ნარკოლაბორატორიები, ნარკოტიკები და „ბიზნესი“ Telegram-ის საშუალებით: პოლიციამ სქემა გახსნა

© AP Photo / Patrick Semanskyდაკავება
დაკავება - Sputnik საქართველო
გამოწერა
პოლიციამ მოსამართლის განჩინების საფუძველზე ბრალდებულების დანაშაულებრივი ქმედებების ფარული ვიდეო-აუდიოჩაწერა განახორციელა.

თბილისი, 26 დეკემბერი — Sputnik. საქართველოს შინაგან საქმეთა სამინისტრომ ინტერნეტის საშუალებით ნარკოტიკებით ვაჭრობის მასშტაბური სქემა გამოავლინა – დანაშაულში მხილებული პირები პოსტსაბჭოთა ქვეყნების მოქალაქეები არიან.

ნარკოტიკებით ვაჭრობა Telegram-ის საშუალებით ხდებოდა.

„თბილისში, ქუთაისსა და ბათუმში ნივთმტკიცებად ამოღებულია ნარკოტიკული საშუალების დასამზადებლად საჭირო ლაბორატორიული ინვენტარი და სხვადასხვა სახის ქიმიური ნივთიერება. დაკავებული არიან საქართველოში მოქმედი ორგანიზებული დანაშაულებრივი ჯგუფის წევრები – საქართველოს, უკრაინის, ყირგიზეთისა და რუსეთის მოქალაქეები“, – ნათქვამია შსს-ს განცხადებაში.

საქართველო-სომხეთის საზღვარი. საკონტროლო პუნქტი ბაგრატაშენი - Sputnik საქართველო
საქართველოდან სომხეთში ნარკოტიკის შეტანას კანფეტების სახით ცდილობდნენ

სამართალდამცველებმა ბრალდებულების პირადი, საცხოვრებელი და დროებითი საცხოვრებელი სახლებისა და ბინების ჩხრეკისას სხვადასხვა ადგილზე მდებარე სამალავებიდან სულ ამოიღეს 21 კილოგრამამდე ფხვნილის სახით და 10 ლიტრამდე სითხის სახით ნარკოტიკული საშუალება „ალფა-პვპ“, რომელიც არის ახალი და პოტენციურად საშიში სინთეტიკური ნარკოტიკი.

აღნიშნული „საქონლის“ ღირებულება ე.წ. შავ ბაზარზე დაახლოებით 6 მლნ ლარია.

პოლიციამ მოსამართლის განჩინების საფუძველზე ბრალდებულების დანაშაულებრივი ქმედებების ფარული ვიდეო-აუდიოჩაწერა განახორციელა.

„გამოძიებით დადგინდა, რომ ნარკორეალიზატორთა საერთაშორისო ორგანიზებული დაჯგუფება ინტერნეტ-აპლიკაცია Telegram-ში შექმნილი ჯგუფების გამოყენებით სომხეთში, ყირგიზეთში, უზბეკეთში, ტაჯიკეთსა და საქართველოში, კერძოდ, თბილისში, ქუთაისსა და ბათუმში ნარკოტიკული საშუალების უკანონო დამზადებას, შეძენა-შენახვას და რეალიზაციას ახდენდა“, – ნათქვამია განცხადებაში.

ბრალის დამტკიცების შემთხვევაში დაკავებულებს 8-დან 20 წლამდე ვადით თავისუფლების აღკვეთა ემუქრებათ.

ყველა ახალი ამბავი
0