თბილისი, 23 სექტემბერი – Sputnik. საბაჟო გამშვებ პუნქტში „ყაზბეგი“, ფინანსთა სამინისტროს შემოსავლების სამსახურის მებაჟე ოფიცრებმა ნარკოტიკული ნივთიერება აღმოაჩინეს და ერთი პირი დააკავეს, ნათქვამია უწყების მიერ გავრცელებულ განცხადებაში.
ოფიცრებმა სომხეთის მოქალაქის დ.გ.-ს მართვის ქვეშ არსებული ავტობუსის დეტალური დათვალიერების შედეგად, ნარკოტიკული ნივთიერებები: 149 გრამი კოკაინი და 64 გრამი ჰაშიში გამოავლინეს.
გამოძიება დაწყებულია სსკ-ის 262-ე მუხლის პირველი ნაწილით, რომელიც 6-დან 9 წლამდე პატიმრობას ითვალისწინებს. ჩანიშნულია შესაბამისი ექსპერტიზები და მიმდინარეობს საგამოძიებო მოქმედებები.
როგორც „Sputnik-სომხეთი“ იუწყება, სომხეთში საქართველოს საელჩო საქართველოს უფლებამოსილ ორგანოებთან ერთად ახორციელებს ზომებს იმისათვის, რომ სომხეთში ავტობუსის მგზავრების გადაყვანა დააჩქაროს. საელჩოს თანამშრომლები უკვე მიემართებიან ქართულ-რუსულ საზღვარზე, რათა ვითარებას ადგილზე გაეცნონ და ადამიანებს საკვებით და პირველადი მოხმარების საგნებით უზრუნველყონ.
