საბერძნეთის პოლიცია

ვინ არის საბერძნეთში დაკავებული ქართველი, რომელსაც არალეგალები გადაჰყავდა

150
(განახლებულია 14:16 09.06.2020)
ავტომობილში, რომელსაც საქართველოს მოქალაქე მართავდა, ბერძნულმა პოლიციამ 13 არალეგალი ავღანელი აღმოაჩინა.

თბილისი, 9 ივნისი – Sputnik. საბერძნეთის ქალაქ სალონიკში დააპატიმრეს საქართველოს 36 წლის მოქალაქე, რომელსაც მიგრანტები გადაჰყავდა, იუწყება ბერძნული მასმედია.

გავრცელებული ინფორმაციით, პოლიცია ავტომობილის გაჩერებას ცდილობდა, მაგრამ მძღოლი პოლიციას არ დაემორჩილა, სიჩქარეს გადააჭარბა და გაქცევას შეეცადა, რა დროსაც ავტომობილმა მართვა დაკარგა და გზის სავალი ნაწილიდან გადავარდა.

პოლიციამ ავტომობილში 13 ავღანელი მიგრანტი აღმოაჩინა, რომელთაც საბერძნეთში ლეგალურად ყოფნისთვის საჭირო დოკუმენტაცია არ გააჩნდათ.

ავტომობილი ყალბი სანომრე ნიშნებით გადაადგილდებოდა. მძღოლი – საქართველოს მოქალაქე – დაკავებულია. მისი ვინაობა ჯერჯერობით უცნობია.

150
თემები:
მსოფლიო დღეს (1832)
მთის მდინარე

მესტიაში ავტომობილი მდინარეში გადავარდა: მიმდინარეობს საძიებო სამუშაოები

27
მანქანაში ერთი ადამიანი იმყოფებოდა. სამაშველო სამსახურის თანამშრომლებმა და ადგილობრივებმა მდინარიდან მანქანის ამოტანა შეძლეს, თუმცა მანქანის მძღოლს ამ დრომდე ეძებენ.

თბილისი, 12 ივლისი – Sputnik. მესტიის მუნიციპალიტეტში, მესტია-უშგულის გზის მონაკვეთზე, მულახის თემის ტერიტორიაზე მდინარე მულხურაში Mitsubishi Delica-ს მარკის ავტომობილი გადავარდა, იუწყება Sputnik-საქართველოს კორესპონდენტი.

მანქანაში ერთი ადამიანი იმყოფებოდა. სამაშველო სამსახურის თანამშრომლებმა და ადგილობრივებმა მდინარიდან მანქანის ამოტანა შეძლეს, თუმცა მანქანის მძღოლს ამ დრომდე ეძებენ.

ნიკა ლატარია

27
თემები:
შემთხვევები საქართველოში
დაკავება

ზუგდიდში „ტყის ძმების“ ლიდერის შვილი ნარკოდანაშაულზე დააკავეს

53
დაკავებულის პირადი, ავტომანქანის და საცხოვრებელი სახლის ჩხრეკისას ამოღებულია ნარკოტიკული საშუალებები - „მეტადონი” და „ლირიკა”. ასევე ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

თბილისი, 12 ივლისი – Sputnik. „ტყის ძმების“ ყოფილი ლიდერის დათო შენგელიას შვილის, 38 წლის დადუ შენგელიას დაკავებასთან დაკავშირებით შსს განცხადებას ავრცელებს.

სპეცოპერაცია ზუგდიდში დღეს რამდენიმე საათს მიმდინარეობდა.

სამართალდამცველებმა მოსამართლის განჩინების საფუძველზე ჩატარებული საგამოძიებო მოქმედებების შედეგად შენგელია ნარკოტიკული საშუალების უკანონო შეძენა-შენახვის ბრალდებით დააკავეს.

სამართალდამცველებმა, დაკავებულის პირადი, ავტომანქანის და საცხოვრებელი სახლის ჩხრეკისას, ნარკოტიკული საშუალებები - „მეტადონი” და „ლირიკა” ამოიღეს.

ასევე, ნივთმტკიცების სახით ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლით მიმდინარეობს.

53
თემები:
კრიმინალი საქართველოში