პატრული

პოლიციამ საგანგებო მდგომარეობის რეჟიმის დარღვევის 100-ზე მეტი ფაქტი გამოავლინა

101
(განახლებულია 19:02 19.05.2020)
საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.

თბილისი, 19 მაისი – Sputnik. სამართალდამცველებმა საგანგებო მდგომარეობის რეჟიმისა და ე.წ. კომენდანტის საათის წესების დარღვევის 101 ახალი ფაქტი გამოავლინეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში. 

საქართველოში კორონავირუსის გავრცელების საფრთხის გამო საგანგებო მდგომარეობა 21 მარტს გამოცხადდა. ათი დღის შემდეგ მთავრობამ ზომები კიდევ უფრო გაამკაცრა. აიკრძალა სამ კაცზე მეტი პირის შეკრება, სავალდებულო გახდა ორმეტრიანი სოციალური დისტანციის დაცვა და კომენდანტის საათის დროს სათანადო ნებართვის გარეშე ქუჩაში გასვლა აიკრძალა. 

პოლიციამ 18 მაისის 21:00 საათიდან 19 მაისის დილის 06:00 საათამდე ე.წ. კომენდანტის საათის დარღვევის ფაქტზე მთელი ქვეყნის მასშტაბით 92 მოქალაქე დააჯარიმა. მგზავრთა გადაყვანისა და ავტომობილით გადაადგილების წესის დარღვევის ფაქტზე 8 პირი დაჯარიმდა. გარდა ამისა, პოლიციამ თვითიზოლაციის წესის დარღვევის 1 ახალი ფაქტი გამოავლინა.

შინაგან საქმეთა სამინისტრო კვლავ მოუწოდებს მოქალაქეებს, დაიცვან საგანგებო მდგომარეობის ფარგლებში დაწესებული შეზღუდვები, წინააღმდეგ შემთხვევაში გამოყენებული იქნება კანონით გათვალისწინებული შესაბამისი ზომები.

საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.

101
პატრული

ბათუმში აკუსტიკური ხმაურის გამო ცხრა მოქალაქე დააჯარიმეს

29
აკუსტიკური ხმაურის დასაშვები ნორმები განსხვავებულია დღისა (08:00 სთ-დან 23:00 სთ-მდე) და ღამის (23:00 სთ-დან 08:00 სთ-მდე) პერიოდებისათვის.

 

თბილისი, 8 აგვისტო - Sputnik. ბათუმში ბოლო ერთი თვის განმავლობაში აკუსტიკური ხმაურის ნორმის დარღვევის ფაქტზე სულ 34 შეტყობინება შევიდა, მათ შორის ცხრა პირი დაჯარიმდა,  ნათქვამია ბათუმის მუნიციპალური ინსპექციის მიერ გავრცელებულ ინფორმაციაში.

ადმინისტრაციულ სამართალდარღვევათა კოდექსში ცვლილებების თანახმად, 2017 წლის 15 აგვისტოს ძალაში შევიდა კანონი ხმაურის აკრძალვის შესახებ. კანონი პირველ ჯერზე გაფრთხილებას ითვალისწინებს, განმეორებით შემთხვევებში კი დაწესებულია ფულადი ჯარიმა — 150 ლარი ფიზიკური პირისთვის, და 500 ლარი იურიდიული პირისთვის. ყოველ მომდევნო შემთხვევაში ჯარიმის ოდენობა ორმაგდება. 

შეგახსენებთ: აკუსტიკური ხმაურის დასაშვები ნორმები განსხვავებულია დღისა (08:00 სთ-დან 23:00 სთ-მდე) და ღამის (23:00 სთ-დან 08:00 სთ-მდე) პერიოდებისათვის.

ადმინისტრაციულ სამართალდარღვევათა კოდექსში შესული ცვლილებების თანახმად, იურიდიულ თუ ფიზიკურ პირს ადმინისტრაციული პასუხისმგებლობა ეკისრება:

• დღის ან ღამის საათებში საცხოვრებელ სახლში, კერძო საკუთრებაში არსებული უძრავი ქონების ან საზოგადოებრივი/საჯარო დაწესებულების შენობაში აკუსტიკური ხმაურის დასაშვები ნორმების გადამეტებაზე;

• ღამის საათებში პიროტექნიკური ნაკეთობის გამოყენებაზე. 

აღსანიშნავია, რომ აკუსტიკური ხმაურის ნორმების დარღვევის ფაქტებზე მოქალაქეებს შეუძლიათ აცნობონ პოლიციას, რომელსაც ევალება კიდეც მოახდინოს რეაგირება დარღვევაზე.

ხმაურის დასაშვებ ნორმად ბინებსა და სახლებში ითვლება არა უმეტეს 35 დეციბელისა დღისით და 30 დეციბელისა ღამით. სავაჭრო ობიექტებში — 55 დეციბელი, სამედიცინო დაწესებულებებში — 40, ხოლო სასწავლო დაწესებულებებში — 35 დეციბელი.

ბარებისა და რესტორნებისთვის შეზღუდვები დაწესებულია იმის გათვალისწინებით, თუ რა მანძილითაა ისინი დაშორებული მეზობლად მდებარე საცხოვრებელი სახლებიდან. დაბალსართულიანი შენობის მახლობლად დღისით დაშვებულია 50 დეციბელამდე ხმაური, ღამით კი — 40 დეციბელი. მაღალსართულიანი სახლების მახლობლად: დღისით — 55 დეციბელი, ღამით — 45.

29
თემები:
საქართველოს რეგიონები
ციხის საკანი

დაკავებული ქირურგი: პროცედურის დროს არ განმიხორციელებია არც ერთი მანიპულაცია

91
(განახლებულია 10:17 08.08.2020)
ექიმი თხოვნით მიმართავს ჯანდაცვის მინისტრ  ეკატერინე ტიკარაძეს, გაეცნოს საქმის დეტალებს და შეხედულებისამებრ მოახდინოს რეაგირება

თბილისი, 8 აგვისტო - Sputnik. მცირე თეორიული შანსიც კი რომ არსებობდეს, ჩემს რამე ქმედებას გამოეწვია ახალგაზრდა გოგონას ასეთი მძიმე მდგომარეობა, დაუფიქრებლად დავიკავებდი ბრალდებულის სკამს, ნათქვამია დაკავებული ქირურგის, ვახტანგ ყიფიანის განცხადებაში, რომელსაც თბილისის ცენტრალური საავადმყოფო სოციალურ ქსელში ავრცელებს.

თბილისის ცენტრალური საავადმყოფოს დირექტორი გიორგი ლობჟანიძე და ექიმი ვახტანგ ყიფიანი 4 აგვისტოს  დააკავეს. იმავე დღეს გენერალურმა პროკურატურამ ბრალი დაუსწრებლად წარუდგინა ანესთეზიოლოგ მაგდა ხოჭოლავას, რომელიც იტალიაში მუშაობს. ისინი  გულგრილობასა და უკანონო სამედიცინო საქმიანობაში არიან ბრალდებული. კლინიკაში ჩატარებული ორი ოპერაციის შედეგად 25 წლის გოგონა უკვე თითქმის ორი წელია, კომატოზურ მდგომარეობაში იმყოფება.

ექიმი  ვახტანგ ყიფიანი მის მიმართ ბრალდებას უსაფუძვლოს უწოდებს.

„ფაქტი ერთია – პროცედურის დროს, რამაც ასეთი სამწუხარო შედეგი დააყენა, არ განმიხორციელებია არც ერთი მანიპულაცია. ეს გარემოება კიდევ უფრო მძიმეს ხდის ჩემს დღევანდელ მდგომარეობას... მედიცინა – საქმე, რომელიც მთელი ჩემი ცხოვრებაა, თავის სიმართლეს აუცილებლად იპოვის. მჯერა, დეტალური გამოძიების და სასამართლოს გზით, უმოკლეს ვადაში გაირკვევა სიმართლე“, - წერს ქირურგი.

ექიმი თხოვნით მიმართავს ჯანდაცვის მინისტრს,  ეკატერინე ტიკარაძეს, გაეცნოს საქმის დეტალებს და შეხედულებისამებრ მოახდინოს რეაგირება. ყიფიანი ასევე თხოვნით მიმართავს ყველას, თავი შეიკავოს ამ თემის პოლიტიზებისგან.

თბილისის საქალაქო სასამართლოს გადაწყვეტილებით, თბილისის ცენტრალური საავადმყოფოს დირექტორი გირაოს სანაცვლოდ გათავისუფლდა, ორი ექიმი კი განაჩენს საპატიმროში დაელოდება. ხოჭოლავას პატიმრობა სასამართლომ დაუსწრებლად შეუფარდა.

ექიმების საქმე ეხება ოპერაციას, რომელიც 2018 წელს ახალგაზრდა გოგონას ჩუტარდა. გოგონამ კლინიკას კონსულტაციისთვის მიმართა, ყიფიანი კი გოგონას დაჰპირდა, რომ გამოკვლევის შედეგებს იტალიაში გადააგზავნიდნენ.  ასევე მან პაციენტი დაარწმუნა, რომ ქირურგიულ ოპერაციას იტალიელი ექიმები ჩაუტარებდნენ. გოგონა დათანხმდა, ოპერაცია კი თავად ყიფიანმა მაგდა ხოჭოლავას დახმარებით  ჩაატარა. მოგვიანებით მათ განმეორებით ჩაატარეს ოპერაცია, რომლის შემდეგაც გოგონა კომაში ჩავარდა.

გამოძიების ცნობით, ყიფიანს მსგავსი ოპერაციის ჩატარებისთვის კანონით გათვალისწინებული შესაბამისი კვალიფიკაცია არ ჰქონდა, ხოჭოლავას კი საერთოდ არ ჰქონდა ოპერაციებზე დაშვების უფლება, რადგანაც კონსულტანტად მუშაობდა. გარდა ამისა, ოპერაციის დროს მათ შეცდომები დაუშვეს, რამაც პაციენტის მდგომარეობა გაართულა.

თბილისის ცენტრალური საავადმყოფო თავის თანამშრომლებს გამოესარჩლა>>

რაც შეეხება კლინიკის დირექტორ გიორგი ლობჟანიძეს, გამოძიება მას ბრალს სდებს იმაში, რომ მან არ გააკონტროლა ოპერაცია და არ შეამოწმა მედპერსონალის შესაბამისი ლიცენზიის არსებობის საკითხი.

ბრალდებებს კატეგორიულად არ ეთანხმებიან ექიმები, რომლებიც ბრალდებული კოლეგების მხარდამჭერ წერილებს აქვეყნებენ.

91
თემები:
შემთხვევები საქართველოში
ლელა მებურიშვილი

ლელა მებურიშვილი: ძალიან რთულად მიყვარდება ხოლმე ადამიანი

0
(განახლებულია 14:38 07.08.2020)
ლელა მებურიშვილი იხსენებს თუ როგორი იყო სკოლის დროს და ინსტიტუტში, ამბობს, რომ ყველასგან განსხვავებული ხასიათი ჰქონდა, ამიტომ ბევრი რამ არ მოსწონდა.
ლელა მებურიშვილი: ძალიან რთულად მიყვარდება ხოლმე ადამიანი
„დედა სულ ამბობდა, რომ როგორ შეიძლება, რომ არავინ მოგწონდესო, მაღალ კლასებში გოგოებს რომ უყვარდათ ქუსლიანი ფეხსაცმლის ჩაცმა, მე ვერ ვხვდებოდი, რატომ უნდა ჩამეცვა ქუსლიანი? ბოლომდე მიყვარდა თამაში და გართობა- ამ ცხოვრებით ვცხოვრობდი.“- ამბობს ლელა მებურიშვილი სატელევიზიო გადაცემაში.

მსახიობი ლელა მებურიშვილი ამბობს: „როცა ყველას ერთი ჯგუფი მოსწონდა და აკრავდნენ ხოლმე მის პლაკატებს ან რომელიმე სერიალის გმირს ამოიჩემებდნენ, მე კატეგორიულად არ მომწონდა არც ის ჯგუფი არც ის მსახიობი. ამის გამო ყველა ცერად მიყურებდა: როგორ, ხუანი არ მოგწონსო? პრანჭიაობა არ მიყვარდა და არ ვიცი ალბათ სიყვარულს თავიდანვე სერიოზულად ვუყურებდი.18-დან 20 წლამდე არაფრით მესმოდა: როგორ უნდა ყოფილიყავი ვინმეთი ისე გატაცებული, რომ გავთხოვილიყავი“.

0