თბილისი, 18 ნოემბერი — Sputnik. მესტიის მუნიციპალიტეტში, სოფელ ცხუმარის და ეცერის მახლობლად გაჩენილ ტყის ხანძართან ბრძოლა უწყვეტ რეჟიმში გრძელდება, იუწყებიან საგანგებო სიტუაციების მართვის სამსახურში.
© photo: Sputnik / Nika Latariaსვანეთში ტყის ხანძართან ბრძოლა გრძელდება
სვანეთში ტყის ხანძართან ბრძოლა გრძელდება
© photo: Sputnik / Nika Lataria
გავრცელებული ინფორმაციით, ამჟამად ცეცხლის ქრობის პროცესში 45-მდე მეხანძრე-მაშველია ჩართული, ხვალიდან კი ხანძრის სალოკალიზაციო სამუშაოებში დამატებით 90-მდე მეხანძრე-მაშველი ჩაერთვება.
ცეცხლი ტყის ქვედა საფარს გაუჩნდა.
„მეხანძრე-მაშველები ადგილზე ძლიერი დაკვამლიანების და რთული რელიეფის მიუხედავად, უწყვეტ რეჟიმში მუშაობენ“, - ნათქვამია უწყების განცხადებაში.
ხანძრის დასახლებულ ტერიტორიაზე გავრცელების საფრთხე არ არსებობს, აცხადებენ საგანგებო სიტუაციების მართვის სამსახურში.
მომხდარის შედეგად არავინ დაშავებულა.