თბილისი, 1 მარტი - Sputnik. ოზურგეთის მუნიციპალიტეტის სოფელ ნაღობილევში გამთენიისას ყაჩაღობა მოხდა, იუწყება პირველი არხი.
თავდამსხმელებმა ხანდაზმულ ცოლ-ქმარს ფიზიკური შეურაცხყოფა მიაყენეს და 2500 ლარის ოდენობის თანხა წაიღეს.
ორივე მათგანი ოზურგეთის „მედალფას“ კლინიკაშია მოთავსებული.
კლინიკის ხელმძღვანელის დავით მდინარაძის ინფორმაციით, მამაკაცს 10 ნეკნი აქვს გატეხილი და ის რეანიმაციულ განყოფილებაში იმყოფება.
რაც შეეხება 80 წლის ქალს, მას ჭრილობა სახის არეში აღენიშნება.
მომხდარზე გამოძიება სსკ-ის 179-ე მუხლით მიმდინარეობს, რაც ყაჩაღობას გულისხმობს.
