დაკავება

თბილისში არასრულწლოვანმა მოქალაქეს მოკვლის მუქარით ტელეფონი წაართვა

97
(განახლებულია 10:58 07.06.2020)
17 წლის ბიჭმა ბასრი საგნის გამოყენებით სიცოცხლის მოსპობის მუქარით 30 წლის მოქალაქეს მობილური ტელეფონი წაართვა

თბილისი, 7 ივნისი — Sputnik. თბილისში ყაჩაღობის ბრალდებით წარსულში ნასამართლევი 17 წლის ბიჭი ცხელ კვალზე დააკავეს, ნათქვამია შინაგან საქმეთა სამინისტროს პრესსამსახურის განცხადებაში.

„ბრალდებულმა თბილისში, 1989 წელს დაბადებულ მოქალაქეს ბასრი საგნის გამოყენებით სიცოცხლის მოსპობის მუქარით წაართვა მობილური ტელეფონი. მოქალაქემ პატრულ-ინსპექტორებს დახმარების მიზნით მიმართა, საპატრულო პოლიციის თანამშრომლებმა მყისიერი რეაგირება მოახდინეს და ბრალდებული ადგილზე დააკავეს“, - ნათქვამია განცხადებაში.

სამართალდამცველებმა, დაკავებულის პირადი ჩხრეკისას, ბასრი საგანი და ყაჩაღობის გზით მოპოვებული მობილური ტელეფონი ნივთმტკიცებად ამოიღეს.

გამოძიება ყაჩაღობის ფაქტზე, საქართველოს სსკ-ის 179-ე მუხლის 1-ლი ნაწილით მიმდინარეობს. დანაშაული 5-დან 7 წლამდე ვადით თავისუფლების აღკვეთას ითვალისწინებს.

97
თემები:
კრიმინალი საქართველოში (994)
პოლიციის ლენტი

ზუგდიდში სპეცოპერაცია ჩატარდა: დეტალები

67
დადუ შენგელიას დაკავებასთან შსს-ში კომენტარი ჯერჯერობით არ გაუკეთებიათ, სავარაუდოდ, სპეცოპერაცია ნარკოტიკებს და უკანონო იარაღს უკავშირდება

თბილისი, 12 ივლისი — Sputnik. ზუგდიდში სპეცოპერაცია ჩატარდა, იუწყება Sputnik-საქართველოს კორესპონდენტი.

უკვე სამ საათზე მეტია ზუგდიდში, დადიანის ქუჩაზე შინაგან საქმეთა სამინისტროს სპეციალური რაზმის წარმომადგენლები და ზუგდიდის კრიმინალური პოლიციის თანამშრომლები „ტყის ძმების“ ყოფილი ლიდერის დათო შენგელიას შვილს, დადუ შენგელიას საცხოვრებელ სახლს ჩხრეკენ. ჩხრეკას თავად დაკავებული და მისი უფლებადამცველი ესწრება. არსებული ინფორმაციით, პოლიციელები ნარკოტიკულ საშუალებასა და ცეცხლსასროლ იარაღს ეძებენ.

სპეცოპერაცია ზუგდიდში რამდენიმე საათის წინ ჩატარდა. შსს-ში დადუ შენგელიას დაკავებასთან დაკავშირებით კომენტარი ჯერ არ გაკეთებულა, ერთერთი ვერსიით კი გამოძიება მას ნარკოტიკული საშუალების უკანონო შეძენა, შენახვა მოხმარებასა და ცეცხლსასროლი იარაღის ტარებას ედავება.

ნიკა ლატარია

67
თემები:
კრიმინალი საქართველოში (994)
რუსთავის ცენტრალური საავადმყოფო

რუსთავის „ცხელების ცენტრიდან“ გაქცეულ პაციენტს ეძებენ

53
(განახლებულია 17:51 12.07.2020)
მამაკაცს თერმოსკრინინგის დროს ტემპერატურა დაუდასტურდა, რის გამოც „ცხელების ცენტრის“ ბოქსირებულ განყოფილებაში გადაიყვანეს, სადაც ანალიზები აუღეს

თბილისი, 10 ივლისი – Sputnik. რუსთავის „ცხელების ცენტრიდან“ გაქცეულ პაციენტს ამ დრომდე ეძებენ, იუწყება საზოგადოებრივი მაუწყებლის პირველი არხი.

შუახნის მამაცი, რომელსაც რუსეთში მოგზაურობის ისტორია აქვს, რუსთავის საკარანტინო სივრცეში იმყოფებოდა.

მას თერმოსკრინინგის დროს ტემპერატურა დაუდასტურდა, რის გამოც „ცხელების ცენტრის“ ბოქსირებულ განყოფილებაში გადაიყვანეს, სადაც ანალიზები აუღეს.

თუმცა, ვიდრე ე.წ. ცხელების ცენტრიდან საკარანტინო სივრცეში დაბრუნდებოდა, პაციენტი ფანჯრიდან გადახტა და მიიმალა.

მამაკაცს ამ დრომდე ეძებენ.

შეგახსენებთ, ბოლო დროიდან ადმინისტრაციულ სამართალდარღვევათა კოდექსში თვითიზოლაციისა და კარანტინის წესების დარღვევისთვის გათვალისწინებულია სანქციები. ფიზიკური პირი, რომელმაც დანიშნული ეპიდემიოლოგიური რეჟიმი დაარღვია, 2 ათასი ლარით ჯარიმდება, იურიდიული პირი - 10 ათასი ლარით.

განმეორებითი დარღვევა იწვევს სისხლის სამართლის პასუხისმგებლობას 6-დან 2 წლამდე შინაპატიმრობის ან 3 წლამდე თავისუფლების აღკვეთის სახით.

53
თემები:
COVID-19 საქართველოში
ყარაბაღი

ბაქოსა და ერევანს შორის შეიარაღებული შეტაკება მოხდა

0
მხარეები ერთმანეთს ადანაშაულებენ დაპირისპირების გაღვივებაში და ინტენსიური საარტილერიო სროლის შესახებ იუწყებიან

თბილისი, 12 ივლისი – Sputnik. ერევანმა და ბაქომ აზერბაიჯან-სომხეთის საზღვარზე შეიარაღებული შეტაკების შესახებ განაცხადეს.

12 ივლისს შუადღიდან სომხეთის შეიარაღებული ძალების ქვედანაყოფებმა თოუზის რაიონში აზერბაიჯან-სომხეთის საზღვრის მონაკვეთზე უხეშად დაარღვიეს ცეცხლის შეწყვეტის რეჟიმი, აზერბაიჯანის შეიარაღებული ძალების პოზიციების მისამართით საარტილერიო დანადგარებიდან ცეცხლი გახსნეს, იუწყება Sputnik-აზერბაიჯანი.

როგორც აზერბაიჯანის თავდაცვის სამინისტროს ოფიციალურ ვებგვერდზეა ნათქვამია, ორივე მხრიდან არის მსხვერპლი. ამჟამად ბრძოლები ამ მიმართულებით მიმდინარეობს. აზერბაიჯანის ქვედანაყოფები ოპერატიულ ვითარებას აკონტროლებენ.

თავის მხრივ, სომხეთის თავდაცვის მინისტრის მოადგილე შუშან სტეპანიანი აცხადებს, რომ დაახლოებით 12:30 საათზე აზერბაიჯანის სამხედროებმა УАЗ-ის მარკის ავტომობილით სახელმწიფო საზღვრის დარღვევის მცდელობა განახორციელეს, იუწყება Sputnik-სომხეთი.

სომხეთის მხარის გაფრთხილების შემდეგ აზერბაიჯანელმა სამხედროებმა მიატოვეს ავტომობილი და თავის პოზიციებზე დაიხიეს. თუმცა ამით ინციდენტი არ ამოწურულა.

დაახლოებით ერთი საათის შემდეგ აზერბაიჯანულმა მხარემ საარტილერიო ცეცხლი გახსნა და სომეხი სამხედროების დასაყრდენი პუნქტის აღება სცადა. თუმცა საპასუხო ცეცხლის შედეგად აზერბაიჯანელმა სამხედროებმა უკან დაიხიეს, მათ ცოცხალ ძალებში დანაკარგებია, იუწყება სტეპანიანი.

აზერბაიჯანული მხარე ორი დაღუპულისა და ხუთი დაჭრილის შესახებ იუწყება, სომხური მხარე იუწყება, რომ ინციდენტი მათი მხრიდან მსხვერპლის გარეშე დასრულდა.

0
თემები:
მთიან ყარაბაღში სიტუაცია გამწვავდა