომ ეშინია, რომ წარმატებას ვერ მიაღწევს. ნებისმიერი შეზღუდვა მასში განცდებს იწვევს. მაგალითად, ეშინია კლაუსტროფობიის (დახურული სივრცის შიში). ხანდახან კი ისოლოფობია აშინებს (მარტოობის შიში).

კურო

კუროსთვის სტაბილურობაა მნიშვნელოვანი. მთელი ძალებით ებღაუჭება სტაბილურ სამსახურს. ხვალინდელ დღეში რომ იყოს დარწმუნებული, მას უსაფრთხოების ფინანსური „ბალიში“ ესაჭიროება. ამიტომ ეშინია ცვლილებების. ასევე კურო ცდილობს, არ შეეხოს მისტიკას, რომელსაც მისი გეგმების მოულოდელად დანგრევა შეუძლია,

ტყუპი

კომუნიკაბელური და სიცოცხლის მოყვარული ტყუპი მუდამ პირველობისკენ ისწრაფვის. მისთვის წამების ტოლფასია მეორეხარისხოვანი როლის თამაში. ტყუპს ეშინია არასწორი გადაწყვეტილების მიღების, რის გამოც დიდხანს შეიძლება იორჭოფოს თავის ქმედებებში და ერთ ადგილზე იყოს გაჩერებული. ტყუპს უყურადღებოდ დარჩენის ეშინია.

კირჩხიბი

კირჩხიბებზე დამღუპველ ზემოქმედებას ახდენს ნებისმიერი კრიტიკა. ისინი დარწმუნებული არიან, რომ კრიტიკით მათი დათრგუნვა უნდათ. გულდახურულები არიან, რის გამოც პირად ცხოვრებაში ხშირად არ უმართლებთ. ეშინიათ, რომ საყვარელი ადამიანი მათ ვერ გაუგებს, ამიტომ ხშირად განმარტოვდებიან ხოლმე. ასევე ახასიათებს კლაუსტროფობია და აგორაფობია (დახურული და ღია სივრცის შიშები).

ლომი

ლომები ტემპერამენტიანი ხალხია. მათთვის მნიშვნელოვანია, რომ ყოველ წუთს გრძნობდნენ თავისუფლებასა და უპირატესობა–პირველობას გუნდში. ისინი ვერ იტანენ დაცინვას. მიუხედავად მათში ჩადებული ძალისა, ლომებს ტკივილის შეგრძნებებისა ეშინიათ, ამიტომ მათთვის ექიმთან ვიზიტი ღამის კოშმარს ემსგავსება. ასევე ხშირად აქვთ სიმაღლის შიში.

ქალწული

ქალწულები ყაირათიანი და ხელმომჭირნე არიან. ისინი დიდი ყურადღებით ეკიდებიან თავიანთ ნივთებს და არ უყვართ, როცა ვინმე სხვა ეხება მათ. სჯერათ, რომ თითოეულ ნივთს თავისი ენერგეტიკა აქვს. არავის აქვს უფლება, მათ ჩვეულ რეჟიმში ჩაერიოს, ეშინიათ უწესრიგობის. მათ ირგვლივ მხოლოდ „შერჩეული“ ადამიანები არიან, რადგან კრიტიკის ეშინიათ. ხანდახან მერყეობაც სჩვევიათ. ეშინიათ იმ ადამიანებთან კონტაქტის, რომლებმაც მათ, შესაძლოა, ყურადღება არ მიაქციონ. ვერ იტანენ მწერებს.

სასწორი

სასწორი ვერ მიაღწევს თავის მიზნებს, თუ გარშემომყოფებისგან ქებას არ მოისმენს. მათ მიმართ ნათქვამ ნებისმიერ უსიამოვნო სიტყვას მათში წინსვლის სურვილის გაქრობა შეუძლია. ყოველთვის იმისკენ ისწრაფვიან, რომ ირგვლივ მყოფებზე სასიამოვნო შთაბეჭდილება მოახდინონ, მათთვის მნიშვნელოვანია დადებითი იმიჯის შენარჩუნება. თუმცა ამის გამო პირად ცხოვრებაში ხშირად მარცხდებიან. სასწორს მარტოობისა და სიკვდილის ეშინია.

მორიელი

თუ გულით არ უნდათ, ამ ნიშნის წარმომადგენლებს ვერავინ აიძულებს რამის გაკეთებას. მათთვის ღამის საზარელი კოშმარია საკუთარ თავზე ძალადობა. ეშინიათ დროის უქმად დაკარგვის. ხანდახან უყვართ საკუთარი მნიშვნელობის წარმოჩენა, ჩვენება, თითქოს უკარება არიან; თუმცა შინაგანად საოცრად სიფაქიზით გამოირჩევიან. საგულდაგულოდ მალავენ საკუთარ ფიქრებს სხვებისგან, რომ ვერავინ შეძლოს მათ სულში ჩახედვა.

მშვილდოსანი

მშვილდოსნებს სისუსტედ მიაჩნიათ საკუთარი ემოციების გამომჟღავნება, ამიტომ ურჩევნიათ, რომ ტრიუმფი თუ ვარდნა მარტომ გადაიტანონ. თავს უკარება და უხეშ ადამიანად წარმოადგენენ, რომ მათი სისუსტე ვერავინ დაინახოს. ადრენალინი რომ განიცადონ. საფრთხის შუაგულში შეუძლიათ მოულოდნელად აღმოჩენა. მიაჩნიათ, რომ ყველაფერი ხელეწიფებათ. თუმცა ძალიან ეშინიათ, თუ რამე კონტროლიდან გამოდის, ეშინიათ არაამქვეყნიურ ძალებთან დაკავშირების, ასევე მცირე მწერების, რომლებიც სიცოცხლეს უქმნიან საფრთხეს.

თხის რქა

მიზანსწრაფული თხის რქებისა ბევრს შეიძლება შეშურდეს.რადგანაც თავიანთ სურვილს არიან ჩაბღაუჭებული, საკუთარ მომავალზე შიშობენ. ხანდახან ფსონზე ყველაფერს ჩამოდიან. არასდროს აღიარებენ საკუთარ სისუსტეებს, რომლებთან შერიგებაც ძალიან უჭირთ. ვერ იტანენ ხშირ ურთიერთობებს, რადგან მათთვის კომფორტულია მარტო ყოფნა. საშინლად ეშინიათ საკუთარი შინაგანი ჭეშმარიტი „მეს“ ხალხის წინაშე გამოაშკარავებისა, ამიტომ ქცევის სხვადასხვა მოდელს ირგებენ. მათთვის მნიშვნელოვანია, იცოდნენ, რომ გაუთვალისწინებელ სიტუაციაში ვინმე დააზღვევს. ბევრ თხის რქას აშინებს სიმაღლე და სიღრმე.

მერწყული

მერწყულები ყურადღებას აქცევენ თავიანთ ჯანმრთელობას. უცნობმა სიმპტომებმა და ტკივილმა ისინი, შესაძლოა, პანიკაში ჩააგდოს. ზოდიაქოს ეს ნიშანი განსაკუთრებულად ნიჭიერი წარმომადგენლებით ამაყობს, რომლებიც მთელი ცხოვრების განმავლობაში ცდილობენ, რომ თავიანთი შემოქმედება ადამიანებამდე მიიტანონ. ამის გამო მათ ეშინიათ, რომ ვერ გაუგონ და არ აღიარონ. მათთვის საშინელებაა რუტინული საქმიანობა. ეშინიათ სიბნელეში და დახურულ კარს მიღმა ძილის.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

თევზები

თევზებისთვის ძალზე მნიშვნელოვანია ახლობლების მხარდაჭერა. უჭირთ საკუთარ თავთან მარტო დარჩენა. არ იღლებიან განუწყვეტელი ურთიერთობებით. მთელი ცხოვრება ეძებენ ადამიანს, რომელსაც დაეყრდნობიან. მაგრამ მიუხედავად კომუნიკაბელურობისა, საჯაროობის ეშინიათ. განიცდიან, რომ შეიძლება დასცინონ. ვერ იტანენ სიმაღლეს.

0