მკვლელობის, ძარცვისა და სხვისი ნივთის დაზიანებისთვის პირს ათი წელი მიუსაჯეს

© photo: Sputnik / Stringerსაქართველოს მთავარი პროკურატურა
საქართველოს მთავარი პროკურატურა - Sputnik საქართველო
გამოწერა
უწყების ცნობით, ახალციხის რაიონულმა სასამართლომ დაკავებული სრულად ცნო დამნაშავედ წარდგენილ ბრალდებაში

თბილისი, 4 მარტი — Sputnik. ახალციხის რაიონულმა სასამართლომ განზრახ მკვლელობისთვის, ძარცვისთვის და სხვისი ნივთის განზრახ დაზიანებისთვის ბრალდებულ პირს ათი წლით თავისუფლების აღკვეთა შეუფარდა, ნათქვამია პროკურატურის მიერ გამოქვეყნებულ განცხადებაში.

გამოძიების მიხედვით, 2019 წლის 12 ივნისს ბორჯომი-ბაკურიანის დამაკავშირებელ საავტომობილო გზაზე მსჯავრდებულმა სხვა პირთან ერთად, ბლაგვი საგნის გამოყენებით, განზრახ დააზიანა მოქალაქის კუთვნილი მიკროავტობუსის კორპუსი და მინები.

საპატრულო პოლიცია - Sputnik საქართველო
თბილისში 29 წლის მამაკაცმა დედა მოკლა და ცეცხლი წაუკიდა

„აღნიშნულის შემდეგ, მიკროავტობუსის ძარაზე განთავსებულ სავაჭრო ჯიხურში, ურთიერთშელაპარაკების ნიადაგზე, მოკვლის განზრახვით, გამყიდველს ა.პ.-ს ნაჯახით თავის არეში ჭრილობები მიაყენა. მიღებული დაზიანებების შედეგად ა.პ. ადგილზე გარდაიცვალა", - აღნიშნულია განცხადებაში.

უწყებია ცნობით, მამაკაცმა იმავე დღეს დაბა წაღვერში, ფიზიკური შეურაცხყოფა მიაყენა ბენზინგასამართი სადგურის ოპერატორს და თანხის გადახდის გარეშე, ავტომობილში საწვავი ჩაასხმევინა.

სამართალდამცველებმა მამაკაცი იმავე დღეს დაბა ბაკურიანში დააკავეს.

მას ბრალი საქართველოს სსკ-ის 108-ე, 187-ე და 178-ე მუხლებით (განზრახ მკვლელობის, ძარცვა ჯგუფურად, წინასწარი შეთანხმებით, ძალადობის გამოყენებით და სხვისი ნივთის განზრახ დაზიანების მუხლებით) წარედგინა.

ყველა ახალი ამბავი
0