პოლიცია

სროლა კალიფორნიაში: დაღუპულთა შორის სამი ბავშვია

53
(განახლებულია 10:47 17.11.2019)
დაღუპულთა  შორის სამი, ხუთი და ცხრა წლის ბავშვები არიან, 11 წლის ბიჭს კი ქირურგიული ოპერაცია ჩაუტარდა

თბილისი, 17 ნოემბერი — Sputnik.  ამერიკის ქალაქ სან–დიეგოში სროლის შედეგად ხუთი ადამიანი, მათ შორის სამი ბავშვი დაიღუპა, იუწყება ტელეარხი Fox News

პოლიციის ცნობით, დილით ადრე 911–ის სამსახურში ზარი მეზობლებიდან შევიდა, რომლებმაც მათ გასროლის შესახებ შეატყობინეს.

პოლიციის დანაყოფს შემთხვევის ადგილზე საწოლში მყოფი დასისხლიანებული ბავშვი, ასევე გარდაცვლილი მამაკაცი, ქალი და სამი წლის ბავშვი დახვდათ. მოგვიანებით საავადმყოფოში გარდაიცვალნენ ხუთი და ცხრა წლის ბავშვები. კიდევ ერთ 11 წლის ბავშვს კი ქირურგიული ოპერაცია ჩაუტარდა.

ტელეკომპანიის მონაცემებით, სახლში ქალი ოთხ შვითან ერთად ცხოვრობდა. რა ურთიერთობა ჰქონდა მას მამაკაცთან, ჯერჯერობით, უცნობია. პოლიციის აზრით, ეჭვმიტანილი დაღუპულთა შორისაა.

53
თემები:
მსოფლიო დღეს (1930)
პატრული

სენაკში მიტროპოლიტი საბას ოჯახი დააყაჩაღეს

126
(განახლებულია 12:27 09.08.2020)
გავრცელებული ინფორმაციით, წაღებულია მობილური ტელეფონები, გაურკვეველი რაოდენობის თანხა და სხვა ნივთები

 

თბილისი, 9 აგვისტო — Sputnik. სენაკში ხონისა და სამტრედიის მიტროპოლიტი საბას ოჯახი დააყაჩაღეს, იუწყება ტელეკომპანია Rustavi 2.

შემთხვევა გუშინ, ღამით მოხდა.

გავრცელებული ინფორმაციით, დაყაჩაღების დროს სახლში ოჯახის წევრები არ იმყოფებოდნენ.  წაღებულია მობილური ტელეფონები, გაურკვეველი რაოდენობის თანხა და სხვა ნივთები.

მომხდარ ფაქტზე გამოძიება დაწყებულია სსკ-ის 179-ე მუხლის მეორე და მესამე ნაწილით, რაც, ბინაში უკანონო შეღწევით ჯგუფურად ჩადენილ ყაჩაღობას გულისხმობს.

126
თემები:
კრიმინალი საქართველოში
არ გადაკვეთო დანაშაულის ადგილი

ტყიბულში მამაკაცი მოკლეს

134
გავრცელებული ინფორმაციით, მკვლელობა ორ ადამიანს შორის ურთიერთშელაპარაკების ნიადაგზე მოხდა. დაღუპული მამაკაცი თერჯოლის მკვიდრია.

თბილისი, 9 აგვისტო — Sputnik. ტყიბულში ახალგაზრდა მამაკაცი მოკლეს, იუწყება ტელეკომპანია Rustavi 2.

შემთხვევა ქალაქის ცენტრში გუშინ ღამით მოხდა.

დაღუპული მამაკაცი თერჯოლაში ცხოვრობდა.

გავრცელებული ინფორმაციით,  მკვლელობას წინ ურთიერთშელაპარაკება უძღოდა.  

მომხდარ ფაქტზე გამოძიება დაწყებულის სსკ-ის 108-ე მუხლით დაიწყო, რაც განზრახ მკვლელობას გულისხმობს.

134
თემები:
კრიმინალი საქართველოში
წყვილი

იყიდება... დედა და მამა გულისამაჩუყებელი ნამდვილი ამბავი

0
(განახლებულია 19:12 09.08.2020)
ეს ამბავი იაპონიაში მოხდა. ერთ–ერთ გაზეთში დაიბეჭდა ძალზე უცნაური განცხადება მშობლების გაყიდვის თაობაზე...

ტოკიოს გაზეთში დაბეჭდილ სენსაციურ განცხადებაში ეწერა: „იყიდებიან მშობლები: მამა – 68 წლის, დედა – 66 წლის. ფასი – 900 იენი“.

ვინც განცხადება ნახა, ყველა შოკირებული იყო. „რა დრო დადგა! მშობლებსაც კი ყიდიან უკვე!“ – ასეთ აღშფოთებას გამოთქვამდნენ მოქალაქეები.

და აი, ეს გაზეთი ახალგაზრდა ოჯახის ხელში მოხვდა. ახალგაზრდებმა სულ რამდენიმე დღის წინ დაასაფლავეს საკუთარი მშობლები, რომლებიც ტრაგიკულ შემთხვევას – ავტოავარიას ემსხვერპლნენ.

უდედმამოდ დარჩენილი ბავშვები ძალიან იტანჯებოდნენ და ეს განცხადება მშობლების გაყიდვის შესახებ მათთვის უაღრესად მკრეხელური აღმოჩნდა. ვერც კი წარმოედგინათ, რა ხდებოდა ახლა იმ მოხუცების გულებში, რომელთა გაყიდვასაც აპირებდნენ.

მათ დიდხანს არც უფიქრიათ – გადაწყვიტეს, ეყიდათ მოცუხები და მათთვის თავიანთი სითბო, მზრუნველობა და სიყვარული გაეზიარებინათ.

აირჩიეთ ბედნიერება და ბედნიერება აგირჩევთ თქვენ>>

ახალგაზრდები მითითებულ მისამართზე მივიდნენ და ძალიან გაუკვირდათ, როდესაც მათ წინაშე ულამაზესი, დიდი სასახლე გადაიჭიმა ყვავილებით მორთული ეზოთი. მათ გადაწყვიტეს, რომ რაღაც შეცდომა იყო და წასვლას აპირებდნენ, რომ ამ დროს კარი გაიღო და ხანდაზმულმა მამაკაცი გამოვიდა.

ახალგაზრდები შეწუხდნენ და ბოდიში მოიხადეს.

–       გამარჯობა. ალბათ, რაღაც შეცდომაა, მაგრამ განცხადებაში ეს მისამართი იყო მითითებული...

–       ყველაფერი სწორადაა, შემობრძანდით! – შეიპატიჟა ისინი აღელვებულმა მამაკაცმა და მეუღლეს დაუძახა.

შემდეგ ცოლ–ქმარმა ასეთი რამ უამბო ახალგაზრდებს.

–       ჩვენ მართლაც არ ვართ ღარიბები. მაგრამ შვილები არ გვყავს, რომლებსაც მემკვიდრეობას დავუტოვებდით. ამიტომ გადავწყვიტეთ ღირსეული კანდიდატურა შეგვერჩია და ასეთი ფორმა შევარჩიეთ. ვიცოდით, რომ ამას მხოლოდ ძალიან კეთილი ადამიანები გამოეხმაურებოდნენ. მაგრამ, სიმართლე გითხრათ, ეჭვი შეგვეპარა, რომ ასეთებს ვნახავდით... თქვენი საქციელი თქვენი ღირსებაა, ამიტომ ძალიან გვიხარია თქვენი ნახვა!

მასალა მომზადებულია ღია მასალაზე დაყრდნობით

0
თემები:
რეალური ისტორიები