ფრთხილად! მიმოქცევაში დოლარის ყალბი კუპიურებია

გამოწერა
სამართალდამცველებმა ყალბი 50-დოლარიანი კუპიურების გასაღების ფაქტზე ერთი პირი დააკავეს და ნივთმტკიცებად ჯამში 16 550 აშშ დოლარის ნომინალის ყალბი კუპიურები ამოიღეს.

თბილისი, 24 იანვარი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა დიდი ოდენობით ყალბი ფულის გასაღების ფაქტზე ერთი პირი დააკავეს, ნათქვამია უწყების მიერ გავრცელებულ განცხადებაში.

პოლიცია - Sputnik საქართველო
თურქეთის მოქალაქე ყალბი ფულის გასაღების ბრალდებით დააკავეს

გამოძიებით დადგინდა, რომ ბრალდებული თბილისში ყალბ 50-დოლარიან კუპიურებს ასაღებდა.

სამართალდამცველებმა საგამოძიებო მოქმედებების შედეგად ჯამში 16 550 აშშ დოლარის ნომინალის ყალბი კუპიურა ნივთმტკიცებად ამოიღეს.

აღნიშნულ ფაქტთან დაკავშირებით გამოძიება სისხლის სამართლის კოდექსის 212-ე მუხლის მეორე ნაწილით მიმდინარეობს, რაც შვიდიდან ათ წლამდე ვადით პატიმრობას ითვალისწინებს.

ყველა ახალი ამბავი
0