თბილისი, 20 ნოემბერი — Sputnik. სექსუალური ხასიათის იძულებასა და პირადი ცხოვრების ამსახველი კადრების გავრცელებაში ბრალდებულს თბილისის საქალაქო სასამართლომ ოთხი წლით თავისუფლების აღკვეთა მიუსაჯა, ნათქვამია საქართველოს პროკურატურის მიერ გავრცელებულ განცხადებაში.
სასამართლოზე დადგინდა, რომ 2017 წელს ბოროტმოქმედმა უკანონოდ ჩაიგდო ხელში მსხვერპლის პირადი ცხოვრების ამსახველი ფოტო- და ვიდეომასალა, რომელიც დაზარალებულის მეგობრებს გაუგზავნა.
დაკავებული მსხვერპლს მასთან სექსუალურ კავშირს აიძულებდა, წინააღმდეგ შემთხვევაში კი აღნიშნული ფოტოებისა და ვიდეოს ინტერნეტში გავრცელებით ან ოჯახის წევრებისთვის გაგზავნით ემუქრებოდა.
პოლიციამ ბოროტმოქმედი 2019 წლის 7 მარტს თბილისში დააკავა.
აღნიშნულ ფაქტზე სისხლის სამართლის საქმე სექსუალური ხასიათის იძულებისა და პირადი ცხოვრების საიდუმლოს ხელყოფის, ან პირადი ცხოვრების საიდუმლოს უკანონოდ მოპოვება, შენახვა და გავრცელების მუხლებით მიმდინარეობდა.