წყალდიდობა კახეთში

უამინდობა კახეთში: ყვარელსა და ლაგოდეხში ზარალს ითვლიან

92
(განახლებულია 16:00 11.05.2020)
გადაუღებელი წვიმების შედეგად განადგურებულია 150 ჰექტრამდე სასოფლო-სამეურნეო სავარგულები, დატბორილია საცხოვრებელი სახლები და სოფლის შიდა გზები.

თბილისი, 11 მაისი — Sputnik. კახეთის 20 სოფელში უამინდობისგან მიყენებულ ზარალს ითვლიან, იუწყება ტელეკომპანია Rustavi 2.

სეტყვამ და კოკისპირულმა წვიმებმა რეგიონს პრობლემები შეუქმნა. დატბორილია საცხოვრებელი სახლები, საკარმიდამო ნაკვეთები, სოფლის შიდა გზები. გადაუღებელმა წვიმებმა განსაკუთრებით ლაგოდეხისა და ყვარლის მუნიციპალიტეტების სოფლები დააზარალა.

სეტყვამ 150 ჰექტარზე ერთწლიანი კულტურები გაანადგურა.

ლაგოდეხის მერის ჯონდო მდივნიშვილის სიტყვებით, უამინდობამ ის სანიაღვრე არხებიც კი დააზიანა, რომლებიც კაპიტალურად იყო შეკეთებული.  

„უხვი ნალექის შედეგად დატბორილი გვაქვს საკარმიდამო ნაკვეთები, საცხოვრებელი სახლების სარდაფები და პირველი სართულები. რა თქმა უნდა, დაზიანებულია სავარგულებიც, დაახლოებით 100-150 ჰექტარია დატბორილი. სალიკვიდაციო სამუშაოებზე მუშაობს შესაბამისი ჯგუფი, რომელიც ბოლო მინაცემებს სწავლობს“, - განაცხადა მდივნიშვილმა.

ადგილობრივი მოსახლეობის განცხადებით, საკარმიდამო ნაკვეთების დატბორვის მიზეზი არა იმდენად გადაუღებელი წვიმები, რამდენადაც გაუმართავი საკანალიზაციო სისტემაა. ისინი დამცავი ჯებირების დადგმას მოითხოვენ.

უამინდობამ ათობით ოჯახი დააზარა ყვარლის რაიონში. ნაპირებიდან გადმოსულმა მდინარეებმა ათობით სახლი დატბორა, დაზიანებულია ინფრასტრუქტურა.

რეგიონის ორივე რაიონში შესაბამისი სამსახურები მუშაობენ, მობილიზებულია სპეცტექნიკა. აქტიურ რეჟიმში მიმდინარეობს აღდგენითი და გაწმენდითი სამუშაოები.

 

92
თემები:
შემთხვევები საქართველოში (1439)
პერსონალური  მონაცემების დაცვა კომპიუტერში

კომპანიის თაღლითური სქემა: რამდენი მოქალაქე გაება  Mazilla.ge–ის მახეში?!

169
(განახლებულია 11:44 04.06.2020)
ეროვნული ბანკი მოქალაქეებს აფრთხილებს განსაკუთრებული ყურადღება გამოიჩინონ ფინანსური და პირადი მონაცემების ინტერნეტ–სივრცეში გამოყენებისას.

თბილისი, 4 ივნისი - Sputnik.  საქართველოს ეროვნული ბანკი მოქალაქეებს შესაძლო თაღლითურ მიკროსაფინანსო კომპანიის შესახებ აფრთხილებს, რომელიც კლიენტებს სესხების აღებაში შუამავლობას სთავაზობს.

როგორც ეროვნული ბანკის ვებგვერდზე გავრცელებულ განცხადებაშია ნათქვამი, საუბარია კომპანიაზე Mazilla.ge, რომელიც არ წარმოადგენს საქართველოს ეროვნული ბანკის მიერ დარეგისტრირებულ მიკროსაფინანსო ორგანიზაციას. 

 „გავრცელებული ინფორმაციით, ერთ-ერთი ორგანიზაცია, რომელიც მოსახლეობას სესხის აღებისათვის შუამავლობას სთავაზობს, შესაძლოა, თაღლითების მიერ იმართებოდეს. საუბარია კომპანია Mazilla.ge - ზე, რომელიც ინფორმაციაში მოხსენიებულია როგორც მიკროსაფინანსო ორგანიზაცია“, – ნათქვამია განცხადებაში.

მოქალაქეებს ახსენებენ, რომ უწყების ვებგვერდზე პერიოდულად ნახლდება ინფორმაცია ოფიციალურად დარეგისტრირებული მიკროსაფინანსო ორგანიზაციების შესახებ. ეროვნული ბანკი კიდევ ერთხელ აფრთხილებს მოქალაქეებს განსაკუთრებული ყურადღება გამოიჩინონ ფინანსური და პირადი მონაცემების ინტერნეტ–სივრცეში გამოყენებისას. 

ბოლო პერიოდში გახშირდა თაღლითების მიერ ყალბი ვებგვერდების საშუალებით ფინანსური ინსტიტუტების მომხმარებლების პირადი მონაცემების მოპარვის ფაქტები. საუბარია ისეთი მონაცემების მოპოვებაზე, რომელთა საშუალებით შესაძლებელია მომხმარებლის ფულად სახსრებზე წვდომის და ინტერნეტ-გადახდების განხორციელება. ასეთ მონაცემებს მიეკუთვნება საგადახდო ბარათის ნომერი და მისი უსაფრთხოების სამნიშნა კოდი, რომელიც დატანილია ბარათის მეორე გვერდზე, ასევე ინტერნეტბანკის, მობილური ბანკის, ელექტრონული საფულის მომხმარებლის სახელი, პაროლი და უსაფრთხოების კოდი. აღნიშნული მონაცემების ხელში ჩაგდებით თაღლითები არასანქცირებულ გადარიცხვებს ახორციელებენ.

ეროვნული ბანკი საზოგადოებას სიფრთხილისკენ მოუწოდებს, განსაკუთრებით იმ შემთხვევაში, თუ კონკრეტული ფაქტი ეხება საეჭვო ან გაურკვეველი რეპუტაციის ვებგვერდებზე პირადი და ფინანსური მონაცემების განთავსებას.

დამატებითი შეკითხვების შემთხვევაში, მოქალაქეებს შეუძლიათ ეროვნულ ბანკს ცხელ ხაზზე: 2 406 406 დაუკავშირდნენ.

169
თემები:
შემთხვევები საქართველოში (1439)
შსს-ს შენობა

ახალშობილის გარდაცვალების ფაქტთან დაკავშირებით შსს განცხადებას ავრცელებს

91
შსს-ში აცხადებენ, რომ ზოგიერთი მედიასაშუალება აღნიშნულ ფაქტთან დაკავშირებით დეზინფორმაციას ავრცელებს

თბილისი, 3 ივნისი — Sputnik. შინაგან საქმეთა სამინისტრო ახალშობილის გარდაცვალების ფაქტთან დაკავშირებით აქტიურად აწარმოებს საგამოძიებო მოქმედებებს, ნათქვამია უწყების მიერ გავრცელებულ განცხადებაში.

არსებული ინფორმაციით, 2020 წლის 2 ივნისს, შინაგან საქმეთა სამინისტროს საზოგადოებრივი უსაფრთხოების მართვის ცენტრ „112"-ში დასუფთავების სამსახურის წარმომადგენლების მიერ შევიდა შეტყობინება, რომ ნაპოვნი იქნა ჩვილი.

შემთხვევის ადგილზე ჩატარდა გადაუდებელი საგამოძიებო მოქმედებები, მათ შორის, შემდგომი საექსპერტო კვლევისთვის ახალშობილის ცხედარი გადასვენებულ იქნა ლევან სამხარაულის სახელობის სასამართლო ექსპერტიზის ეროვნულ ბიუროში.

მომხდარ ფაქტთან დაკავშირებით, გამოძიების ფარგლებში, გამოიკითხნენ შესაბამისი პირები, რომლებიც, შესაძლოა, ფლობდნენ რაიმე ინფორმაციას შემთხვევის შესახებ. მათ შორის, მოწმის სახით, სოციალური მუშაკისა და ფსიქოლოგის მონაწილეობით გამოიკითხა არასრულწლოვანი გოგონა. დანიშნულია შესაბამისი ექსპერტიზები.

უწყებაში აღნიშნავენ, რომ მედიასაშუალების მიერ გავრცელებულ ინფორმაციას არასრულწლოვანი გოგონას დაკავებასთან, ასევე, პოლიციის თანამშრომლის მიერ ახალშობილის ცხედრის გადაგდებასთან დაკავშირებით, არის დეზინფორმაცია.

„მოვუწოდებთ ყველა მედიასაშუალებას, რომ არასრულწლოვნის საუკეთესო ინტერესიდან და საქმის სენსიტიურობიდან გამომდინარე, აღნიშნული თემის გაშუქებისას დაიცვან საქართველოს კანონმდებლობით, მათ შორის, არასრულწლოვანთა მართლმსაჯულების კოდექსით დადგენილი მოთხოვნები და არ მოახდინონ არასრულწლოვნის უფლებების შელახვის პროვოცირება“, - ნათქვამია განცხადებაში.

მომხდარ ფაქტთან დაკავშირებით, შინაგან საქმეთა სამინისტროში დაიწყო გამოძიება საქართველოს სისხლის სამართლის კოდექსის 112-ე მუხლით, რაც დედის მიერ მშობიარობისას ან მშობიარობის შემდეგ უმალვე ახალშობილის განზრახ მკვლელობას გულისხმობს.

 

 

91
თემები:
შემთხვევები საქართველოში (1439)
ჯორჯ ფლოიდის დაკავების კადრები

„არ იღელვო, მე ვიზრუნებ“: NBA-ს ჩემპიონი სულისშემძვრელ პოსტს აქვეყნებს

0
(განახლებულია 13:22 04.06.2020)
დაღუპულ აფროამერიკელ ჯორჯ ფლოიდს ექვსი წლის გოგონა დარჩა, რომელიც მას გერლფრენდთან შეეეძინა და რომელზეც თავად ზრუნავდა

თბილისი, 4 ივნისი — Sputnik. აშშ–ის კალათბურთის ეროვნული ასოციაციის, NBA–ს ყოფილმა მოთამაშე სტივენ ჯეკსონმა დაღუპული ჯორჯ ფლოიდის ექვსი წლის გოგონას, ჯიანა ფლოიდის მეურვეობა იკისრა.

ირკვევა, რომ ექს–ჩემპიონი გარდაცვლილის მეგობარი იყო.

ჯეკსონმა Instagram–ზე დაღუპული მეგობრისადმი მიძღვნილი პოსტი გამოაქვეყნა, რომელშიც დაპირდა, რომ იზრუნებდა დაობლებულ პატარაზე.

„არ იღელვო, ტვინ, მე ვიზრუნებ შენს ჯი–ჯიზე. იცოდე ეს. მე ყოველთვის ვზრუნავ ძმებზე“, — დაწერა კალათბურთელმა.

აღსანიშნავია, რომ ცოტა ხნის წინ გამოქვეყნდა მინესორტის შტატის სასამართლო–სამედიცინო ექსპერტის დასკვნა, რომლის თანახმადაც, პოლიციელების მიერ დაკავებისას დაღუპული ჯორჯ ფლოიდი კორონავირუსით იყო ინფიცირებული.

 

0
თემები:
მსოფლიო დღეს