რუსთავის საქალაქო სასამართლო

სასამართლომ საქართველოს ყოფილი პროკურორი გენერლის მკვლელობაში უდანაშაულოდ ცნო

159
(განახლებულია 22:02 12.06.2020)
სასამართლომ ექსპროკურორი მკვლელობაში უდანაშაულოდ ცნო და იარაღის მართლსაწინააღმდეგო შეძენა-შენახვა-ტარებისთვის ექვსი წლით პატიმრობა მიუსაჯა

თბილისი, 12 ივნისი - Sputnik. რუსთავის საქალაქო სასამართლომ კახეთის რეგიონის ყოფილ პროკურორ გიორგი ჭანტურიას, რომელსაც გენერალ სოსო ქუთათელაძის მკვლელობაში ედებოდა ბრალი, უდანაშაულოდ ცნო.

თუმცა დამნაშავედ ცნო მეორე მუხლით - იარაღის შეძენა-შენახვა-ტარებისთვის და ექვსი წლით თავისუფლების აღკვეთა მიუსაჯა.

გენერალი სამსონ ქუთათელაძე რუსთავში, „სტამბოლის ბაზარზე“, საკუთარ კაბინეტში 2018 წლის 15 იანვარს ცეცხლსასროლი იარაღით მოკლული იპოვეს. იგი ბაზრის მეწილე იყო. რამდენიმე დღეში გიორგი ჭანტურია დააკავეს, თუმცა 18 იანვარს ბრალის წარდგენის გარეშე გაათავისუფლეს. მოგვიანებით, 8 აგვისტოს, გიორგი ჭანტურია სამართალდამცველებმა განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით დააკავეს.

„ჩვენ იმთავითვე ვაცხადებდით, რომ გიორგი ჭანტურიას არ აქვს ეს დანაშაული ჩადენილი და რომ მის მიმართ ფალსიფიცირებული მტკიცებულებების გზით ცდილობდა პროკურატურა და შსს ბრალდების დამტკიცებას. სასამართლოს მიერ მიღებული გადაწყვეტილება ამ ნაწილში არის ძალიან მნიშვნელოვანი დაცვის მხარისთვის. ეს იყო უმძიმესი ბრალდება და ამ უმძიმეს ბრალდებაში ჭანტურიას გამართლება არის სასამართლოს მიერ მიღებული კანონიერი გადაწყვეტილება“, – განაცხადა ადვოკატმა, ბექა ბასილაიამ პირველი არხის ეთერში.

რაც შეეხება განაჩენის მეორე ნაწილს, რომელიც შეეხება სსკ-ის 236-ე მუხლით გათვალისწინებულ ბრალდებას, ამ ნაწილში დაცვის მხარე სააპელაციო სასამართლოში საჩივარს წარადგენს.

გენერალ ქუთათელაძის მკვლელობის საქმეზე გიორგი ჭანტურია დააკავეს>>

სასამართლოს გადაწყვეტილების გასაჩივრებას გეგმავს ბრალდების მხარეც. პროკურორ ლევან ჯალაღანიას განცხადებით, საქმეში არის მტკიცებულებები, რომლებიც მიუთითებენ იმაზე, რომ ქუთათელაძე სწორედ ჭანტურიას მოკლულია.

პროკურატურის მტკიცებით, ბრალდებულის ძალისხმევის შედეგად საქმეში არ არსებობს მკვლელობის იარაღი. მაგრამ არის მოწმეთა ჩვენებები, რომლებმაც დაინახეს, როგორ შევიდა ქუთათელაძე ბაზრის ადმინისტრაციის ოფისში ჭანტურიასთან ერთად.

„დაინახეს მოწმეებმა, თუ როგორ გამოვიდა ბრალდებული და დატოვა შემთხვევის ადგილი მანქანით. არის მოწმეთა ჩვენებები, თუ როგორ დაინახეს ბრალდებული, როგორ გამოვიდა და ხელში ეკავა იარაღი. ამის გარდა, იყო ვიდეოჩანაწერები, სადაც ჩანდა, რომ ბრალდებულს მკვლელობამდე ეცვა სხვა ტანისამოსი, შემდეგ გამოიცვალა და გადამალა ტანისამოსი მკვლელობის იარაღთან ერთად“, - განაცხადა პროკურორმა.

გამოძიების მტკიცებით, ჭანტურიამ მკვლელობა ქუთათელაძესთან ფინანსური უთანხმოების შემდეგ შურისძიების გამო ჩაიდინა.

რაც შეეხება თავად ბრალდებულს, ჭანტურია ამტკიცებს, რომ ქუთათელაძე მკვლელობამდე ერთი საათით ადრე ნახა, თუმცა არავითარი კონფლიქტი მათ შორის არ მომხდარა. მისი თქმით, მკვლელობის მომენტში ის ბანკში იმყოფებოდა და იქ შეიტყო დანაშაულის შესახებ - მას ჟურნალისტებმა დაურეკეს.

გენერალი ქუთათელაძე წარსულში საქართველოს პარლამენტის დეპუტატი იყო. იგი მეთაურობდა საქართველოს სამხედრო ძალების ეროვნულ გვარდიას.

159
თემები:
კრიმინალი საქართველოში (995)

უბედური შემთხვევა სვანეთში: მაშველები მდინარეში მანქანით გადავარდნილ კაცს ეძებენ

48
მესტიის მუნიცპალიტეტის სოფელ მულახში ადგილობრივ მოსახლეს ეძებენ, რომელის ავტომობილით გადავარდა მდინარე მულხურაში. იხილეთ ვიდეო, როგორ მიმდინარეობს საძიებო სამუშაოები

საქართველოს საზოგადოებრივი მაუწყებლის პირველი არხის ინფორმაციით, შემთხვევის ადგილზე იმყოფებიან მაშველები, რომლებიც დაკარგული მამაკაცის მოძებნასა და ავტომობილის მდინარიდან ამოღებას ცდილობენ.
გავრცელებული ინფორმაციით, Mitsubishi Delica–ს მძღოლი 45 წლის მამაკაცი იყო. მისი პოვნა ჯერჯერობით არ ხერხდება.

48
თეგი:
საქართველო
მტკვარი

მტკვარში ახალგაზრდა ქალს ეძებენ

116
(განახლებულია 17:25 13.07.2020)
ცნობილია, რომ დაკარგული დასავლეთ საქართველოდან ჩამოვიდა. ავტომობილში გამოსამშვიდობებელი წერილი იპოვეს.

თბილისი, 13 ივლისი – Sputnik. მდინარე მტკვარში 31 წლის ქალს ეძებენ, იუწყება ტელეკომპანია Rustavi 2.

ტელეარხის ინფორმაციით, ახალგაზრდა ქალის დაკარგვის შესახებ მისმა მეგობარმა განაცხადა.

ქალის საძიებო სამუშაოები მას შემდეგ დაიწყო, რაც მტკვრის სანაპიროზე ქალის ავტომობილი იპოვეს, რომლითაც ის ვანიდან ჩამოვიდა. ავტომობილში ნახეს გამოსამშვიდობებელი წერილი. სხვა დეტალებზე სამართალდამცველები არ საუბრობენ.

აღძრულია სისხლის სამართლის საქმე. გამოძიება მიმდინარეობს სსკ-ის 115-ე – თვითმკვლელობამდე მიყვანის მუხლით.

116
თემები:
შემთხვევები საქართველოში
ბავშვები შადრევანში

როგორ  დავიცვათ თავი გადახურებისგან ზაფხულის ცხელ დღეებში

0
(განახლებულია 16:03 13.07.2020)
საქართველოში უკვე ძალიან ცხელა. განსაკუთრებით ბავშვებს და მოხცებს უჭირთ ამ სიცხის გაძლება. მზე ამ პერიოდში ძალიან აქტიურია და შუადღისას თითქმის შეუძლებელია გარეთ გასვლა. ტემპერატურა, რომელიც აღემატაბა 32 გრადუსს საფრთხის შემცველია ადამიანის ჯანმრთელობისთვის.

როგორ უნდა მოვიქცეთ ზაფხულის ცხელ დღეებში და როგორ უნდა დავიცვათ თავი გადახურებისგან, ამის შესახებ დაავადებათა კონტროლის ცენტრის დირექტორის მრჩეველი ნია გიუაშვილი საუბრობს.

ნია გიუაშვილი
ნია გიუაშვილი

პრევენციის ელემენტარული ზომები, ასე ვთქვათ უნდა იყოს მიღებული  ინდივიდუალურად. მაქსიმალურად უნდა ვეცადოთ, რომ ორგანიზმი დავიცვათ გადახურებისგან. 32 გრადუსი, ეს გახლავთ ერთგვარი ზღვრული მაჩვენებელი და ამ ტემპერატურის პირობებში ხანგრძლივად ყოფნა, ღია სივრცეში არ არის მისაღები.

რაც შეეხება, თუ გვინდა, რომ ბინაში შევინარჩუნოთ სიგრილე, ამისათვის პირველი საშუალებაა კონდიცირება, რაც უნდა ხდებოდეს ღია ფანჯრების პირობებში. ოთახში გამორთეთ ყველა ხელსაწყო, რომელიც შეაძლოა დამატებით სითბოს გამოყოფდეს. ეს ძალიან მნიშვნელოვანი რამ გახლავთ იმისთვის, რომ წესები იყოს დაცული. თუ ბინაში არ არის კონდიცირება, დახურეთ ფანჯრები, დარაბები, ჩამოაფარეთ ფარდები, ოთახში განათავსეთ სველი პირსახოცები.

დღის განმავლობაში უნდა დაიგეგმოს საქმიანობა და მოხდეს საქმის გადანაწილება. თუ კი 32 გრადუსის პირობებში გიწევთ საქმიანობა, მუშაობის დრო არ უნდა აჭარბებდეს ორ საათს. ამის შემდგომ საჭიროა დასვენება, გაგრილება და მხოლოდ შემდგომ შეიძლება დაბრუნება იმავე საქმიანობაზე.

ზოგადად, დღის პირობებში 32 გრადუსი, ღამის პირობებში 24 გრადუსის შენარჩუნება გახლავთ ის ზღვრული მაჩვენებელი, რომელიც უნდა იყოს დაცული. სითბური ტალღებისათვის დამახასიათებელია ღამის ტემპერატურის მატება და შესაბამისად ღამის პირობებში ვერ ხდება ორგანიზმის სათანადოდ გაგრილება. ამიტომ მაქსიმალურად უნდა ვეცადოთ, რომ გავაგრილოთ ორგანიზმი. უნდა გავაღოთ ყველა ფანჯარა, განსხვავებით დღისაგან, როდესაც პირიქით ჯობია დავხურთ და ამგვარად შევინარჩუნოთ დაბალი ტემპერატურა.

როგორც წესი, დილის ოთხი საათიდან დილის შვიდ საათამდე გახლავთ ყველაზე უფრო გრილი პერიოდი და თუ კი რაიმე ტიპის ფიზიკურ აქტივობას ვგეგმავთ, სწორედ ამ პერიოდში უნდა დაიგეგმოს და არა უფრო გვიან, რომელიც შეიძლება საფრთხის შემცველი იყოს ჯანმრთელობისთვის. მითუმეტეს საქართველოში ადრე თენდება, დილის ხუთ საათზე სრულად არის გათენებული. შესაბამისად სრულიად შესაძლებელი დილის ფიზიკური აქტივობით დაწყება.

ძალიან მნიშვნელოვანია, რომ სიცხის დროს საკმარისი რაოდენობით მივიღოთ სითხე. მოხუცებისთვის სწორედ ეს არის დამახასიათებელი, მათ წყურვილის გრძნობა დაქვეითებული აქვთ. უბრაოდ არ ახსოვთ, რომ წყალი უნდა დალიონ. ამ დროს მეთვალყურეობა ოჯახის წევრების მხრიდან ბავშვებზე და მოხუცებზე, არის ძალიან მნიშვნელოვანი. მათ უნდა შევახსენოთ, იცოდნენ, რომ სიცხეში ფიზიკური აქტივობა უნდა იყოს შეზღუდული და  სითხე უნდა იქნეს საკმარისი რაოდენობით მიღებული.

სიცხის დროს მნიშვნელობა ენიჭება კვებასაც. კვება უნდა იყოს სათანადო, მცირე პორციებით და ხშირად, ხილის და ბოსტნეულის მაღალი შემცველებით. ამ დროს რაც შეიძლება შეამცირეთ ცხიმები. უარი თქვით კოფეინზე, ტკბილ და გაზიან სასმელებზე. თუმცა მინარული წყლები გაახლავთ საუკეთესო საშუალება იმისთვის, რომ სითხე იყოს შენარჩუნებული ორგანიზმში და იყოს საკმარისი ჰიდრატაცია.

კიდევ ერთი ძლიან მნიშნელოვანი რამ. ვინაიდან სიცხე ქრონიკული დაავადებების მქონე პირებისათვის გახლავთ ყველაზე მაღალი რისკის შემცველი, მნიშვნელოვანია, რომ ცხელი დღეების დადგომისთანავე მათ შესაბამისი კონსულტაცია გაიარონ მკურნალ ექიმთან და გაარკვიონ საჭიროებს თუ არა ექიმის დანიშნულება ცვლილებას.

ჯანმრთელობას გისურვებთ!

0
თემები:
ჯანმრთელობა და სილამაზე