პოლიცია დანაშაულის ადგილზე

ბრძოლა ოჯახურ ძალადობასთან: დაკავებულია პენსიონერი და ახალგაზრდა მამაკაცი

71
(განახლებულია 00:32 07.06.2020)
საქართველოში ოჯახური ძალადობა ერთ-ერთ ყველაზე გავრცელებულ დანაშაულად რჩება - 2020 წლის პირველ ოთხ თვეში დაახლოებით 1800 ასეთი დანაშაული დაფიქსირდა,

თბილისი, 7 ივნისი - Sputnik. შიდა ქართლში დააკავეს ოჯახურ ძალადობაში ბრალდებული ერთბაშად ორი პირი - 80 და 38 წლის მამაკაცები, ნათქვამია შსს-ს ვებგვერდზე გავრცელებულ განცხადებაში.

საგანგებო მდგომარეობის დროს ქალთა დაცვა სახელმწიფოს პრიორიტეტი უნდა იყოს – ლომჯარია >>

გამოძიების მონაცემებით, ქარელში 80 წლის მამაკაცი თავისი 14 წლის შვილიშვილის ცემის გამო დააკავეს. მოზარდმა აცნობა სოცმუშაკს, მან კი - პოლიციას. ახლა პენსიონერს სამ წლამდე პატიმრობა ემუქრება.

რაც შეეხება მეორე დაკავებულს, ის გორში ცოლის ცემისთვის დააკავეს, ასევე გარკვეული პერიოდის მანძილზე ბრალდებული ცოლს სიცოცხლის მოსპობით ემუქრებოდა. ახლა მასაც სამ წლამდე პატიმრობა ემუქრება.

ოჯახური ძალადობა, ხელისუფლების მიერ მიღებული ზომების მიუხედავად, ერთ-ერთ ყველაზე გავრცელებულ დანაშაულად რჩება. 2020 წლის პირველ ოთხ თვეში დაახლოებით 1800 ასეთი დანაშაული დაფიქსირდა, საიდანაც დაახლოებით 1000 გახსნილია.

71
თემები:
კრიმინალი საქართველოში (998)
თბილისის საქალაქო სასამართლო

რა ღირს დავით ცინარიძის თავისუფლება: საპატრულო პოლიციის ექს-უფროსს გირაო შეუფარდეს

42
(განახლებულია 12:53 15.07.2020)
საპატრულო პოლიციის ყოფილ უფროსს ოჯახური ძალადობა ედება ბრალად. გამოძიების ცნობით, იგი მეუღლეს ფიზიკურად გაუსწორდა და მოკვლით დაემუქრა

თბილისი, 15 ივლისი — Sputnik. საქართველოს საპატრულო პოლიციის ყოფილი უფროსი დავით ცინარიძე სასამართლომ 30 000-ლარიანი გირაოს სანაცვლოდ გაათავისუფლა, იუწყება საზოგადოებრივი მაუწყებლის პირველი არხი.

პოლიციამ ცინარიძე მიმდინარე წლის 28 აპრილს, ოჯახური ძალადობის ბრალდებით დააკავა. პროკურატურის ინფორმაციით, არაფხიზელ მდგომარეობაში მყოფმა ცინარიძემ მეუღლეს სიტყვიერი და ფიზიკური შეურაცხყოფა მიაყენა, ამასთან, მას ცეცხლსასროლი იარაღით დაემუქრა, თან ერთხელ გაისროლა კიდეც. ინციდენტის შედეგად არავინ დაშავებულა.

ბრალდებულის ადვოკატის კახა ხვისტანის თქმით, ცინარიძის პატიმრობაში ყოფნის არავითარი საფუძველი არ არსებობდა. იგი დარწმუნებულია, რომ მისი დაცვის ქვეშ მყოფ პირს გამამართლებელ განაჩენს გამოუტანენ.

დავით ცინარიძეს საპატრულო პოლიციის სამმართველოს უფროსის თანამდებობა 2015 წელს ეკავა.

სისხლის სამართლის საქმე აღძრულია ოჯახური ძალადობისა და ოჯახის წევრის მიმართ მუქარის მუხლებით, რაც სამ წლამდე პატიმრობას ითვალისწინებს.

42
თემები:
კრიმინალი საქართველოში (998)
მდინარე ჯუმი

მდინარეში 15 წლის მოზარდის ცხედარი იპოვეს

68
(განახლებულია 15:31 15.07.2020)
გავრცელებული ინფორმაციით, 15 წლის ბიჭი მდინარესთან საქონელს მწყემსავდა, რა დროსაც ფეხი დაუცდა და ადიდებულ მდინარეში ჩავარდა.

თბილისი, 15 ივლისი — Sputnik. მაშველებმა ზუგდიდის მუნიციპალიტეტის სოფელ დარჩელში, მდინარე ჯუმში 15 წლის მოზარდის ცხედარი იპოვეს, იუწყება „Sputnik-საქართველოს" კორესპონდენტი.

სოფლის რწმუნებულის მამუკა ჯოლოგუას თქმით, ორდღიანი ძებნის შემდეგ დაკარგული არასრულწლოვანის ცხედარი გაუჩინარების ადგილიდან დაახლოებით 3 კილომეტრში ქვიშაში ჩაფლული იპოვეს.

გავრცელებული ინფორმაციით, 15 წლის ბიჭი მდინარესთან საქონელს მწყემსავდა, რა დროსაც ფეხი დაუცდა და ადიდებულ მდინარეში ჩავარდა.

ბიჭი ადგილობრივებმა ბოლოს 13 ივლისს ნახეს.

სამძებრო-სამაშველო ოპერაციაში ჩართული იყვნენ სახანძრო-სამაშველო ჯგუფები სამეგრელო–ზემო სვანეთის, იმერეთის და აჭარის რეგიონებიდან. ასევე მობილიზებული იყო დრონი და ექოლოტი.

68
თემები:
შემთხვევები საქართველოში
პარკინგი

ზონალურ-საათობრივი პარკირება პეკინზეც ამოქმედდება

0
(განახლებულია 14:27 15.07.2020)
თბილისში ზონალურ-საათობრივი პარკირების სისტემა 2019 წლის 1 აგვისტოდან ამოქმედდა. პარკირების ახალი მოდელი თბილისის სატრანსპორტო პოლიტიკის ფორმირების ფარგლებში შემუშავდა.

თბილისი, 15 ივლისი — Sputnik. თბილისის მერია ზონალურ-საათობრივი პარკირების სისტემის დანერგვის ახალ ეტაპზე გადადის და პროექტში დედაქალაქის ახალი რაიონების ჩართვას გეგმავს.

როგორც დღეს გამართულ ქალაქის მთავრობის სხდომაზე კახა კალაძემ განაცხადა, კოტე აფხაზის ქუჩასა და ორბელიანის მოედანზე საპილოტე ვერსიამ გაამართლა, ამიტომაც გადაწყდა მისი გაფართოება და საბურთალოს რაიონში დანერგვა.

ზონალურ-საათობრივი პარკირების სისტემა პეკინის გამზირსა და მიმდებარე ქუჩებზე 10 სექტემბრიდან ამოქმედდება, მანამდე კი პროექტს მოსახლეობასგააცნობენ.

„10 აგვისტოდან პეკინის გამზირზე საინფორმაციო ჯიხურები განთავსდება, რათა მოსახლეობას სრული ინფორმაცია ჰქონდეს იმის შესახებ, თუ როგორ ფუნქციონირებს პროექტი", - განაცხადა კალაძემ.

როგორც მერმა აღნიშნა, პირველ ყოვლისა მათ, ვისაც ზონალურ-საათობრივი პარკირების პროგრამით სარგებლობა სურს, უნდა გაიაროს რეგისტრაცია და ბაზაში საკუთარი ავტომობილის მონაცემები შეიტანოს. ამ ქუჩების მცხოვრებლებისთვის პარკირება უფასო იქნება. იმ მოქალაქეებისთვის, ვინც რაიონში დროებით, გავლით იმყოფება, პარკირების ღირებულება საათში 1 ლარი იქნება.

ზონალურ-საათობრივი პარკირება უფასო იქნება შშმ პირებისა და ელექტრომობილების მფლობელებისთვის.

ქალაქის მერმა მის მოადგილე ირაკლი ხმალაძეს პროექტის საკუთარი კონტროლის ქვეშ აყვანა დაავალა.

„ეს ძალზე მნიშვნელოვანი პროექტია იმ თვალსაზრისით, რომ ყველა განვითარებული ქვეყანა, დიდი ქალაქები ამ მიმართულებით მიდიან და თბილისშიც ანალოგიური პროექტები განხორციელდება", – განაცხადა თბილისის მერმა.

თბილისში ზონალურ-საათობრივი პარკირების სისტემა 2019 წლის 1 აგვისტოდან ამოქმედდა. პარკირების ახალი მოდელი თბილისის სატრანსპორტო პოლიტიკის ფორმირების ფარგლებში შემუშავდა.

0
თემები:
თბილისის მერია