პოლიცია

იარაღის არსენალი: პოლიციამ ხარაგაულში ახალგაზრდა კაცი დააკავა - ვიდეო

100
(განახლებულია 10:46 16.11.2019)
ნივთმტკიცებად ამოღებულია: კალაშნიკოვის სისტემის ავტომატური ცეცხლსასროლი იარაღი, 334 საბრძოლო ვაზნა, 2 მჭიდი და „ეფ1“-ის ტიპის ხელყუმბარა, 157 საბრძოლო ვაზნა.

თბილისი, 16 ნოემბერი — Sputnik. შინაგან საქმეთა სამინისტროს თანამშრომლებმა ხარაგაულის მუნიციპალიტეტში 39 წლის მამაკაცი, გ.ხ. ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ბრალდებით დააკავეს, ნათქვამია უწყების მიერ გავრცელებულ განცხადებაში.

სამართალდამცველებმა ბრალდებულის დროებით საცხოვრებელ სახლში ჩატარებული ჩხრეკისას ნივთმტკიცებად ამოიღეს: კალაშნიკოვის სისტემის ავტომატური ცეცხლსასროლი იარაღი, 334 საბრძოლო ვაზნა, 2 მჭიდი და „ეფ1“-ის ტიპის ხელყუმბარა.

დაკავებულის საცხოვრებელი სახლიდან კი ამოღებულია სხვადასხვა ტიპის ცეცხლსასროლი იარაღისთვის განკუთვნილი 157 საბრძოლო ვაზნა.

გამოძიება დაწყებულია სსკ-ის 236-ე მუხლის მესამე ნაწილით, რაც ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას გულისხმობს და უთვალისწინებს სამიდან ექვს წლამდე ვადით პატიმრობას.

100
თემები:
კრიმინალი საქართველოში (1052)
საქართველოს პროკურატურა

გიორგი შაქარაშვილის საქმეზე პროკურატურამ ხუთ პირს განზრახ მკვლელობის ბრალი წაუყენა

88
(განახლებულია 14:45 11.08.2020)
ხუთ ადამიანს ფეხბურთელ გიორგი შაქარაშვილის დამამძიმებელ მდგომარეობაში ჯგუფურად განზრახ მკვლელობის ბრალი წაუყენეს.

თბილისის, 11 აგვისტო – Sputnik. საქართველოს პროკურატურამ ხუთ პირს 19 წლის ფეხბურთელის, გიორგი შაქარაშვილის განზრახ მკვლელობის ბრალი წაუყენა. ამის თაობაზე უწყებაში ბრიფინგი გაიმართა.

გიორგი შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა. ამ დროისათვის პოლიციას 17 ადამიანი ჰყავს დაკავებული.

პროკურატურამ გრაფიკული მასალა წარმოადგინა, რომელიც იმ საღამოს განვითარებულ მოვლენებს თვალნათლივ წარმოადგენს.

პროკურატურაში აცხადებენ. რომ 18 ივნისს მცხეთაშო მყოფ გიორგი შაქარაშვილსა და მის მეგობრებს შორის ფიზიკური დაპირისპირება მოხდა. ამის შემდეგ სტუმრების უმრავლესობამ დატოვა წვეულება. მათ შორის იყო გიორგი შაქარაშვილიც. ის მეგობრებთან ერთად ფეხით გაემართა თბილისისკენ.

ამასობაში ჩხუბის ერთ–ერთი მონაწილე ვ.ჩ. თბილისში ჩავიდა და უკან თავის მეგობრებთან ერთად დაბრუნდა. მათ დაიწყეს შაქარაშვილისა და მისი მეგობრების დევნა.

„გაქცევისას გიორგი შაქარაშვილი ორივე მხრიდან მოექცა თავდამსხმელებს შორის, რამაც მას მოუსპო თავისუფალი გადაადგილების შესაძლებლობა და გარდაუვალი ანგარიშსწორების თავიდან აცილების მიზნით იძულებული გახდა ჩასულიყო გზის მარცხენა მხარეს არსებულ ხევში, სადაც მას ჩაჰყვა ხუთივე თავდამსხმელი", – აღნიშნულია პროკურატურის განცხადებაში.

სასამართლო პროცესი შაქარაშვილის საქმეზე: ვის და რატომ განსჯიან>>

შაქარაშვილი ხევში მიმავალ ბილიკს ჩაჰყვა და მდინარის ნაპირს მიადგა. მან ცურვა არ იცოდა და ამდენად, გაქცვეა ვეღარ შეძლო.

„ამ ვითარებით ისარგებლეს თავდამსხმელებმა და გიორგი შაქარაშვილს მიაყენეს დაზიანებები თავის, ორივე თვალბუდის, ზედა და ქვედა ტუჩების მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. სასტიკად ნაცემი გიორგი შაქარაშვილი თავდამსხმელებმა გადააგდეს მდინარე არაგვში, რის შედეგადაც ეს უკანასკნელი გარდაიცვალა", – ნათქვამია განცხადებაში.

ექსპერტიზამ დაადგინა, რომ შაქარაშვილის სხეულზე არსებული დაზიანებები მიყენებულია მკვრივი-ბლაგვი  საგნებით, როგორიცაა ხელკეტის მსგავსი საგანი, ფეხი, ქვა, მუშტი.

პროკურატურაში აცხადებენ, რომ აქტიურად გრძელდება კომპლექსური საექსპერტო კვლევები.

იმ ხუთი პირის გარდა, რომელთა მიმართ სისხლისსამართლებრივი დევნა გიორგი შაქარაშვილის დამამძიმებელ გარემოებებში განზრახ მკვლელობის ბრალდებით დაიწყო, ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის, ასევე, ჯგუფურად თავისუფლების უკანონო აღკვეთის ფაქტებზე დაკავებულია 12 პირი, რომელთაც აღკვეთის ღონისძიების სახით შეფარდებული აქვთ პატიმრობა. მათ მიმართ წარდგენილი ბრალდება სასჯელის სახით თავისუფლების აღკვეთას ოთხიდან ათ წლამდე ითვალისწინებს, აღნიშნავენ პროკურატურაში.

88
თემები:
19 წლის გიორგი შაქარაშვილის მკვლელობის საქმე
საქართველოს მთავარი პროკურატურა

ახალქალაქში მომხდარ მკვლელობაში ეჭვმიტანილს ბრალი ოფიციალურად წაუყენეს

172
(განახლებულია 21:04 10.08.2020)
იმავე საქმის ფარგლებში მიმდინარეობს მასობრივი არეულობის ორგანიზების გამოძიება, რაც მოიცავს ძალადობას, დარბევას, სხვისი ქონების დაზიანებას

თბილისი, 10 აგვისტო - Sputnik. ახალქალაქში დაკავებულ მამაკაცს ოფიციალურად წაუყენეს ბრალი განზრახ მკვლელობის და ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარების მუხლებით, აღნიშნულია საქართველოს პროკურატურის ვებგვერდზე განთავსებულ განცხადებაში.

ინციდენტი 8 აგვისტოს, საღამოს, ახალქალაქში მოხდა. ახალგაზრდებს შორის შეხლა-შემოხლის დროს 27 წლის მამაკაცი მოკლეს. ტრაგედიამ მასობრივი არეულობა გამოიწვია - დაღუპულის თანასოფლელები მკვლელობაში ეჭვმიტანილის ნათესავების სახლებსა და მანქანებს დაერივნენ. ვითარების განსამუხტად საჭირო გახდა სპეცრაზმის გამოყენება. ამ მომენტისთვის ახალქალაქში მშვიდი ვითარებაა.

პოლიციის თანამშრომლებმა ბრალდებული კვირას, 9 აგვისტოს დააკავეს.

ამავე საქმის ფარგლებში მიმდინარეობს მასობრივი არეულობის ორგანიზების გამოძიება, რაც მოიცავს ძალადობას, დარბევას, სხვისი ქონების დაზიანებას ან განადგურებას იარაღის მეშვეობით.

საგამოძიებო ღონისძიებები ორივე მუხლით გრძელდება.

172
თემები:
კრიმინალი საქართველოში (1052)
ბლოკპოსტი მესტიაში

რა ხდება მესტიაში: ბოლო ცნობები

29
(განახლებულია 16:34 11.08.2020)
ჩაკეტილ რეგიონში დღეს ეპიდემიოლოგების 12 ჯგუფი მუშაობს, ადგილზე  დაავადებათა კონტროლის ეროვნული ცენტრის ხელმძღვანელის, ამირან გამყრელიძის ჩასვლას ელოდებიან.

თბილისი, 11 აგვისტო – Sputnik. მესტიის ცენტრში საველე კარავია მოწყობილი, სადაც ეპიდემიოლოგები კორონავირუსზე მოსახლოებას იკვლევენ, იუწყება პირველი არხი.

ყაზბეგში კორონავირუსის კერა აღმოაჩინეს>>

მესტიაში საკარანტინო შეზღუდვების შემოღება მას შემდეგ გახდა საჭირო, რაც გუშინ კორონავირუსის 25 ახალი შემთხვევიდან 17 სვანეთში, კერძოდ, მესტიის მუნიციპალიტეტში დაფიქსირდა.

ჩაკეტილ რეგიონში დღეს ეპიდემიოლოგების 12 ჯგუფი მუშაობს და მოსახლეობას ვირუსზე იკვლევს. ადგილზე  დაავადებათა კონტროლის ეროვნული ცენტრის ხელმძღვანელის, ამირან გამყრელიძის ჩასვლას ელოდებიან.

რეგიონული განვითარების საკითხებში პრემიერის მრჩეველის სოზარ სუბარის განცხადებით, მუნიციპალიტეტში უკვე ელოდებიან კორონავირუსზე ჩატარებული 420–ზე მეტი ტესტის პასუხს.

უწყებათშორისი საკოორდინაციო საბჭოს მიერ გუშინ, 10 აგვისტოს მიღებული გადაწყვეტილების საფუძველზე, მაღალი ეპიდემიური რისკის გამო შეიზღუდა შესვლა-გამოსვლა მესტიის მუნიციპალიტეტში. მუნიციპალიტეტში შესვლა შესაძლებელია მხოლოდ ადგილობრივი მოსახლეობისთვის, გამოსვლის შემთხვევაში კი მოქალაქეები ვალდებული არიან გაიარონ კარანტინი.

29
თემები:
COVID-19 საქართველოში