თბილისი, 2 დეკემბერი — Sputnik. გარდაბნის მუნიციპალიტეტში, ჯანდარის ტბაში ორ მამაკაცს ეძებენ, იუწყება ტელეკომპანია Imedi.
გავრცელებული ინფორმაციით, ისინი მეთევზეები არიან და მათი ნავი ტბის სიღრმეში ძლიერმა ქარმა გაიტაცა. ერთ-ერთმა მათგანმა თავად დარეკა გადაუდებელი დახმარების ოპერატიულ მართვის ცენტრ "112"-ში და დახმარება ითხოვა.
ადგილზე მობილიზებული არიან სამაშველო სამსახურის ბრიგადები, სამძებრო სამუშაოები რამდენიმე საათია მიმდინარეობს.
საგანგებო სიტაუაციების მართვის სამსახურის ინფორმაციით, სამძებრო სამუშაოებში ვერტმფრენიც ჩაერთო.
