ბრიტანელ მოგზაურს თბილისში მოპარული ველოსიპედი დაუბრუნეს

ბრიტანელ მოგზაურს თბილისში მოპარული ველოსიპედი დაუბრუნეს

95
(განახლებულია 20:49 28.01.2020)
საქართველოში ჩამოსულ ბრიტანელ მოგზაურს როუან კემპბელს, რომელიც სინგაპურიდან დიდ ბრიტანეთში ველოსიპედით მოგზაურობს, თბილისში ველოსიპედი მოჰპარეს.

თბილისი, 28 იანვარი – Sputnik. სამართალდამცველებმა ბრიტანელი მოგზაურის როუან კემპბელის მოპარული ველოსიპედი იპოვეს და პატრონს დაუბრუნეს, ნათქვამია შინაგან საქმეთა სამინისტროს მიერ გავრცელებულ განცხადებაში.

უწყების ცნობით, 25 იანვარს პოლიციაში შემოვიდა შეტყობინება, რომ თბილისში, ძმები ზუბალაშვილების ქუჩაზე დროებით მცხოვრებ დიდი ბრიტანეთის მოქალაქეს როუან კემპბელს ველოსიპედი მოჰპარეს, რომელიც სახლთან ჰქონდა გაჩერებული. პატრონის განცხადებით, ველოსიპედზე დამაგრებული იყო ჩაფხუტი და ორი ჩანთა.

შეტყობინების მიღებისთანავე ფაქტზე გამოძიება დაიწყო სსკ-ის 177-ე მუხლით, რაც ქურდობას გულისხმობს.

„პოლიციამ, ჩატარებული სამძებრო-საგამოძიებო მოქმედებების შედეგად, ბრიტანელი მოგზაურის ველოსიპედს თბილისში, ცოტნე დადიანის ქუჩაზე მიაკვლია და სატრანსპორტო საშუალება კანონიერ მფლობელს დაუბრუნა“, – აღნიშნულია განცხადებაში.

გამოძიება გრძელდება საქართველოს სსკ-ის 177-ე მუხლის მე-2 ნაწილის „ა“ ქვეპუნქტით, ქურდობის ფაქტზე, რამაც მნიშვნელოვანი ზიანი გამოიწვია.

აღსანიშნავია, რომ სანამ შსს მოპარულ ველოსიპედს იპოვიდა, ველოსიპედების მაღაზია bike.ge-მ ბრიტანელ მოგზაურს ახალი ველოსიპედი აჩუქა. მან ასევე საჩუქრად მიიღო ორი ღამე სასტუმროში Best Western Gudauri და ტრადიციული ქართული ვახშამი და ორი ღამე ჰოსტელში Fabrika.

„სინგაპურიდან დიდ ბრიტანეთში ვბრუნდებოდი, თუმცა ორი დღის წინ ჰოსტელის გარეთ დატოვებული ველოსიპედი მომპარეს. 11 ქვეყანა და 7500 კმ ველოსიპედით გამოვიარე და მოგზაურობის გაგრძელება მინდა, თუმცა, თუ ჩემს ველოსიპედს ვერ ვიპოვი, ჩემი მოგზაურობა დასრულდება“, – აღნიშნული პოსტი მოგზაურმა Facebook-ზე ერთ-ერთ ჯგუფში გამოაქვეყნა.

ახლა ბრიტანელ მოგზაურს ორი ველოსიპედი აქვს და სამშობლოსკენ გრძელი გზა ელოდება.

 

95
თემები:
შემთხვევები საქართველოში (2126)
არაგვი

გუდამაყრის ხეობაში არაგვის ადიდების შედეგად ექვსი სოფელი გარე სამყაროს მოწყდა

36
ბაკურხევის ექვს სოფელთან დაკავშირება ამ ეტაპზე მხოლოდ ქვეითად მოსიარულეთათვის არის შესაძლებელი. გარდა ამისა, დაზიანდა ელექტროგადამცემი ხაზები

თბილისი, 11 აპრილი – Sputnik. დუშეთის მუნიციპალიტეტში ძლიერმა ნალექმა გუდამაყრის ადმინისტრაციული ერთეულის - ბაკურხევის ექვს სოფელს პრობლემები შეუქმნა, იუწყება მცხეთა-მთიანეთის სამხარეო ადმინისტრაცია.

მდინარე არაგვის ადიდების შედეგად საავტომობილო გზა დაზიანდა, რამაც სოფლები გარე სამყაროს მოწყვიტა. ბაკურხევის ექვს სოფელთან დაკავშირება ამ ეტაპზე მხოლოდ ქვეითად მოსიარულეთათვის არის შესაძლებელი.

მდინარის ადიდების შედეგად დაზიანებულია ელექტროგადამცემი ხაზებიც, რის გამოც სოფლებს არ მიეწოდებათ ელექტროენერგია.

სტიქიის ზონაში იმყოფებოდნენ მცხეთა-მთიანეთის მხარის სახელმწიფო რწმუნებული დავით ნოზაძე და დუშეთის მუნიციპალიტეტის მერის პირველი მოადგილე ბესიკ ბიჩნიგაური. დავით ნოზაძემ სტიქიის შედეგად დატბორილი ტერიტორია და დაზიანებული გადამცემი ხაზები დაათვალიერა. რწმუნებულის განცხადებით, წყლის დონის დაწევის შემდეგ ადგილზე დაზიანებული ინფრასტრუქტურის აღდგენითი სამუშაოები დაიწყება.

„როგორც კი მეტეოროლოგიური პირობები მოგვცემს საშუალებას, დაიწყება დაზიანებული გზისა და ელექტროგადამცემი ხაზების აღდგენითი სამუშაოები“, - განაცხადა დავით ნოზაძემ.

მისი თქმით, ამ დროისთვის სოფლებში რჩება ორი ოჯახი, მათთან ადმინისტრაციას მუდმივი კომუნიკაცია აქვს.

36
საპატრულო პოლიცია

ყვარელი-ველისციხის გზაზე ავარიამ ორი ადამიანის სიცოცხლე იმსხვერპლა

41
დაშავებულები სასწრაფო დახმარების ბრიგადამ გურჯაანის „ჯეო ჰოსპიტალსის“ კლინიკაში გადაიყვანა. მძიმეა 16 წლის მოზარდის ჯანმრთელობის მდგომარეობა.

თბილისი, 11 აპრილი – Sputnik. ყვარელი-ველისციხის გზაზე ავარიის შედეგად ორი ადამიანი დაიღუპა და ორი დაშავდა, იუწყება „პირველი არხი“.

ალაზნის ხიდთან ორი მსუბუქი ავტომანქანა ერთმანეთს შეეჯახა. შედეგად ადგილზე გარდაიცვალა მანქანაში მყოფი ახალგაზრდა ქალი. მოგვიანებით კიდევ ერთი ახალგაზრდა მამაკაცი გარდაიცვალა.

დაშავებულები სასწრაფო დახმარების ბრიგადამ გურჯაანის „ჯეო ჰოსპიტალსის“ კლინიკაში გადაიყვანა. მძიმეა 16 წლის მოზარდის ჯანმრთელობის მდგომარეობა. მას გადაუდებელი ქირურუგიული ოპერაცია ჩაუტარდება.

შემთხვევის ადგილზე მობილიზებულია პოლიცია. მიმდინარეობს საგამოძიებო მოქმედებები.

41

ხერთვისის უძველესი ციხესიმარგე - ვიდეო

0
ხერთვისის ციხის კომპლექსი, ისტორიკოსების მონაცემებით, X-XI საუკუნეებს განეკუთვნება, ხოლო ჟამთააღმწერელი ლეონტი მროველის გადმოცემით - ჩვენს ერამდე IV საუკუნეს

დღეს მიიჩნევა, რომ საქართველოს ეს ფეოდალური პერიოდის ერთ-ერთი უძველესი და კარგად შემონახული ციხეა. ინტერესი ამ ადგილისადმი უფრო და უფრო იზრდება.

ციხესიმაგრე აგებულია მდინარე ფარავნისა და მდინარე მტკვრის შეერთების ადგილთან, ვარძიის სამონასტრო კომპლექსიდან 15 კილომეტრში. ხერთვისი და ვარძია იუნესკოს მსოფლიო მემკვიდრეობის ობიექტთა სიაში შეტანის კანდიდატები არიან.

0