ხანძარი ვარკეთილში

ხანძარი ვარკეთილში: დაიწყო ზარალის დათვლა

85
(განახლებულია 13:02 19.06.2020)
ვარკეთილის ბაზრობის მოვაჭრეებმა სპეციალისტებთან ერთად ორშაბათს გაჩენილი ხანძრისგან მიყენებული ზარალის დათვლა დაიწყეს.

თბილისი, 19 ივნისი – Sputnik. ვარკეთილის ე.წ. თათრების ბაზრობის მოვაჭრეებს ხუთშაბათს კომერციული ნაგებობის დათვალიერების უფლება მისცეს – მათ ზარალის დათვლა სპეციალისტებთან ერთად დაიწყეს, განაცხადა სამგორის რაიონის ადმინისტრაციის ხელმძღვანელმა კახა სამხარაძემ.

რატომ არ აზღვევენ ბაზრობებს: მოვაჭრეებს სადაზღვევო კომპანია ზარალს აუნაზღაურებს?>>

სამხარაძემ აღნიშნა, რომ მოვაჭრეები ტერიტორიაზე სპეციალისტებთან ერთად შევლენ. ისინი ექსპერტების თანდასწრებით დააფიქსირებენ ზარალს და დაიწყებენ მის აღწერას.

ტერიტორიაზე შევა მაქსიმუმ 80 ადამიანი. ამ ეტაზე დაითვლება მათი ზარალი. მათ დახმარებას გაუწევენ.

მოვაჭრეები აცხადებენ, რომ ადგილზე აღრიცხავენ საქონლის რაოდენობრივ მონაცემებს, რის შემდეგაც ზარალი უფრო ზუსტად იქნება დათვლილი.

ვარკეთილში, შუამთის ქუჩაზე მდებარე ე.წ. თათრების ბაზრობაზე ხანძარი 15 ივნისს, ღამით გაჩნდა. ცეცხლი 4 ათას კვადრატულ მეტრ ფართობზე გავრცელდა. ხანძარს რამდენიმე საათის განმავლობაში 130 მეხანძრე–მაშველი აქრობდა, მობილიზებული იყო 25 სახანძრო მანქანა. ვითარებას ის ართულებდა, რომ ბაზრობის მიმდებარე ტერიტორიაზე ბენზინგასამართი სადგური მდებარეობს. ხანძრის შედეგად შერეული ბაზრობის გარკვეული ტერიტორია დაიწვა. დილისთვის ხანძარი სრულად ლიკვიდირებული იყო.

ხელისუფლება მოვაჭრეებს დაჰპირდა, რომ ბაზრობის აღდგენამდე მათ უსაფრთხო ტერიტორიას გამოუყოფს, ასევე რამდენიმე თვით გაათავისუფლებს გადასახადისგან.

„ბაზრის ადმინისტრაცია გამოთქვამს მზადყოფნას, რომ გამოიყოს ტერიტორია, სადაც სურვილის შემთხვევაში დროებით განაგრძობენ საქმიანობას. ამასთან ჩვენ შევთანხმდით, რომ მოვაჭრეები სამი–ხუთი თვის გადასახადებისგან გათავისუფლდებიან. სადაზღვევო კომპანია ასევე მზად არის ამ ადამიანებს გარკვეული კომპენსაცია გადაუხადოს“, – განაცხადა სამხარაძემ.

სამხარაძის თქმით, შესაძლოა, ყველა მოვაჭრე კომპენსაციით კმაყოფილი არ დარჩეს, შესაბამისი ანაზღაურების მისაღებად მათ უნდა დაამტკიცონ, რომ გარკვეული თანხის საქონელი ჰქონდათ.

დედაქალაქის მერმა კახა კალაძემ განაცხადა, რომ თბილისის მერია მზადაა მოვაჭრეებთან კონსულტაციისთვის და, მერიის კომპეტენციის ფარგლებში, მათი დახმარებისთვისაც.

85
თბილისის საქალაქო სასამართლო

კობა კობალაძის შვილს სასამართლომ ჯგუფური ძალადობის გამო პატიმრობა შეუფარდა

77
დავით კობალაძეს ბრალად ედება ჯგუფური ძალადობა, თუმცა იმის გათვალისწინებით, რომ ის თავად გამოცხადდა პოლიციაში, დაცვას მისი გირაოს სანაცვლოდ გათავისუფლების იმედი ჰქონდა

თბილისი, 13 ივლისი - Sputnik. ჯგუფურ ძალადობაში ბრალდებულ ექვს პირს, მათ შორის, პარლამენტის დეპუტატ კობა კობალაძის ვაჟს, დავით კობალაძეს თბილისის საქალაქო სასამართლომ წინასწარი პატიმრობა შეუფარდა.

პროკურატურის ინფორმაციით, შურისძიების მოტივით ჩადენილი ჯგუფური ძალადობის მსხვერპლი 23 წლის ახალგაზრდა გახდა, შედეგად მას სხეულის სერიოზული დაზიანებები აქვს მიღებული.

დაცვის მხარე შუამდგომლობდა კობალაძის გირაოს სანაცვლოდ გათავისუფლების მოთხოვნით, იმის გათვალისწინებით, რომ იგი თავად გამოცხადდა პოლიციაში, თუმცა სასამართლომ დაცვის მხარის პოზიცია არ გაითვალისწინა. ცოტა ხნით ადრე ბრალდებულის მამამ, კობა კობალაძემ განაცხადა, რომ მისი ვაჟი პასუხისმგებლობას არ გაურბის.

გამოძიებამ დაადგინა, რომ 24 ივნისს თბილისში, სერგო ზაქარიაძის ქუჩაზე, ახალგაზრდების ჯგუფი თავს დაესხა დაზარალებულს და ბასრი საგნით სხეულის მძიმე დაზიანებები მიაყენა. ინციდენტის ექვსი მონაწილე 11 ივლისს დააკავეს, ერთი იძებნება.

ბოლო დროს ყველა საქმე, რომელშიც ჩინოვნიკების ნათესავები ან მეგობრები ფიგურირებენ, მასმედიის განსაკუთრებული ყურადღების ქვეშაა მოქცეული. ამ თემამ განსაკუთრებული  აქტუალობა შეიძინა 2017 წელს თბილისში, ხორავას ქუჩაზე, მომხდარი ჩხუბის შემდეგ, როდესაც ჯგუფური გარჩევის შედეგად ორი მოზარდი დაიღუპა. მომხდარის გამო დაწყებული საპროტესტო აქციების წყალობით საქმე ბოლომდე იქნა გამოძიებული და სასამართლომ საბრალდებო განაჩენი მკვლელობის მუხლით გამოიტანა.

მოკლული ფეხბურთელის ოჯახი ყველა დამნაშავის დასჯას ითხოვს >>

ამ ზაფხულს მასმედიაში ნომერი პირველი განსახილველი თემა თბილისის შემოგარენში მომხდარი ჩხუბი გახდა, რომელსაც 19 წლის ფეხბურთელი, გიორგი შაქარაშვილი შეეწირა. საქმეს პრაქტიკულად ყველა ოპოზიციური მასმედია დამოუკიდებლად იძიებს. მათი მტკიცებით, ჩხუბის ზოგიერთ მონაწილეს „მაღალჩინოსანი მფარველები“ ჰყავს და შესაძლოა პასუხისმგებლობის თავიდან აცილება სცადონ.

 

77
თემები:
კრიმინალი საქართველოში

უბედური შემთხვევა სვანეთში: მაშველები მდინარეში მანქანით გადავარდნილ კაცს ეძებენ

69
(განახლებულია 19:02 13.07.2020)
მესტიის მუნიციპალიტეტის სოფელ მულახში ადგილობრივ მოსახლეს ეძებენ, რომელიც ავტომობილით გადავარდა მდინარე მულხურაში. იხილეთ ვიდეო, როგორ მიმდინარეობს საძიებო სამუშაოები.

საქართველოს საზოგადოებრივი მაუწყებლის „პირველი არხის“ ინფორმაციით, შემთხვევის ადგილზე იმყოფებიან მაშველები, რომლებიც დაკარგული მამაკაცის მოძებნასა და ავტომობილის მდინარიდან ამოღებას ცდილობენ.
გავრცელებული ინფორმაციით, Mitsubishi Delica-ს მძღოლი 45 წლის მამაკაცი იყო. მისი პოვნა ჯერჯერობით ვერ ხერხდება.

69
თეგი:
საქართველო
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

0
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

0