საკანი

ქობულეთის მერიის სამი თანამშრომელი პატიმრობაში დარჩება

83
(განახლებულია 18:06 11.11.2019)
გამოძიების ინფორმაციით, რწმუნებულებმა და ქობულეთის მერიის თანამშრომელმა ქრთამის სანაცვლოდ უხარისხოდ აშენებული საზოგადოებრივი საპირფარეშო ჩაიბარეს.

თბილისი, 11 ნოემბერი — Sputnik. ბათუმის საქალაქო სასამართლომ ქობულეთის მუნიციპალიტეტის მერიის ოთხი თანამშრომლიდან სამს აღკვეთის ღონისძიების სახით პატიმრობა შეუფარდა, ერთი კი 30 ათასი ლარის გირაოს სანაცვლოდ გაათავისუფლა, იუწყება „აჭარის ტელევიზია“.

ქობულეთის მუნიციპალიტეტის მერიის ოთხი თანამშრომელი საქართველოს ფინანსთა სამინისტროს საგამოძიებო სამსახურის თანამშრომლებმა რამდენიმე დღის წინ ქრთამის აღების ოთხ ფაქტზე დააკავეს.

მოსამართლის გადაწყვეტილებით, ავთანდილ ნემსიწვერიძე, რომელიც ქობულეთის მერიის ინფრასტრუქტურის სამსახურის თანამშრომელია, 30 ათასი ლარის სანაცვლოდ გათავისუფლდა. გირაოს გადაწყვეტილება სასამართლომ ბრალდებულის ჯანმრთელობის, ოჯახური მდგომარეობისა და ასაკის გამო მიიღო. ნემსიწვერიძე საპატიმროს მას შემდეგ დატოვებს, რაც გირაოს თანხას გადაიხდის.

სასამართლოს გადაწყვეტილებით, სოფლების საჩინოს, ქაქუთისა და ხალას რწმუნებულები პატიმრობაში დარჩებიან.

დაკავებულებს ქობულეთის მუნიციპალიტეტის ტერიტორიაზე გარკვეული ინფრასტრუქტურული პროექტების მიმდინარეობაზე ზედამხედველობა და კონტროლი ევალებოდათ. მათ აღნიშნული სამუშაოების განმახორციელებელი კომპანიის წარმომადგენელს, ობიექტზე არსებულ დარღვევებზე რეაგირების არგანხორციელებისა და შესრულებული სამუშაოების აქტებზე ხელმოწერის სანაცვლოდ, ქრთამის სახით ფულადი თანხა მოსთხოვეს. კერძოდ, მათ საზოგადოებრივი ობიექტების მშენებელი კომპანიებისგან ქრთამის სახით 500-დან 1000 ლარამდე აიღეს და ამ თანხის სანაცვლოდ უხარისხოდ აშენებული საზოგადოებრივი საპირფარეშო ჩაიბარეს.

საქმეზე გამოძიება საქართველოს სსკ-ის 338-ე მუხლის პირველი ნაწილით გრძელდება, რაც სასჯელის სახით ითვალისწინებს თავისუფლების აღკვეთას ექვსიდან ცხრა წლამდე ვადით.

 

83
თემები:
კრიმინალი საქართველოში (1050)
საპატრულო პოლიცია

საზარელი ავტოავარია აჭარაში დაღუპულია ერთი ოჯახის სამი წევრი

38
დაღუპულებიდან ერთი ასაკოვანი ქალია, მეორე მისი რძალი და მესამე – არასრულწლოვანი შვილიშვილი. კიდევ ოთხი ადამიანი საავადმყოფოებში მოათავსეს

თბილისი, 10 აგვისტო – Sputnik. მახინჯაურში ავტომობილი ადამიანების ჯგუფს დაეჯახა. დაიღუპა სამი ადამიანი, მათ შორის ერთი – არასრულწლოვანი, განუცხადეს Sputnik–საქართველოს შსს–ს პრეს–სამსახურში.

უწყების ცნობით, მსუბუქი ავტომობილის მძღოლი დაკავებულია.

შემთხვევა გუშინ ღამით მოხდა.

ყველა დაღუპული ერთი ოჯახის წევრია: ქალი, მისი რძალი და არასრულწლოვანი შვილიშვილი. მათი ცხედრები სამხარაულის სახელობის სამედიცინო ექსპერტიზის ბიუროში განათავსეს.

დაშავებულები მძიმე დაზიანებებით სხვადასხვა კლინიკაში მოათავსეს.

გამოძიებას შსს აწარმოებს. სისხლის სამართლის საქმე აღძრულია ტრანსპორტის მოძრაობის ან ექსპლუატაციის წესების დარღვევის მუხლით.

38
თემები:
შემთხვევები საქართველოში
სვანეთი

კორონავირუსის ახალი კერა სვანეთში: რა მოხდა სოფელ ლენჯერში

112
(განახლებულია 11:38 10.08.2020)
დაავადებათა კონტროლის ცენტრის წარმომადგენლები დილიდან მუშაობენ სვანეთის რეგიონში მომხდარი შემთხვებისა და მათი კონტაქტების დადგენის მიზნით

თბილისი, 10 აგვისტო - Sputnik. სამეგრელო-ზემო სვანეთის რეგიონში კორონავირუსის 17 ახალი შემთხვევა დადასტურდა, ამის შესახებ რეგიონის გუბერნატორის მოადგილე ნინო ვიბლიანმა განცხადა.

„რეგიონში გვაქვს კორონავირუსუიის ახალი შემთხვევა. იკვეთება მესტიის მუნიციპალიტეტში ერთი ოჯახი, რიომელსაც ყავდა სტუმარი და სავარაუდოდ ვირუსი გადედოთ მათგან. ვირუსი გადაედოთ ამ ოჯახის კონტაქტებს. საუბარია სულ 17 დადატურებულ შემთხვევაზე. აქედან მესტიის მუნიციპალიტეტის მკვიდრი არის 7 მათგანი. პაციენტები მოთავსებულები არიან თბილისის და ქუთაისის სამედიცინო დაწესებულებებში. ნაწილის გადმოყვანა ხდება ახლა და მოთავსდებიან როგორც ზუგდიდის ასევე, სხვა კლინიკებში. მიმდინარეობს ჩაღრმავებული ეპიდკვლევა და ლაბორატორიული კვლევები. დაავადებათა კონტროლის 5 ბრიგადა დღეს მთელი დღის განმავლობაში იმუშავებს სოფელში და მოხდება ყველა მცხოვრებისგან ბიოლოგიური მასალის აღება,"- განაცხადა ვიბლიანმა.

როგორც სააგენტოს კორესპონდენტი იტყობინება, საუბარია ზემო სვანეთში, მესტიის მუნიცეპალიტეტის სოფელ ლენჯერზე და ამ დროისათვის სოფელი არ არის იზოლირებული, რადგან ეპიდემიოლოგები ამ ეტაპზე ამის აუცილებლობას ვერ ხედავენ. 

ბოლო მონაცემებით, საქართველოში ამჟამად კორონავირუსით ინფიცირებული 1250 ადამიანია. ბოლო დღე–ღამეში ნახტომისებრი ზრდა დაფიქსირდა – გამოვლინდა 25 ახალი შემთხვევა.

გამოჯანმრთელდა 1010 ადამიანი, გარდაიცვალა – 17.

 

ნიკა ლატარია

112
ზურაბ ჯაფარიძე

„გირჩის“ ლიდერი პარლამენტის დეპუტატობას აპირებს

0
(განახლებულია 11:55 10.08.2020)
ზურაბ ჯაფარიძის ერთ–ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი გია ვოლსკი იქნება

თბილისი, 10 აგვისტო - Sputnik.  ყველაზე არაორდინარული პარტია „გირჩის“ ლიდერი ზურაბ ჯაფარიძე აცხადებს, რომ საპარლამენტო არჩევნებზე დიდუბე–ჩუღურეთის საარჩევნო ოლქში იყრის კენჭს. ამის შესახებ პოლიტიკოსმა თავის Facebook–გვერდზე დაწერა.

„ავტომობილი საჩუქრად“ – რა სიურპრიზს უმზადებს არჩევნებზე მისულ ამომრჩეველს „გირჩი“>>

როგორც ჯაფარიძემ დაწერა, პარტია „გირჩი“ რამდენიმე კვირის წინ ოპოზიციას ერთობლივი კანდიდატების შერჩევის პროცესიდან გამოეყო.

„ეს გადაწყვეტილება განპირობებული იყო სურვილით გაადვილებულიყო შეთანხმება ერთიან კანდიდატებზე. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ქ-ნ ელენე ხოშტარიას და ვრჩები ამ გადაწყვეტილების ერთგული. ამავე დროს, იმის გამო რომ დროში გაიწელა თბილისის 6 ოლქის გარდა სხვა ოლქებში ერთიან ოპოზიციურ კანდიდატებზე შეთანხმების პროცესი, „გირჩმა“ მიიღო გადაწყვეტილება ჩაერთოს მაჟორიტარულ არჩევნებში“, – დაწერა ჯაფარიძემ.

მისი თქმით, სანამ ამგვარ გადაწყვეტილებას მიიღებდა, მან კონსულტაცია გაიარა რამდენიმე ოპოზიციურ პარტიასთან და მათ ეს ნაბიჯი დადებითად შეაფასეს.

ჯაფარიძეს ოპოზიციური პარტიების მხარდაჭერის იმედი აქვს.

ზურაბ ჯაფარიძე: როგორც ნაცრისფერ მასას, ისე ვუყურებ პოლიტიკურ პარტიებს>>

ზურაბ ჯაფარიძის ერთ–ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი, პარლამენტის ვიცე–სპიკერი გია ვოლსკი იქნება.

„საბჭოთა საქართველოზე ოცნებიდან ჩემი კონკურენტი დიდუბე-ჩუღურეთის ოლქში იქნება ბ-ნი გია ვოლსკი, რომელსაც ამ წუთიდან ვიწვევ საჯაროდ სასაუბროდ ქვეყნისთვის საჭირბოროტო ნებისმიერ თემაზე, იქნება ეს ეკონომიკა თუ იქნება ეს დეოკუპაცია, მისთვის მისაღებ ნებისმიერ მედიაპლატფორმაზე, ნებისმიერ დღეს, ნებისმიერ დროს, ნებისმიერ ფორმატში“, – დაწერა ჯაფარიძემ.

დიდუბე–ჩუღურეთის ოლქში მაჟორიტარი დეპუტატობის სურვილი ივლისის ბოლოს მოძრაობის „ხალხისთვის“ ლიდერმა ანა დოლიძემ გამოთქვა.

ეს დოლიძისთვის არჩევნებზე კანდიდატის სახით ბრძოლის პირველი გამოცდილებაა. ის დიდი ხანი მუშაობდა არასამთავრობო სექტორში, შემდეგ იყო პრეზიდენტის საპარლამენტო მდივანი, ხოლო 2018 წელს იუსტიციის უმაღლესი საბჭოს წევრი გახდა. ეს პოსტი მას ამა წლის ივნისამდე ეკავა – ამ დროს განაცხადა თვისი პოლიტიკური ამბიციებისა და პოლიტიკური პლატფორმის შექმნის შესახებ.

პარტია „გირჩისთვის“ ეს პირველი საპარლამენტო არჩევნებია, თუმცა ზურაბ ჯაფარიძეს წინასაარჩევნო რბოლაში მონაწილეობის გამოცდილება აქვს. მან საპრეზიდენტო არჩევნებში ხმების 2% მიიღო.

ანა დოლიძე: თამარ მეფემ დიდუბეში გადაიხადა ქორწილი...>>

 „გირჩი“ პოლიტიკურ სარბიელზე 2015 წელს გამოჩნდა. პარტია „ერთიანი ნაციონალური მოძრაობის“ წევრებმა შექმნეს.

პარტია ლიბერალური მიმართულებისაა და ცნობილია თავისი არაორდინალური საქციელითა და კანონის გვერდის ავლის უნარით. შეიძლება ითქვას, რომ მარიხუანის მოხმარების დეკრიმინალიზაციაში „გირჩმა“ ერთ–ერთი ძირითადი როლი შეასრულა.

0
თემები:
საქართველოს საპარლამენტო არჩევნები 2020