საპატრულო პოლიციის მანქანები

ცნობილი ხდება დამატებითი დეტალები ატენის ქუჩაზე მომხდარი სამმაგი მკვლელობის შესახებ

8580
(განახლებულია 20:50 17.11.2019)
ატენის ქუჩაზე მომხდარი მკვლელობის შესახებ ჟურნალისტებს   საკუთარი ვერსიები  გარდაცვლილების მეზობლებმა გაუზიარეს.

 

თბილისი, 17 ნოემბერი – Sputnik. თბილისში ატენის ქუჩაზე დღეს გარდაცვლილი  და-ძმა, თაკო და ლევან აბაშიძეები და დედა, ირინა გედევანიშვილი იპოვეს, იუწყება ტელეკომპანაია „რუსთავი 2“.

მკვლელობა ატენის 20 ნომერში მოხდა , დაუდასტურებელი ინფორმაციით, ახლგაზრდა მამაკაცმა ოჯახის ორი წევრი, დედა და და  მოკლა, შემდეგ კი თავი მოიკლა. 

„კურიერის“ მიერ გავრცელებული ინფორმაციით, გარდაცვლილის მანქანა მეზობლებს ხელს უშლიდა და ამიტომ მას სახლში მიაკითხეს. მეზობლებს  ბინაში სამი გარდაცვლილი დახვდათ.

ტელეკომპანია „იმედის“ ინფორმაციით,  საზარელი მკვლელობა ატენზე გამთენიისას, დაახლოებით 04:00 საათისთვის მოხდა. საღამოს  ოჯახთან კომუნიკაცია მეზობელმა სცადა და რადგან სახლიდან არავინ უპასუხა, სამაშველო სამსახური გამოიძახა. 

მეზობლების ცნობით, ლევან აბაშიძეს, რომელიც დაახლოებით სამი თვის წინ ჩამოვიდა ლონდონიდან, კონფლიქტი ჰქონდა დასთან და ვარაუდობენ, რომ დედის და დის მკვლელობა სწორედ თაკო აბაშიძესთან დაძაბულ ურთიერთობას უკავშირდება.

შინაგან საქმეთა სამინისტროში მომხდარის დეტალებზე არ საუბრობენ და მხოლოდ იმას აცხადებენ, რომ გამოძიება მიმდინარეობს.

უწყების ცნობით, საქმე აღძრულია ორი მუხლით 109-ე, რაც დამამძიმებელ გარემოებაში ორი, ან მეტი პირის განზრახ მკვლელობას და 236-ე მუხლით, რაც  ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. 

 

 

8580
თემები:
კრიმინალი საქართველოში (1049)
პატრული

სენაკში მიტროპოლიტი საბას ოჯახი დააყაჩაღეს

126
(განახლებულია 12:27 09.08.2020)
გავრცელებული ინფორმაციით, წაღებულია მობილური ტელეფონები, გაურკვეველი რაოდენობის თანხა და სხვა ნივთები

 

თბილისი, 9 აგვისტო — Sputnik. სენაკში ხონისა და სამტრედიის მიტროპოლიტი საბას ოჯახი დააყაჩაღეს, იუწყება ტელეკომპანია Rustavi 2.

შემთხვევა გუშინ, ღამით მოხდა.

გავრცელებული ინფორმაციით, დაყაჩაღების დროს სახლში ოჯახის წევრები არ იმყოფებოდნენ.  წაღებულია მობილური ტელეფონები, გაურკვეველი რაოდენობის თანხა და სხვა ნივთები.

მომხდარ ფაქტზე გამოძიება დაწყებულია სსკ-ის 179-ე მუხლის მეორე და მესამე ნაწილით, რაც, ბინაში უკანონო შეღწევით ჯგუფურად ჩადენილ ყაჩაღობას გულისხმობს.

126
თემები:
კრიმინალი საქართველოში (1049)
არ გადაკვეთო დანაშაულის ადგილი

ტყიბულში მამაკაცი მოკლეს

134
გავრცელებული ინფორმაციით, მკვლელობა ორ ადამიანს შორის ურთიერთშელაპარაკების ნიადაგზე მოხდა. დაღუპული მამაკაცი თერჯოლის მკვიდრია.

თბილისი, 9 აგვისტო — Sputnik. ტყიბულში ახალგაზრდა მამაკაცი მოკლეს, იუწყება ტელეკომპანია Rustavi 2.

შემთხვევა ქალაქის ცენტრში გუშინ ღამით მოხდა.

დაღუპული მამაკაცი თერჯოლაში ცხოვრობდა.

გავრცელებული ინფორმაციით,  მკვლელობას წინ ურთიერთშელაპარაკება უძღოდა.  

მომხდარ ფაქტზე გამოძიება დაწყებულის სსკ-ის 108-ე მუხლით დაიწყო, რაც განზრახ მკვლელობას გულისხმობს.

134
თემები:
კრიმინალი საქართველოში (1049)
ანზორ ერქომაიშვილი

საქართველოს პრეზიდენტმა ანზორ ერქომაიშვილი ბრწყინვალების ორდენით დააჯილდოვა

0
(განახლებულია 20:17 09.08.2020)
გამოჩენილ მომღერალს, ლოტბარს, კომპოზიტორს, საგუნდო დირიჟორს, ხალხური სიმღერების შემკრებს ანზორ ერქომაიშვილს 10 აგვისტოს 80 წელი უსრულდება

თბილისი, 9 აგვისტო - Sputnik. საქართველოს პრეზიდენტმა სალომე ზურაბიშვილმა ცნობილი მომღერალი, ლოტბარი და კომპოზიტორი ანზორ ერქომაიშვილი ბრწყინვალების ორდენით დააჯილდოვა, ნათქვამია პრეზიდენტის Facebook–გვერდზე.

ერქომაიშვილს ბრწყინვალების ორდენი „ქართული საგუნდო მუსიკის, ფოლკლორის განვითარებისა და პოპულარიზაციის საქმეში შეტანილი განსაკუთრებული წვლილისათვის, ნაყოფიერი პედაგოგიური, საზოგადოებრივი მოღვაწეობისა და ქვეყნის წინაშე აღმატებული ღვაწლისათვის" გადაეცა.

დაჯილდოების ცერემონია ლანჩხუთის რაიონის სოფელ აცანაში, მაცხოვრის სახელობის ეკლესიის ეზოში გაიმართა.

გამოჩენილ მომღერალსა ლოტბარს, კომპოზიტორს, ანსამბლების – „რუსთავისა“ და „მართვეს“ დამაარსებელს, ანზორ ერქომაიშვილს 10 აგვისტოს 80 წელი უსრულდება.

ანზორ ერქომაიშვილის 80 წლის საიუბილეო საღამო ხვალ ოზურგეთის დრამატული თეატრის თაღებში ჩატარდება. ღონისძიებაზე ქართულ ხალხურ სიმღერებს შეასრულებენ ანსამბლები: „რუსთავი“, „ბასიანი“, „რიჰ“, „შილდა“, გალობის უნივერსიტეტის გოგონათა გუნდი. ტრიოები: „შალვა ჩემო“, „შემოქმედი“ და „ხელხვავი“. მოეწყობა ანზორ ერქომაიშვილის ცხოვრებისა და შემოქმედების ამსახველი ფოტოგამოფენა.

ღონისძიების ორგანიზატორი არიან საქველმოქმედო ფონდი „ქართული გალობა“ და საქართველოს ფოლკლორის სახელმწიფო ცენტრი.

ანზორ ერქომაიშვილი 1940 წლის 10 აგვისტოს ბათუმში დაიბადა. ის თვითნასწავლი მომღერლის არტემ ერქომაიშვილის შვილიშვილია. ბაბუის რჩევით მიიღო უმაღლესი მუსიკალური განათლება, ჩააბარა კულტურულ-საგანმანათლებლო სასწავლებელში, შემდეგ კი თბილისის სახელმწიფო კონსერვატორიაში, რომელიც 1969 წელს დაამთავრა.

ანზორ ერქომაიშვილმა ჯერ კიდევ სტუდენტმა დაიწყო გურული საგალობლებისა და ხალხური სიმღერების გადატანა ნოტებზე. კონსერვატორიაში დააარსა ამ სიმღერების შემსწავლელი ვოკალური ანსამბლი „გორდელა“.

1968 წლიდან 2019 წლამდე იყო ანსამბლ „რუსთავის“ ხელმძღვანელი.

ანზორ ერქომაიშვილი არის საქართველოს ხელოვნების დამსახურებული მოღვაწე (1969), თბილისის საპატიო მოქალაქე (2014).

ავტორია წიგნებისა „ხმა უცნაური“, „შავი შაშვი ჩიოდა“, „ბაბუა“.

0
თემები:
საქართველო და კულტურა