ხელბორკილებში

დაკავებულია ქალი, რომელმაც ბავშვი საპირფარეშოში გააჩინა და შემდეგ ქუჩაში მიაგდო ვიდეო

112
(განახლებულია 17:25 16.06.2020)
პოლიციამ მოძებნა და დააკავა ქალი, რომელიც არასასურველი ბავშვის მოცილებას შეეცადა. ახლა მას პატიმრობა ელოდება.

თბილისი, 16 ივნისი – Sputnik. სიღნაღის რაიონში პოლიციელებმა დააკავეს ორმოცი წლის ქალი, რომელსაც ბრალად ედება თავისი ახალშობილის განზრახ მკვლელობის მცდელობა, ნათქვამია შსს-ს განცხადებაში.

ახალშობილი სიღნაღის მუნიციპალიტეტის სოფელ ქვემო ბოდბეში ბენზინგასამართი სადგურის ტერიტორიაზე იპოვეს. ნაპოვნი ბავშვის შესახებ პოლიციას გამვლელებმა აცნობეს. ბავშვს აღენიშნებოდა სხეულის დაზიანებები, თუმცა მისი მდგომარეობა დამაკმაყოფილებელია და ის კლინიკაში მედიკოსების მეთვალყურეობის ქვეშ იმყოფება.

ბავშვის დედა მეზობელი ქალაქის საავადმყოფოში იპოვეს, სადაც ის ძლიერი სისხლდენით თავად მივიდა. ექიმებმა მას ოპერაცია გაუკეთეს.

პოლიცია ამ დრომდე ქალის გამოკეთებას ელოდებოდა, რომ ის დაეკავებინა.

ბავშვის მამის ინფორმაციით, მან არ იცოდა, რომ მეუღლე ფეხმძიმედ იყო. მისი თქმით, ქალი ამბობდა, რომ სიმსივნე ჰქონდა და სხვადასხვა ჩივილები აწუხებდა.

ვინ აიღებს ბავშვზე მეურვეობას, ჯერჯერობით უცნობია. ამ საკითხში ჩართული არიან სოციალური მომსახურების თანამშრომლები.

გამოძიება მიმდინარეობს სსკ-ის 19-112 მუხლით, რომელიც დედის მიერ ახალშობილის განზრახ მკვლელობის მცდელობას გულისხმობს. ბრალდებულს სამიდან ხუთ წლამდე თავისუფლების აღკვეთა ემუქრება.

112
თემები:
კრიმინალი საქართველოში (990)
სახანძრო მანქანა

რუსთავში ხანძრის შედეგად მამაკაცი დაიღუპა

72
ხანძრის ლიკვიდაციის შემდეგ მაშველებმა ბინაში შუახნის მამაკაცის ცხედარი აღმოაჩინეს, სხვა დაშავებული არავინაა

თბილისი, 9 ივლისი – Sputnik. რუსთავში საცხოვრებელი კორპუსის ბინაში ხანძრის შედეგად შუახნის მამაკაცი დაიღუპა, განუცხადეს Sputnik-საქართველოს საგანგებო სიტუაციების მართვის სამსახურში.

ხანძარი ხუთშაბათს საღამოს რუსთავის მე-12 მიკრორაიონში გაჩნდა.

„ხანძრის ლიკვიდაციის შემდეგ მაშველებმა ბინაში შუახნის მამაკაცის ცხედარი აღმოაჩინეს. მოსახლეობის დროული ევაკუაციის შედეგად სხვა დაშავებულები არ არიან“, - განაცხადა საგანგებო სიტუაციების მართვის სამსახურის თანამშრომელმა.

ადგილზე მობილიზებული იყო მეხანძრე-მაშველების ოთხი ბრიგადა. ხანძრის ლიკვიდირების მიუხედავად, მათ ტერიტორია ჯერ არ დაუტოვებიათ.

საგანგებო სამსახურში აცხადებენ, რომ ხანძრის გამომწვევი მიზეზების დადგენა მიმდინარეობს.

ცოტა ხნის წინ პირველმა არხმა გაავრცელა ინფორმაცია, რომ სავარაუდოდ ხანძარი გააჩინა ფსიქიური პრობლემების მქონე მამაკაცმა, რომელიც ეტლით მოსარგებლეა. სავარაუდოდ მან ბინიდან გამოსვლა ვერ მოახერხა. ამის შესახებ მაუწყებელს მისმა ძმამ განუცხადა.

72
თემები:
შემთხვევები საქართველოში
მეხანძრე-მაშველები

რუსთავში საცხოვრებელ კორპუსში ხანძარია - მიმდინარეობს მოსახლეობის ევაკუაცია

96
ერთ-ერთი დაზარალებულის ვერსიით, ხანძარი გააჩინა ფსიქიკური პრობლემების მქონე მისმა ძმამ, რომელიც ეტლით მოსარგებლეა

თბილისი, 9 ივლისი – Sputnik. რუსთავის მე-12 მიკრორაიონში საცხოვრებელ კორპუსში ბინა იწვის, მიმდინარეობს მოსახლეობის ევაკუაცია, იუწყება პირველი არხი.

ერთ-ერთმა დაზარალებულმა, რომლის ბინაშიც ცეცხლი გაჩნდა, განაცხადა, რომ ხანძარი სავარაუდოდ მისმა ძმამ გააჩინა, რომელსაც ფსიქიკური პრობლემები აქვს და ბოლო პერიოდში სახლის გადაწვით იმუქრებოდა. მისივე თქმით, ცეცხლის გაჩენის მომენტში ბინაში მისი ძმა და დედა იმყოფებოდნენ, დედამ გამოსვლა მოახერხა, თუმცა არაფერი იცის ძმის შესახებ, რომელიც ეტლით მოსარგებლეა.

დაზარალებულის თქმით, ბოლო რამდენიმე თვის განმავლობაში არაერთ ფსიქიატრიულ კლინიკას მიმართა, თუმცა, ვინაიდან მისი ძმა ეტლით მოსარგებლეა, მის მიღებაზე ყველა კლინიკამ უარი უთხრა.

ადგილზე ხანძარი ლოკალიზებულია, თუმცა ძლიერი დაკვამლიანებაა, რის გამოც მოქალაქეთა ნაწილს ჟანგბადი დასჭირდა. ადგილზე მუშაობენ სახანძრო-სამაშველო ჯგუფები.

 

96
თემები:
შემთხვევები საქართველოში
ირანის სახელმწიფო დროშები

მესამე აფეთქება ბოლო სამ კვირაში: ირანში უცნობი სამხედრო ობიექტი შენიშნეს

0
(განახლებულია 10:32 10.07.2020)
პარასკევს მომხდარი აფეთქება უკვე მესამე ინციდენტია ბოლო სამი კვირის განმავლობაში, რომლებიც ირანის სამხედრო ობიექტებზე მოხდა

თბილისი, 10 ივლისი — Sputnik. თეირანის დასავლეთ ნაწილში აფეთქება მოხდა, რასაც ორ საცხოვრებელ რაიონში ელექტრომომარაგების მასიური გათიშვა, იუწყება The New York Times–ი ირანის სახელმწიფო მედიაზე დაყრდნობით. 

​აღსანიშნავია, რომ ეს ირანში მომხდარი მესამე ინციდენტია ბოლო სამი კვირის განმავლობაში.

გამოცემის ინფორმაციით, აფეთქების ზუსტი ადგილი უცნობია, თუმცა, როგორც ექსპერტები ამბობენ, აღნიშნულ რაიონში რამდენიმე სამხედრო და სასწავლო ობიექტი მდებარეობს.

„არსებობს ორი მიწისქვეშა ნაგებობა, რომლებიც ქიმიური იარაღის კვლევას უკავშირდება, და ასევე უცნობი სამხედრო ქარხანა“, — განაცხადა სამხედრო ექსპერტმა ირანის საკითხებში ფაბიან ჰინცმა.

​აღსანიშნავია, რომ ირანის სახელმწიფო მედიის განცხადების მიუხედავად აფეთქების შესახებ, პარლამენტის წევრი ჰოსეინ აგვერდი უარყოფს მსგავსს და აცხადებს, რომ დენის მიწოდება ადგილობრივ ელექტროსადგურზე წარმოქმნილი პრობლემის გამო შეწყდა.

შეგახსენებთ: წინა კვირაში გავრცელდა ინფორმაცია ნათანზის ბირთვულ ობიექტზე ხანძრის შესახებ, რაც სავარაუდოდ აფეთქება მოჰყვა, ხოლო კიდევ უფრო ადრე, 26 ივნისს, აფეთქება დაფიქსირდა ფარჩინის სამხედრო ბაზაზე.

0
თემები:
მსოფლიო დღეს