პოლიციის განყოფილება

ფოთის საკრებულოს თავმჯდომარეს ბრალი წარუდგინეს

54
(განახლებულია 16:27 10.11.2019)
ფოთის მუნიციპალიტეტის ყოფილი მერი ბრალს არ აღიარებს, მის ადვოკატს ბრალდების სრულად გაბათილების იმედი აქვს

თბილისი, 10 ნოემბერი — Sputnik. გვიან ღამით ფოთის მუნიციპალიტეტის ყოფილ მერს და ამჟამინდელ საკრებულოს თავმჯდომარე ირაკლი კაკულიას, ასევე მასთან ერთად დაკავებულ სამ მოქმედ საჯარო მოხელეს ბრალი ოფიციალურად წარუდგინეს, იუწყება პირველი არხი.

კაკულიას ადვოკატის ედიშერ ქარჩავას თქმით, ყოფილი მერი თავს დამნაშავედ არ ცნობს. ადვოკატი მიიჩნევს, რომ აღნიშნული საქმე ჭორაობას ჰგავს და საფუძველსაა მოკლებული.

„ჩემი დაცვის ქვეშ მყოფს, ირაკლი კაკულიას ბრალდება რამდენიმე მუხლით წარუდგინეს. ერთი შეხედვით, რაც ბრალს გავეცანი, ეს უფრო ვარაუდებზეა დამყარებული, ვინაიდან ბრალდების მიხედვით, რაც მე გადმომეცა, ჯერჯერობით ვერ ვხედავ, რომ ირაკლი კაკულიას მიმართ რაიმე პირდაპირი მტკიცებულებები იყოს“, – აცხადებს ადვოკატი.

მისი თქმით, ბრალდება აბსოლუტურად დაუსაბუთებელია.

„საქმის მასალების გაცნობის შემდეგ, ჩვენ შევეცდებით, წარდგენილი ბრალდება სრულიად გავაბათილოთ. სამართლებრივი დავის გაგრძელებას ვგეგმავთ, ვეცდებით ირაკლისთან ერთად კვალიფიციურად, დასაბუთებულად დავამტკიცოთ, რომ ის არის სრულიად უდანაშაულო“, – განაცხადა ქარჩავამ.

გამოძიების ინფორმაციით, 2015 და 2017 წლებში ფოთის მუნიციპალიტეტის მერიის მიერ გაფორმდა ორი ხელშეკრულება, რომლებიც ითვალისწინებდა ქალაქ ფოთში, მალთაყვის უბანში სანაპირო ზოლის სარეაბილიტაციო სამუშაოების შესრულებას. სამუშაოების მიმდინარეობისას კონტრაქტორი კომპანიების ხელმძღვანელებს შესრულებული სამუშაოების აქტებში შეჰქონდათ ყალბი მონაცემები შესრულებული სამუშაოების მოცულობებთან დაკავშირებით, რა გზითაც ისინი მოტყუებით ეუფლებოდნენ სახელმწიფო სახსრებს. საქმეზე ჩატარებული ექსპერტიზებით დადგენილია, რომ ერთ შემთხვევაში მოტყუებით დაუფლებულია 439 892 ლარი, ხოლო მეორე შემთხვევაში – 88 929 ლარი, ჯამში 528 821 ლარი.

უწყების ცნობით, გამოძიებით ასევე დადგენილია, რომ ფოთის მუნიციპალიტეტის მერიის თანამშრომლები არ რეაგირებდნენ მწარმოებელი კომპანიების მხრიდან არსებულ დარღვევებზე და ხელმოწერით ადასტურებდნენ შესრულებული სამუშაოების მიღება-ჩაბარების აქტებს, რითიც ხელს უწყობდნენ კომპანიების ხელმძღვანელებს თაღლითური გზით თანხების დაუფლებაში. ასეთი სამსახურებრივი მფარველობის სანაცვლოდ, თავის მხრივ, ფოთის მუნიციპალიტეტის მერიის ხელმძღვანელმა თანამდებობის პირმა სამუშაოების შემსრულებელს ქრთამის სახით მოსთხოვა და გამოართვა თანხა – ჯამში 170 000 ლარის ოდენობით.

საგამოძიებო სამსახურში აცხადებენ, რომ საქმეზე გრძელდება გამოძიება და უახლოეს პერიოდში დადგება სხვა პირთა პასუხისმგებლობის საკითხიც.

რამდენი „კორუფციონერი პარაზიტია" აჭარის მთავრობაში – ვინ დარჩება ბორტს მიღმა >>

გამოძიება მიმდინარეობს საქართველოს სისხლის სამართლის კოდექსის 180-ე, 182-ე, 338-ე, 332-ე, 342-ე და 210-ე მუხლებით (მართლსაწინააღმდეგო მისაკუთრების მიზნით დიდი ოდენობით სახელმწიფო ქონების თაღლითურად დაუფლებაში დახმარება, სახელმწიფო ქონების გაფლანგვა, განსაკუთრებით დიდი ოდენობით ქრთამის აღება, სამსახურებრივი უფლებამოსილების ბოროტად გამოყენება, სამსახურებრივი გულგრილობა და ყალბი საანგარიშსწორებო დოკუმენტის დამზადება-გამოყენება), რაც სასჯელის სახით ითვალისწინებს თავისუფლების აღკვეთას 11-დან 15 წლამდე ვადით.

54
თემები:
კრიმინალი საქართველოში (1043)
მაშველები

სამდღიანი ძებნის შემდეგ მაშველებმა ფოთში ახალგაზრდა გოგონას ცხედარი იპოვეს

48
(განახლებულია 15:10 06.08.2020)
მომხდარ ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

თბილისი, 6 აგვისტო  — Sputnik. მეხანძრე-მაშველებმა ფოთში გაუჩინარებული ახალგაზრდა გოგონას  ცხედარი მდინარე რიონში იპოვეს, იუწყება შინაგან საქმეთა სამინისტროს საგანგებო სიტუაციების მართვის სამსახური. 

დაკარგული გოგონას სამძებრო ოპერაცია უწყვეტ რეჟიმში მიმდინარეობდა, რომელშიც მონაწილეობდა 46 მეხანძრე-მაშველი, 4 მყვინთავი, 4 ნავი და 1 ექოლოტი, რომელიც ფსკერის სკანირებას ახდენდა.

 საძიებო სამუშაოებში ასევე ჩართული იყო სანაპირო დაცვა. ხეობის დათვალიერება ასევე მიმდინარეობდა დრონის მეშვეობითაც.

შინაგან საქმეთა სამინისტროს გადაუდებელი დახმარების ოპერატიული მართვის ცენტრ „112"-ში 4 აგვისტოს, ღამით შევიდა შეტყობინება, რომ ახალგაზრდა გოგონა ხიდიდან გადახტა.

მომხდარ ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

48
თემები:
შემთხვევები საქართველოში
სასამართლო

დაკავებული ექიმების საქმე: სასამართლოს გადაწყვეტილება ცნობილია

201
ქართველი ექიმები თბილისის ცენტრალური საავადმყოფოს დირექტორისა და ექიმების მხარდამჭერ აქციებს ატარებენ

თბილისი, 5 აგვისტო — Sputnik.  თბილისის საქალაქო სასამართლოს გადაწყვეტილებით, თბილისის ცენტრალური საავადმყოფოს დირექტორი გირაოს სანაცვლოდ გათავისუფლდა, ორი ექიმი კი განაჩენს საპატიმროში დაელოდება, იუწყება საზოგადოებრივი მაუწყებლის პირველი არხი.

საავადმყოფოს დირექტორი გიორგი ლობჟანიძე და ექიმი ვახტანგ ყიფიანი სამშაბათს დააკავეს. იმავე დღეს გენერალურმა პროკურატურამ ბრალი დაუსწრებლად წარუდგინა ანესთეზიოლოგ მაგდა ხოჭოლავას, რომელიც იტალიაში მუშაობს.

სასამართლოს გადაწყვეტილებით,  კლინიკის  დირექტორი გიორგი ლობჟანიძე საპატიმროს 100 ათასი ლარის ოდენობით გირაოს გადახდის შემდეგ დატოვებს, რაც შეეხება ხოჭოლავას, მას სასამართლომ დაუსწრებლად  პატიმრობა შეუფარდა. 

ექიმების საქმე ეხება ოპერაციას, რომელიც 2018 წელს ახალგაზრდა გოგონას ჩუტარდა. გოგონამ კლინიკას კონსულტაციისთვის მიმართა, ყიფიანი კი გოგონას დაპირდა, რომ გამოკვლევის შედეგებს იტალიაში გადააგზავნიდნენ.  ასევე მან პაციენტი დაარწმუნა, რომ ქირურგიულ ოპერაციას იტალიელი ექიმები ჩაუტარებდნენ. გოგონა დათანხმდა, ოპერაცია კი თავად ყიფიანმა, მაგდა ხოჭოლავას დახმარებით  ჩაატარა. მოგვიანებით მათ განმეორებით ჩაატარეს ოპერაცია, რომლის შემდეგაც გოგონა კომაში ჩავარდა.

გამოძიების ცნობით, ყიფიანს მსგავსი ოპერაციის ჩატარებისთვის კანონით გათვალისწინებული შესაბამისი კვალიფიკაცია არ ჰქონდა, ხოჭოლავას კი საერთოდ არ ჰქონდა ოპერაციებზე დაშვების უფლება, რადგანაც კონსულტანტად მუშაობდა. გარდა ამისა, ოპერაციის დროს მათ შეცდომები დაუშვეს, რამაც პაციენტის მდგომარეობა გაართულა.

რაც შეეხება კლინიკის დირექტორ გიორგი ლობჟანიძეს, გამოძიება  ბრალს სდებს იმაში, რომ მან არ გააკონტროლა ოპერაცია და არ შეამოწმა მედპერსონალის შესაბამისი ლიცენზიის არსებობის საკითხი.

ბრალდებებს კატეგორიულად არ ეთანხმებიან ექიმები, რომლებიც ბრალდებული კოლეგების მხარდამჭერ წერილებს აქვეყნებენ.

201
თემები:
შემთხვევები საქართველოში
პროკურატურა

სიმართლის საძებნელად ქუჩაში: ბაჩალიაშვილის დედამ შიმშილობა დაიწყო

0
თამარ ბაჩალიაშვილის ოჯახს თვითმკვლელობის ვერსიის არ სჯერა, რაზეც გამოძიება მიუთითებს და საქმეში FBI–ის ჩართვას მოითხოვს

თბილისი, 6 აგვისტო  — Sputnik.  შინაგან საქმეთა სამინისტროს განცხადებით აღშფოთებულმა 23 წლის თამარ ბაჩალიაშვილის დედამ, თეონა თამაზაშვილმა საქართველოს პროკურატურის შენობასთან შიმშილობა დაიწყო, იუწყება საზოგადოებრივი მაუწყებლის პირველი არხი.

23 წლის თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. გუშინ შსს–მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა.

„მე არ მჯერა შინაგან საქმეთა სამინისტროს განცხადების. კიდევ ერთხელ დავრწმუნდი, რომ ისინი იტყუებიან. ახლა დარბიან და ღამეები არ სძინავთ იმაზე ფიქრში, კიდევ რა ამოქექონ, რომ თვითმკვლელობის ვერსია დაადასტურონ. ჩემი შვილის მკვლელობაში ისინი თავად არიან ჩართული. მე აქ მოვედი რომ გითხრათ, მივმართავ რადიკალურ ზომას და შიმშილობას ვიწყებ“, – განაცხადა თამაზაშვილმა. 

მან ასევე მოთხოვა საქართველოს გენერალურ პროკურორ ირაკლი შოთაძესთან შეხვედრა, რომელიც შვილმკვდარ დედას შეხვედრაზე დათანხმდა.

გოგონას გარდაცვალების საქმეში ახალი მოწმე გამოჩნდა – ვინმე ბაჩანა ლობჟანიძე, რომელიც საკუთარ თავს თამარ ბაჩალიაშვილის შეყვარებულს უწოდებს.

როგორც მან განაცხადა, სხვა ახალგაზრდა მამაკაცის ვინმე მიშო იაკობიძის  Instagram –სტორიში მიმოწერის სქრინი დაინახა, რომელშიც ბაჩალიაშვილი ამბობს, რომ მათ კარგი ურთიერთობა ჰქონდათ, მაგრამ მას ურთიერთობის გაგრძელება აღარ სურს. გარდა ამისა, ლობჟანიძე ამტკიცებს, რომ იაკობიძე გოგონას მისი გაუჩინარების შემდეგ ეძებდა.

ბაჩალიაშვილის ოჯახს არ სჯერა, რომ ლობჟანიძე მათი ქალიშვილის შეყვარებული იყო და მას „შსს–გან ჩანერგილი“ უწოდეს.

ბაჩალიაშვილის საქმის გამოძიება ორი მუხლით მიმდინარეობს –  „თავისუფლების უკანონო აღკვეთა“ და  „თვითმკვლელობამდე მიყვანა“.

0