სასწრაფო დახმარების ჯგუფი

რუსთავში ავარიას 23 წლის მორაგბე ემსხვერპლა

268
(განახლებულია 15:24 07.05.2020)
რუსთავში უბედურ შემთხვევას ახალგაზრდა მორაგბე ემსხვერპლა. შემთხვევა გუშინ ფიროსმანის ქუჩაზე მოხდა. დაშავებული კლინიკაში უგონო მდგომარეობაში მოათავსეს.

თბილისი, 7 მაისი — Sputnik. რუსთავში ავტოსაგზაო შემთხვევის შედეგად დაშავებული ახალგაზრდა მამაკაცი გარდაიცვალა, იუწყება ქართული მასმედია.

გავრცელებული ინფორმაციით, გარდაცვლილი 23 წლის სპორტსმენი ნიკოლოზ კევლიშვილია, რომელიც რუსთავის კლუბ „ხარების" მორაგბე იყო.

საზარელი ავარია ბოლნისში: ნასვამ მდგომარეობაში მყოფი მძღოლი ბოძს შეეჯახა >>>

შემთხვევა ფიროსმანის ქუჩაზე გუშინ მოხდა. „მერსედესის" მარკის ავტომობილი ხეს შეეჯახა.

დაშავებული უგონო მდგომარეობაში კლინიკა „რუსთავში" გადაიყვანეს, თუმცა მისი გადარჩენა ვერ მოხერხდა.

 

268
თემები:
შემთხვევები საქართველოში (1439)
პერსონალური  მონაცემების დაცვა კომპიუტერში

კომპანიის თაღლითური სქემა: რამდენი მოქალაქე გაება  Mazilla.ge–ის მახეში?!

161
(განახლებულია 11:44 04.06.2020)
ეროვნული ბანკი მოქალაქეებს აფრთხილებს განსაკუთრებული ყურადღება გამოიჩინონ ფინანსური და პირადი მონაცემების ინტერნეტ–სივრცეში გამოყენებისას.

თბილისი, 4 ივნისი - Sputnik.  საქართველოს ეროვნული ბანკი მოქალაქეებს შესაძლო თაღლითურ მიკროსაფინანსო კომპანიის შესახებ აფრთხილებს, რომელიც კლიენტებს სესხების აღებაში შუამავლობას სთავაზობს.

როგორც ეროვნული ბანკის ვებგვერდზე გავრცელებულ განცხადებაშია ნათქვამი, საუბარია კომპანიაზე Mazilla.ge, რომელიც არ წარმოადგენს საქართველოს ეროვნული ბანკის მიერ დარეგისტრირებულ მიკროსაფინანსო ორგანიზაციას. 

 „გავრცელებული ინფორმაციით, ერთ-ერთი ორგანიზაცია, რომელიც მოსახლეობას სესხის აღებისათვის შუამავლობას სთავაზობს, შესაძლოა, თაღლითების მიერ იმართებოდეს. საუბარია კომპანია Mazilla.ge - ზე, რომელიც ინფორმაციაში მოხსენიებულია როგორც მიკროსაფინანსო ორგანიზაცია“, – ნათქვამია განცხადებაში.

მოქალაქეებს ახსენებენ, რომ უწყების ვებგვერდზე პერიოდულად ნახლდება ინფორმაცია ოფიციალურად დარეგისტრირებული მიკროსაფინანსო ორგანიზაციების შესახებ. ეროვნული ბანკი კიდევ ერთხელ აფრთხილებს მოქალაქეებს განსაკუთრებული ყურადღება გამოიჩინონ ფინანსური და პირადი მონაცემების ინტერნეტ–სივრცეში გამოყენებისას. 

ბოლო პერიოდში გახშირდა თაღლითების მიერ ყალბი ვებგვერდების საშუალებით ფინანსური ინსტიტუტების მომხმარებლების პირადი მონაცემების მოპარვის ფაქტები. საუბარია ისეთი მონაცემების მოპოვებაზე, რომელთა საშუალებით შესაძლებელია მომხმარებლის ფულად სახსრებზე წვდომის და ინტერნეტ-გადახდების განხორციელება. ასეთ მონაცემებს მიეკუთვნება საგადახდო ბარათის ნომერი და მისი უსაფრთხოების სამნიშნა კოდი, რომელიც დატანილია ბარათის მეორე გვერდზე, ასევე ინტერნეტბანკის, მობილური ბანკის, ელექტრონული საფულის მომხმარებლის სახელი, პაროლი და უსაფრთხოების კოდი. აღნიშნული მონაცემების ხელში ჩაგდებით თაღლითები არასანქცირებულ გადარიცხვებს ახორციელებენ.

ეროვნული ბანკი საზოგადოებას სიფრთხილისკენ მოუწოდებს, განსაკუთრებით იმ შემთხვევაში, თუ კონკრეტული ფაქტი ეხება საეჭვო ან გაურკვეველი რეპუტაციის ვებგვერდებზე პირადი და ფინანსური მონაცემების განთავსებას.

დამატებითი შეკითხვების შემთხვევაში, მოქალაქეებს შეუძლიათ ეროვნულ ბანკს ცხელ ხაზზე: 2 406 406 დაუკავშირდნენ.

161
თემები:
შემთხვევები საქართველოში (1439)
შსს-ს შენობა

ახალშობილის გარდაცვალების ფაქტთან დაკავშირებით შსს განცხადებას ავრცელებს

91
შსს-ში აცხადებენ, რომ ზოგიერთი მედიასაშუალება აღნიშნულ ფაქტთან დაკავშირებით დეზინფორმაციას ავრცელებს

თბილისი, 3 ივნისი — Sputnik. შინაგან საქმეთა სამინისტრო ახალშობილის გარდაცვალების ფაქტთან დაკავშირებით აქტიურად აწარმოებს საგამოძიებო მოქმედებებს, ნათქვამია უწყების მიერ გავრცელებულ განცხადებაში.

არსებული ინფორმაციით, 2020 წლის 2 ივნისს, შინაგან საქმეთა სამინისტროს საზოგადოებრივი უსაფრთხოების მართვის ცენტრ „112"-ში დასუფთავების სამსახურის წარმომადგენლების მიერ შევიდა შეტყობინება, რომ ნაპოვნი იქნა ჩვილი.

შემთხვევის ადგილზე ჩატარდა გადაუდებელი საგამოძიებო მოქმედებები, მათ შორის, შემდგომი საექსპერტო კვლევისთვის ახალშობილის ცხედარი გადასვენებულ იქნა ლევან სამხარაულის სახელობის სასამართლო ექსპერტიზის ეროვნულ ბიუროში.

მომხდარ ფაქტთან დაკავშირებით, გამოძიების ფარგლებში, გამოიკითხნენ შესაბამისი პირები, რომლებიც, შესაძლოა, ფლობდნენ რაიმე ინფორმაციას შემთხვევის შესახებ. მათ შორის, მოწმის სახით, სოციალური მუშაკისა და ფსიქოლოგის მონაწილეობით გამოიკითხა არასრულწლოვანი გოგონა. დანიშნულია შესაბამისი ექსპერტიზები.

უწყებაში აღნიშნავენ, რომ მედიასაშუალების მიერ გავრცელებულ ინფორმაციას არასრულწლოვანი გოგონას დაკავებასთან, ასევე, პოლიციის თანამშრომლის მიერ ახალშობილის ცხედრის გადაგდებასთან დაკავშირებით, არის დეზინფორმაცია.

„მოვუწოდებთ ყველა მედიასაშუალებას, რომ არასრულწლოვნის საუკეთესო ინტერესიდან და საქმის სენსიტიურობიდან გამომდინარე, აღნიშნული თემის გაშუქებისას დაიცვან საქართველოს კანონმდებლობით, მათ შორის, არასრულწლოვანთა მართლმსაჯულების კოდექსით დადგენილი მოთხოვნები და არ მოახდინონ არასრულწლოვნის უფლებების შელახვის პროვოცირება“, - ნათქვამია განცხადებაში.

მომხდარ ფაქტთან დაკავშირებით, შინაგან საქმეთა სამინისტროში დაიწყო გამოძიება საქართველოს სისხლის სამართლის კოდექსის 112-ე მუხლით, რაც დედის მიერ მშობიარობისას ან მშობიარობის შემდეგ უმალვე ახალშობილის განზრახ მკვლელობას გულისხმობს.

 

 

91
თემები:
შემთხვევები საქართველოში (1439)
ადამიანები ასაკშიც ბავშვებად რჩებიან

ამით გაიგებთ, რამდენი წლის ხართ სინამდვილეში: პრაქტიკული ტესტი

0
(განახლებულია 13:20 04.06.2020)
სპეციალისტებმა შეიმუშავეს რამდენიმე ნაწილისგან შემდგარი პრაქტიკული ტესტი, რომელიც დაგეხმარებათ დაადგინოთ, რამდენი წლის ხართ სინამდვილეში

დაბერება სასიცოცხლო ციკლის გარდაუვალი პროცესია, თუმცა თითოეული ადამიანი სხვადასხვაგვარად შედის ასაკში.

სპეციალისტების თქმით, ადამიანის სიცოცხლის ხანგრძლივობას 20%-ით განსაზღვრავს გენეტიკა (მემკვიდრეობითობა), 15% მოდის ეკოლოგიაზე, 12% - მედიცინაზე, ხოლო დანარჩენ 53%-ში უშუალოდ ადამიანია პასუხისმგებელი საკუთარ დღეგრძელობაზე.

ჯანდაცვის მსოფლიო ორგანიზაციის განმარტებით, სიცოცხლის ხანგრძლივობა და ახალგაზრდობის შენარჩუნება შეძლებისდაგვარად დიდი ხნის განმავლობაში, პირდაპირაა დამოკიდებული ადამიანის ცხოვრების წესზე.

რას ნიშნავს ბიოლოგიური ასაკი? 

კალენდარული, ანუ საპასპორტო ასაკი ყოველთვის არ გამოდგება ადამიანის ჯანმრთელობისა და შრომისუნარიანობის შესაფასებელ კრიტერიუმად. ქრონოლოგიური თანატოლები ხშირად მნიშვნელოვნად განსხვავდებიან ერთმანეთისგან ასაკობრივი ცვლილებების ტემპებით.

მეცნიერების აზრით, ადამიანის ნამდვილი წლოვანება — ეს  ბიოლოგიური ასაკია, ანუ ტვინისა და კუნთების მდგომარეობა. ამის დასტურად შეიძლება 50–60 წლის „გოგო–ბიჭებისა“ თუ 30 წლის „მოხუცების“ გახსენება, რომლებიც, სავარაუდოდ, ყველა თქვენგანს შეხვედრია. 

გაიგეთ თქვენი ბიოლოგიური, ანუ ნამდვილი ასაკი

ამისათვის საჭიროა გაიაროთ რამდენიმე ნაწილისგან შემდგარი პრაქტიკული ტესტი, რისთვისაც დაგჭირდებათ წამმზომიანი საათი, სახაზავი – 50 სმ სიგრძის, ერთი ადამიანი მცირედი დახმარების გასაწევად და ასევე კალამი და ფურცელი მონაცემების ჩასაწერად, რათა ბოლოს შედეგი გამოთვალოთ. 

ტესტი პულსზე ( მხოლოდ ფიზიკურად მომზადებულებისა და ჯანმრთელებისთვის)

გაიზომეთ პულსი, შემდეგ კი გააკეთეთ 20 ბუქნი თქვენთვის მისაღები ტემპით. არ იჩქაროთ!

თუ ვარჯიშის შემდეგ თქვენმა პულსმა მოიმატა:

ტესტი რეაქციაზე 

დამხმარემ უნდა დაიჭიროს სახაზავი სიგრძეზე ისე, რომ ნული ქვემოთ მოექცეს. ამ დროს თქვენ ხელი სახაზავზე დაახლოებით 10 სმ–ით ქვემოთ უნდა გქონდეთ გაწვდილი. როგორც კი დამხმარე სახაზავს ხელს გაუშვებს, სცადეთ დაიჭიროთ ის საჩვენებელი და ცერა (დიდი) თითით.  

თუ სახაზავი დაიჭირეთ:

  • 20 სმ ნიშნულზე — თქვენი ბიოლოგიური ასაკი 20 წლის ახალგაზრდას შეესაბამება;
  • ნიშნული 25 სმ შეესაბამება 30 წელს;
  • 35 სმ ნიშნული — 40 წელს;
  • 45 სმ ნიშნული — 60 წელს.

როგორ გავაძლიეროთ ტვინის მუშაობა – 14 ჯანსაღი საკვები ტვინის უკეთესი ფუნქციონირებისთვის>>

ტესტი მოძრაობაზე

  • გადაიხარეთ წინ ისე, რომ მუხლები რ მოხაროთ და სცადეთ, ხელისგულებით შეეხოთ იატაკს;
  • თუ ხელისგულებს მთლიანად ადებთ იატაკს — თქვენი ბიოლოგიური ასაკი 20-30 წლებს შორის მერყეობს;
  • თუ მხოლოდ თითებით შეეხეთ — თქვენ დაახლოებით 40 წლის ხართ;
  • თუ ხელებს მხოლოდ წვივებამდე აწვდენთ — თქვენი ბიოლოგიური ასაკი 50 წლის ფარგლებშია;
  • თუ მხოლოდ მუხლებზე შეხება მოახერხეთ — ესე იგი, უკვე 60 წლის ბრძანდებით.  

მეცნიერებმა დაადგინეს, მაღვიძარის როგორი სიგნალი არღვევს ტვინის მუშაობას>>

ტესტი ბალანსირებაზე

მაგრად დახუჭული თვალებით (ეს მნიშვნელოვანია!) დადექით მარჯვენა ან მარცხენა ფეხზე. მეორე ფეხი იატაკიდან დაახლოებით 10 სანტიმეტრით ასწიეთ. დამხმარემ უნდა დაინიშნოს დრო, რამდენ ხანს შეძლებთ ცალ ფეხზე გაჩერებას.

  • 30 წამი — ნიშნავს 20 წლის ასაკთან შესაბამისობას;
  • 20 წამი — 40 წლის ხართ;
  • 15 წამი —  50 წლის ბრძანდებით;
  • 10 წამზე ნაკლები — რეალურად თქვენ 60 ან მეტი წლის ხართ.

რატომ არიან მტირალა ბავშვები უფრო ჯანმრთელები: ექიმი კომაროვსკი განმარტავს>>

ტესტი კანზე

5 წამის განმავლობაში მოუჭირეთ საჩვენებელი და დიდი თითები კანს ხელის მტევნის ზურგზე. კა ნი ცოტა გაგითეთრდებათ. დაინიშნეთ საათი, რა დრო დასჭირდება გათეთრებული ლაქის ნორმალურ ფერზე დაბრუნებას.

  • 5 წამი — თქვენი ასაკი დაახლოებით 30 წელია;
  • 8 წამი — დაახლოებით 40 წელი;
  • 10 წამი — დაახლოებით 50 წელი;
  • 15 წამი — დაახლოებით 60 წელი.

ტესტი მოქნილობაზე

გადაიტანეთ ორივე ხელი ზურგს უკან — ერთი ქვემოდან, მეორე — ზემოდან, და სცადეთ თითები ერთმანეთს გადააჭდოთ.

  • თუ თითები  ბოლომდე კარგად ჩაჭიდეთ ერთმანეთს — 20 წლის ხართ;
  • თუ თითები მხოლოდ შეახეთ ერთმანეთს — 30 წლის;
  • თუ თითები საერთოდ ვერ შეახეთ ერთმანეთს — 40 წლის;
  • ხოლო თუ საერთოდაც ვერ გადაიტანეთ ხელები ზურგს უკან — თქვენი ასაკი 60 წელს შეესაბამება.

გამოთვალეთ შედეგი 

ყველა ამ ტესტის დასრულების შემდეგ, შეკრიბეთ ქულები და მათი ჯამი გაყავით 6–ზე.

მიღებული საშუალო არითმეტიკული იქნება კიდეც თქვენი ნამდვილი, ანუ ბიოლოგიური ასაკის ამსახველი ციფრი.

 

0