სახელმწიფო უსაფრთხოების სამსახურის შენობა

იგეგმებოდა თუ არა გიორგი გაბუნიას ლიკვიდაცია? რას ამბობს უსაფრთხოების სამსახური

310
(განახლებულია 15:55 16.06.2020)
თბილისში განხორციელებული სპეცოპერაციის შემდეგ, რომლითაც, სუს-ის განცხადებით, შეკვეთილი მკვლელობა იქნა აღკვეთილი, უწყება თავს იკავებს სავარაუდო მსხვერპლის ვინაობის დასახელებისგან.

თბილისი, 16 ივნისი — Sputnik. საქართველოს სახელმწიფო უსაფრთხოების სამსახურმა თბილისში გასულ კვირაში რუსეთის მოქალაქის დაკავების საქმესთან დაკავშირებით განცხადება გააკეთა და საზოგადოებას რაიმე სახის ინფორმაციის გავრცელებისგან თავის შეკავებისკენ მოუწოდა, რათა გამოძიებას ხელი არ შეეშალოს.

არსებული ინფორმაციით, თბილისში, ქავთარაძის ქუჩაზე 12 ივნისს სპეცოპერაცია ჩატარდა, რა დროსაც დააკავეს ერთი პირი, ეროვნებით ჩეჩენი, რომელსაც დოკუმენტების გაყალბება ედება ბრალად.

სუს-ის განცხადებით, უწყება ფლობდა ინფორმაციას დაკავებული ვ.ბ.-ს მხრიდან შეკვეთით განზრახ მკვლელობის მომზადების თაობაზე, თუმცა იგი გაცილებით „მსუბუქი" ბრალდებით დააკავეს, რამაც შესაძლებელი გახადა მძიმე დანაშაულის თავიდან არიდება.

„ყალბი დოკუმენტების შეძენა-შენახვისა და გამოყენების ბრალდებით საქართველოს სსკ-ის 362-ე მუხლის პირველი ნაწილით დაკავებულია რუსეთის ფედერაციის მოქალაქე. დაკავება განხორციელდა შეკვეთით განზრახ მკვლელობის მომზადების ფაქტზე დაწყებული სისხლის სამართლის საქმის გამოძიების ფარგლებში, რომელსაც სახელმწიფო უსაფრთხოების სამსახურის კონტრტერორისტული ცენტრი, შესაბამისი ოპერატიული ინფორმაციის საფუძველზე აწარმოებდა", – ნათქვამია სუს-ის განცხადებაში.

უწყება არ ავრცელებს დაწვრილებით ინფორმაციას და უბრალოდ აღნიშნავს, რომ საქმეზე მიმდინარეობს საგამოძიებო მოქმედებები და მოწმეთა გამოკითხვა, ინტერპოლის არხებით კი გამოთხოვილია დამატებითი ინფორმაცია.

სუს-მა აღნიშნული განცხადება მას შემდეგ გააკეთა, რაც ორშაბათს, საღამოს ოპოზიციური ტელეკომპანია „მთავარი არხის" გენერალურმა დირექტორმა ნიკა გვარამიამ ბრიფინგზე განაცხადა, რომ დაკავებული გეგმავდა ტელეწამყვან გიორგი გაბუნიას ლიკვიდაციას, რომელმაც გასული წლის ზაფხულში რუსეთის პრეზიდენტ ვლადიმირ პუტინს პირდაპირ ეთერში უწმაწური სიტყვებით შეურაცხყოფა მიაყენა.

უსაფრთხოების სამსახური აღნიშნულ განცხადებასთან დაკავშირებით, რომ დაგეგმილი მკვლელობის მსხვერპლი გიორგი გაბუნია იყო, ამ ეტაპზე კომენტარს არ აკეთებს.

310
თემები:
კრიმინალი საქართველოში (995)
დაკავება

ზუგდიდში „ტყის ძმების“ ლიდერის შვილი ნარკოდანაშაულზე დააკავეს

41
დაკავებულის პირადი, ავტომანქანის და საცხოვრებელი სახლის ჩხრეკისას ამოღებულია ნარკოტიკული საშუალებები - „მეტადონი” და „ლირიკა”. ასევე ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

თბილისი, 12 ივლისი – Sputnik. „ტყის ძმების“ ყოფილი ლიდერის დათო შენგელიას შვილის, 38 წლის დადუ შენგელიას დაკავებასთან დაკავშირებით შსს განცხადებას ავრცელებს.

სპეცოპერაცია ზუგდიდში დღეს რამდენიმე საათს მიმდინარეობდა.

სამართალდამცველებმა მოსამართლის განჩინების საფუძველზე ჩატარებული საგამოძიებო მოქმედებების შედეგად შენგელია ნარკოტიკული საშუალების უკანონო შეძენა-შენახვის ბრალდებით დააკავეს.

სამართალდამცველებმა, დაკავებულის პირადი, ავტომანქანის და საცხოვრებელი სახლის ჩხრეკისას, ნარკოტიკული საშუალებები - „მეტადონი” და „ლირიკა” ამოიღეს.

ასევე, ნივთმტკიცების სახით ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლით მიმდინარეობს.

41
თემები:
კრიმინალი საქართველოში (995)
პოლიციის ლენტი

ზუგდიდში სპეცოპერაცია ჩატარდა: დეტალები

81
დადუ შენგელიას დაკავებასთან შსს-ში კომენტარი ჯერჯერობით არ გაუკეთებიათ, სავარაუდოდ, სპეცოპერაცია ნარკოტიკებს და უკანონო იარაღს უკავშირდება

თბილისი, 12 ივლისი — Sputnik. ზუგდიდში სპეცოპერაცია ჩატარდა, იუწყება Sputnik-საქართველოს კორესპონდენტი.

უკვე სამ საათზე მეტია ზუგდიდში, დადიანის ქუჩაზე შინაგან საქმეთა სამინისტროს სპეციალური რაზმის წარმომადგენლები და ზუგდიდის კრიმინალური პოლიციის თანამშრომლები „ტყის ძმების“ ყოფილი ლიდერის დათო შენგელიას შვილს, დადუ შენგელიას საცხოვრებელ სახლს ჩხრეკენ. ჩხრეკას თავად დაკავებული და მისი უფლებადამცველი ესწრება. არსებული ინფორმაციით, პოლიციელები ნარკოტიკულ საშუალებასა და ცეცხლსასროლ იარაღს ეძებენ.

სპეცოპერაცია ზუგდიდში რამდენიმე საათის წინ ჩატარდა. შსს-ში დადუ შენგელიას დაკავებასთან დაკავშირებით კომენტარი ჯერ არ გაკეთებულა, ერთერთი ვერსიით კი გამოძიება მას ნარკოტიკული საშუალების უკანონო შეძენა, შენახვა მოხმარებასა და ცეცხლსასროლი იარაღის ტარებას ედავება.

ნიკა ლატარია

81
თემები:
კრიმინალი საქართველოში (995)
თბილისი

კუნძული მსოფლიოს Covid-რუკაზე: ავსტრიული გამოცემა საქართველოს ბრძოლაზე წერს

0
საქართველომ დაამტკიცა, რომ სწრაფი რეაგირება, დისციპლინა და მკაცრი ქმედებები ვირუსის წინააღმდეგ ბრძოლაში წარმატების საწინდარია, წერს გამოცემა

თბილისი, 12 ივლისი – Sputnik. ავსტრიული საზოგადოებრივი მაუწყებლის ბეჭდური გამოცემა – ORF Nachrichten სტატიას აქვეყნებს საქართველოს, როგორც კორონავირუსის წინააღმდეგ ბრძოლაში განსაკუთრებულად წარმატებული ქვეყნის შესახებ.

სტატიაში ნათქვამია, რომ საქართველო სამხრეთ კავკასიის პატარა ქვეყანაა, რომელიც „მაღალი ინფიცირების მქონე ქვეყნებით გარშემორტყმული ერთგვარი კუნძულია, რომელმაც ვირუსის წინააღმდეგ შემუშავებული ბრძოლის სტრატეგიით სახელი გაითქვა“.

„ქვეყანა 3,7 მილიონი მოსახლეობით მდებარეობს თურქეთსა და რუსეთის ფედერაციას შორის, ასევე ესაზღვრება სომხეთსა და აზერბაიჯანს. ყოფილ საბჭოთა რესპუბლიკებში, ასევე თურქეთში ინფიცირების შემთხვევების რაოდენობა მოსახლეობაში ზოგჯერ ათჯერ მაღალია“, - აღნიშნულია სტატიაში.

ავტორი აღნიშნავს, რომ ვირუსთან ბრძოლაში წარმატებული მოქმედებების შედეგად საქართველომ ყურადღება მიიპყრო რამდენიმე გავლენიანი საერთაშორისო გამოცემის და ანალიტიკური ცენტრის (BBC, ამერიკული და ბრიტანული ანალიტიკური ცენტრების), რომლებიც ზედმიწევნით სწავლობდნენ საქართველოს მაგალითს.

„საქართველომ ყველას დაუმტკიცა, რომ სწრაფი რეაგირება, დისციპლინა და მკაცრი ქმედებები (ზოგჯერ არცთუ ისე პოპულარული) Covid-ვირუსის წინააღმდეგ ბრძოლაში წარმატების საწინდარია“, – ნათქვამია სტატიაში.

მასალაში აღნიშნულია, რომ საქართველოს მთავრობის მიერ გადადგმული ეფექტური ნაბიჯების გარდა, ე.წ. სამმა მუშკეტერმა – დაავადებათა კონტროლის ცენტრის დირექტორმა ამირან გამყრელიძემ, მისმა მოადგილემ პაატა იმნაძემ და ვირუსოლოგმა, თბილისის ინფექციური საავადმყოფოს დირექტორმა თენგიზ ცერცვაძემ ერთობლივი სტრატეგია შეიმუშავეს.

რაც შეეხება საქართველოს მთავრობის მიერ გადადგმულ კონკრეტულ ნაბიჯებს, სტატიაში ნათქვამია, რომ მკაცრად კონტროლდებოდა შეზღუდვების დაცვა, საჭიროების შემთხვევაში კი ცალკეულ პირებს, ასევე კომპანიებს დიდი ოდენობის ჯარიმები დაეკისრა.

ამავე კონტექსტში აღნიშნულია, რომ მთავრობის მიერ მიღებული გადაწყვეტილებები ყოველთვის მოსაწონი არ იყო მოსახლეობისთვის, თუმცა მისი დიდი ნაწილი მთავრობის მოწოდებას დაემორჩილა და სახლში დარჩა. სტატიაში აგრეთვე ნახსენებია „ქართული მართლმადიდებლური ეკლესია”, რომელიც აგრძელებდა ღვთისმსახურებას.

საქართველო სომხეთს კორონავირუსთან ბრძოლაში დახმარებას კიდევ ერთხელ სთავაზობს >>

სტატიის დასასრულს ავტორი უამბობს მკითხველს, რომ საქართველო 1 ივლისიდან საერთაშორისო ტურისტებისთვის საჰაერო საზღვრების გახსნას აპირებდა, თუმცა ქვეყანაში ეპიდსიტუაციის სტაბილურობის შესანარჩუნებლად ამ თარიღმა ივლისის ბოლოსთვის გადაიწია.

0
თემები:
COVID-19-ის პანდემია მსოფლიოში