ხანძარი მშვიდობის ხიდთან – დაშავდა ერთი ადამიანი

© Sputnik / Alexander Imedashviliმეხანძრე-მაშველი
მეხანძრე-მაშველი - Sputnik საქართველო
გამოწერა
დაშავებული მაშველებმა კლინიკაში გადაიყვანეს. გავრცელებული ინფორმაციით, მის სიცოცხლეს საფრთხე არ ემუქრება.

თბილისი, 14 იანვარი — Sputnik. ერთი ადამიანი დაშავდა თბილისის ცენტრში მდებარე ერთ-ერთ საცხოვრებელ სახლში გაჩენილი ხანძრის შედეგად, იუწყება საზოგადოებრივი მაუწყებლის პირველი არხი.

მეხანძრეები ცეცხლს ებრძვიან - Sputnik საქართველო
გაირკვა ქავთარაძის ბაზრობაზე ხანძრისგან მიყენებული ზარალის ოდენობა

ცეცხლი მშვიდობის ხიდის სიახლოვეს მდებარე სამსართულიანი სახლის ერთ-ერთ ბინაში გაჩნდა. ბინის მეპატრონის განცხადებით, ბინა გაქირავებული იყო, ხანძრის გამომწვევი მიზეზი კი, სავარაუდოდ, სიგარეტის ნამწვი გახდა.

დაშავებული სამაშველო ჯგუფმა შენობიდან გამოიყვანა, ის კლინიკაშია გადაყვანილი. არსებული ინფორმაციით, დაშავებულის სიცოცხლეს საფრთხე არ ემუქრება.

ტელეკომპანიის ცნობით, ხანძარი ამ დროისთვის ლოკალიზებულია. ადგილზე ექვსი სახანძრო მანქანა მუშაობს.

ბოლო ორი დღის განმავლობაში თბილისში ეს ხანძრის უკვე მესამე შემთხვევაა. გუშინ ცეცხლი გაჩნდა სამგორში, მეორადი ტექნიკის ბაზრობაზე და ქავთარაძეზე, სამშენებლო მასალების ბაზრობაზე.

ყველა ახალი ამბავი
0