ლონდა თოლორაია

დაცულია თუ არა პერსონალური მონაცემები საქართველოში თოლორაიას ანგარიში

49
(განახლებულია 13:26 19.06.2020)
სახელმწიფო ინსპექტორის სამსახურში 2019 წელს ფარული სატელეფონო მოსმენისა და ჩაწერის შესახებ 1 362 სასამართლო გადაწყვეტილება შევიდა.

თბილისი, 19 ივნისი – Sputnik. საქართველოს სახელმწიფო ინსპექტორის სამსახურმა 2019 წელს პერსონალური მონაცემების უკანონო დამუშავების 135 ფაქტი გამოავლინა, განაცხადა სახელმწიფო ინსპექტორმა ლონდა თოლორაიამ.

სამსახურმა პარლამენტის იურიდიულ საკითხთა კომიტეტს 2019 წელს გაწეული მუშაობის ანგარიში წარუდგინა.

თოლორაიას თქმით, წინა წლებთან შედარებით, 2019 წელს სახელმწიფო ინსპექტორის სამსახურში მიმართვების რაოდენობა გაიზარდა. პერსონალური მონაცემების დამუშავების საკითხის შესასწავლად სამსახურს 422-მა ფიზიკურმა და იურიდიულმა პირმა მიმართა. განცხადებების 81% ეხებოდა მონაცემების დამუშავებას კერძო ორგანიზაციებისა და ფიზიკური პირების მიერ, ხოლო 19% – საჯარო დაწესებულებების მიერ.

„ჩვენი პერსონალური მონაცემები გროვდება და ინახება ყველგან – საჯარო დაწესებულებებში, სამართალდამცველ ორგანოებში, სატელეფონო კომპანიებში, კერძო დაწესებულებებში. მონაცემის არაკანონიერი დამუშავება შეიძლება გახდეს ადამიანის დისკრიმინაციის, სტიგმატიზაციის ან/და სხვა ნეგატიური შედეგების მომტანი. სწორედ ამიტომ მნიშვნელოვანია, რომ ყველა საჯარო უწყება, კერძო ორგანიზაცია და პირი, რომელსაც შეხება აქვს ჩვენს პერსონალურ მონაცემებთან, განსაკუთრებული სიფრთხილით მოეკიდოს მათ დაცვას“, – განაცხადა თოლორაიამ.

სახელმწიფო ინსპექტორებს უფლებამოსილება გაეზარდათ>>

მისი თქმით, 2019 წელს სასამართლოს მხრიდან 1362 განჩინება გაიცა და უმეტესობა სატელეფონო კომუნიკაციის ფარულ მიყურადებასა და ჩაწერას შეეხებოდა. 2018 წელს ეს რაოდენობა 1397 იყო. 2019 წელს შემცირდა სასამართლოს მხრიდან შუამდგომლობის დაკმაყოფილების პროცენტი, რაც მიუთითებს, რომ გაიზარდა კონტროლი სასამართლოს მხრიდან ფარულ სატელეფონო მოსმენებსა და ჩაწერაზე.

გასულ წელს ფარული სატელეფონო მოსმენა და ჩაწერა ძირითადად ხორციელდებოდა სისხლის სამართლის შემდეგ დანაშაულებზე: თაღლითობა, „ქურდული სამყაროს“ წევრობა, მკვლელობა, ნარკოტიკული საშუალებების უკანონო წარმოება–შეძენა–შენახვა–გადაზიდვა–გასაღება, მექრთამეობა, ყალბი საკრედიტო ბარათების დამზადება.

„მე, როგორც ამ საგამოძიებო უწყების ხელმძღვანელი, სრული პასუხისმგებლობით ვაცხადებ, რომ სახელმწიფო ინსპექტორის სამსახურის საგამოძიებო მიმართულება ინსტიტუციურად შედგა და მუშაობს გამართულად და შეუფერხებლად“, – განაცხადა თოლორაიამ.

სახელმწიფო ინსპექტორის სამსახურის საგამოძიებო ორგანო იძიებს საქმეებს, რომლებიც უკავშირდება წამებას, არაადამიანურ მოპყრობას, წამების მუქარას, დამამცირებელ მოპყრობას მართლწესრიგის დამცველი ორგანოების წარმომადგენელთა და ჩინოვნიკთა, ასევე მათთან გათანაბრებულ პირთა მხრიდან.

ვინ დაიცავს საქართველოს მოქალაქეებს წამებისაგან>>

გარდა ამისა, ახალი საგამოძიებო ორგანოს კომპეტენციაში შედის ძალის ან იარაღის გამოყენებით სამსახურებრივი უფლებამოსილების გადამეტებისა და ბოროტად გამოყენების შემთხვევები.

49
ნაყოფის თოჯინა

ზუგდიდში დაურეგისტრირებელი ახალშობილი დამარხეს: შსს-მ გამოძიება დაიწყო

59
გამოძიებამ უნდა გასცეს მთავარ კითხვას პასუხი - ქალს მკვდარი ჩვილი გაუჩნდა თუ ახალშობილი მშობიარობის შემდეგ გარდაიცვალა.

თბილისი, 14 ივლისი — Sputnik. ზუგდიდში ახალგაზრდა ქალმა გააჩინა ბავშვი, რომელიც შემდეგ ბავშვის მამამ დამარხა, იუწყება Sputnik-კორესპონდენტი.

შემთხვევა რამდენიმე დღის წინ მოხდა.

ქალმა ჩვილი დაქირავებულ ბინაში გააჩინა, შემდეგ დაურეკა ბავშვის მამას, რომელთანაც ოფიციალურ ქორწინებაში არ იმყოფებოდა და ახალშობილი დაამარხინა.

ახალნამშობიარებმა საავადმყოფოს მას შემდეგ მიმართა, რაც მისი ჯანმრთელობის მდგომარეობა დამძიმდა. ის ზუგდიდის რეფერალურ საავადმყოფოში მკურნალობდა. ინციდენტის შესახებ სწორედ ქალის მიერ კლინიკაში მიმართვის შემდეგ გახდა ცნობილი.

ექიმები ქალის ჯანმრთელობის მდგომარეობასთან დაკავშირებით ინფორმაციას მედიაში არ ავრცელებენ.

დედა, რომელმაც შვილი დაქირავებულ ბინაში გააჩინა, დაკავებულია. ამის შესახებ ინფორმაციას შსს-ში ადასტურებენ და აცხადებენ, რომ გამოძიება სსკ-ის 112-ე მუხლით მიმდინარეობს, რაც დედის მიერ ახალშობილის განზრახ მკვლელობას გულისხმობს და ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე.
ახალშობილის ცხედარს ექსპერტიზა უკვე ჩაუტარდა. ახლა გამოძიებამ უნდა გასცეს მთავარ კითხვას პასუხი - ქალს მკვდარი ჩვილი გაუჩნდა თუ ახალშობილი მშობიარობის შემდეგ გარდაიცვალა.

ნიკა ლატარია

59
თემები:
შემთხვევები საქართველოში
სამაშველო ოპერაცია

გამოსამშვიდობებელი წერილი ავტომობილში... მტკვარში მესამე დღეა 31 წლის ქალს ეძებენ

114
(განახლებულია 19:35 14.07.2020)
სამძებრო სამუშაოებისთვის სპეციალური შტაბია შექმნილი. მდინარის პირას ნაპოვნია ქალის ავტომანქანა და გამოსამშვიდობებელი წერილი

თბილისი, 14 ივლისი – Sputnik. მცხეთაში მესამე დღეა, მდინარე მტკვარში დაკარგულ ახალგაზრდა ქალს ეძებენ, იუწყება ქართული მედია.

31 წლის ქალის ძებნა მას შემდეგ დაიწყეს, რაც მისმა მეგობარმა პოლიციას მისი გაუჩინარება შეატყობინა. მდინარის პირას ნაპოვნია ქალის ავტომანქანა და გამოსამშვიდობებელი წერილი.

არსებული ინფორმაციით, სამძებრო სამუშაოებისთვის სპეციალური შტაბია შექმნილი.

გამოძიება დაწყებულია სსკ-ის 115-ე მუხლით, რაც თვითმკვლელობამდე მიყვანას გულისხმობს.

114
თემები:
შემთხვევები საქართველოში
ნახევარმთვარე

მთვარის კალენდარი: 15 ივლისი რისი გაკეთება შეიძლება და რისი არა

0
(განახლებულია 10:36 14.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

15 ივლისი, ოთხშაბათი. ამ დღეს მერკური მართავს. კლებადი მთვარე კუროს ნიშანშია.

იზრდება ფიზიკური ძალა, იღვიძებს მამაკაცური ენერგია. შესანიშნავი დღეა საწინააღმდეგო სქესის წარმომადგენლებთან ურთიერთობებისთვის. ხელსაყრელი დღეა საქმეების, მშენებლობის საფუძვლის ჩაყრისთვის, რემონტის დაწყების, შემოქმედებითი საქმიანობისთვის.

რეკომენდებულია ფულთან დაკავშირებული საქმეების გაკეთება, მიმდინარე საქმეების განხილვა, დაგეგმვა, საბუღალტრო ოპერაციები, არქივებთან მუშაობა, ახალი საქმეების დაწყება, მნიშვნელოვანი პროექტების დასრულება, უძრავი ქონების ყიდვა, მშენებლობის, რემონტის დაწყება, გამოფენების მოწყობა, სიტყვით გამოსვლა, კონცერტები, შემოქმედებითი საღამოები, სწავლა, კვალიფიკაციის ამაღლება და სხვ.

არარეკომენდებულია რთული პროექტების განხილვა. 

კარგი დღეა მოგზაურობისთვის.

თმის შეჭრა, შეღებვა: კუროს დღეები კარგია სალონში ვიზიტისთვის. თმა კარგად გაიზრდება და გაუმჯობესდება მისი მდგომარეობა.

არახელსაყრელი დღეა ნიღბების გასაკეთებლად.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

მებაღეობა: კურო ნაყოფიერი ნიშანია. დასაშვებია მცენარეების დარგვა–გადარგვა, ფორმის მიცემა, მავნებლებთან (მღრღნელებთან) ბრძოლა.

უნდა შეზღუდოთ ნიადაგის დატენიანებისა და სასუქის მიცემის სამუშაოები. შეიძლება სარეველებისგან გაწმენდის „არააგრესიული“ სამუშაოები.

დეტალურად იხილეთ აქ>>

0