დათვი

ვანში წითელ ნუსხაში შეტანილი მურა დათვი მოკლეს

90
(განახლებულია 14:50 06.11.2019)
მოქმედი კანონმდებლობით, წითელ ნუსხაში შესულ ცხოველებზე ნადირობა აკრძალულია და ცალკეულ შემთხვევაში იგი სისხლის სამართლის დანაშაულადაც კვალიფიცირდება.

თბილისი, 6 ნოემბერი — Sputnik. ვანის მუნიციპალიტეტის სოფელ უხუთის ტყეში მოქალაქემ ნადირობისას წითელ ნუსხაში შეტანილი მურა დათვი მოკლა, იუწყება გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი.

გავრცელებული ინფორმაციით, მურა დათვი მოქალაქემ არარეგისტრირებული სანადირო თოფით მოკლა.

დასავლეთის რეგიონული სამმართველოს გარემოსდაცვითი პატრულირებისა და სწრაფი რეაგირების თანამშრომლებმა ამოღებული ნივთმტკიცებულებები – დანა, დაურეგისტრირებელი თოფი, დამუხტული და გასროლილი ვაზნები, ცხოველის ტყავი და 107 კგ ხორცი დალუქეს.

მოქმედი კანონმდებლობით, წითელ ნუსხაში შესულ ცხოველებზე ნადირობა აკრძალულია და ცალკეულ შემთხვევაში იგი სისხლის სამართლის დანაშაულადაც კვალიფიცირდება.

დეპარტამენტის ცნობით, რადგან მურა დათვი წითელ ნუსხაშია შეტანილი, შესაბამისად, გარემოსთვის მიყენებული მნიშვნელოვანი ზიანი 50 ათას ლარს შეადგენს და გამოვლენილი სამართალდარღვევა სისხლის სამართლის ნიშნებს შეიცავს.

მასალები შემდგომი რეაგირებისთვის დასავლეთ საქართველოს საოლქო პროკურატურაში გადაიგზავნა.

90
თემები:
შემთხვევები საქართველოში (1437)
თბილისის რესპუბლიკური საავადმყოფო

საქართველოში კორონავირუსით კიდევ ერთი ადამიანი გარდაიცვალა

247
კორონავირუსი მამაკაცს 9 მაისს დაუდგინდა და ის თბილისის რესპუბლიკურ საავადმყოფოში მკურნალობდა. ამირან გამყრელიძის განცხადებით, მას მძიმე თანმხლები დაავადებები აღენიშნებოდა

თბილისი, 2 ივნისი - Sputnik. საქართველოში კორონავირუსით გარდაცვალების მე-13 შემთხვევა დაფიქსირდა.

ბოლნისის საზოგადოებრივი ჯანდაცვის ცენტრის ხელმძღვანელის, მაკა მამარდაშვილის თქმით, გარდაცვლილი პაციენტი იყო ბოლნისის მუნიციპალიტეტის სოფელ მუშევანის მკვიდრი, რომელიც დღემდე კარანტინზეა ჩაკეტილი.

„გიდასტურებთ, გარდაიცვალა ერთი პაციენტი სოფელ მუშევანიდან. მამაკაცი მკურნალობდა რესპუბლიკურ საავადმყოფოში. მას თანმხლები დაავადებები ჰქონდა. მამაკაცი დღის მეორე ნახევარში გარდაიცვალა. მას კორონავირუსი 9 მაისს დაუდასტურდა“, – განაცხადა მაკა მამარდაშვილმა.

დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ გარდაცვლილ მამაკაცს მძიმე თანმხლები დაავადებები აღენიშნებოდა.

„სამწუხაროდ, დღეს გვაქვს გარდაცვალების მეცამეტე შემთხვევა. გარდაიცვალა 76 წლის მამაკაცი. ის ბოლნისის მუნიციპალიტეტის სწორედ იმ სოფლიდან არის, სადაც ყველაზე მეტი დაზიანება გვაქვს. სამწუხაროდ, ეს იყო მძიმე ავადმყოფი, მძიმე თანმხლები დაავადებებით და ბოლო რამდენიმე დღის განმავლობაში იყო ხელოვნურ ვენტილაციაზე“, – განაცხადა ამირან გამყრელიძემ საქართველოს პირველ არხთან საუბრისას.

დღეს დილით კორონავირუსის ორი ახალი შემთხვევა დადასტურდა და 796-ს შეადგენდა. ამ დროისათვის გამოჯანმრთელდა 634 ადამიანი, 13 გარდაიცვალა.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. მარტის ბოლოს ქვეყანაში საგანგებო მდგომარეობა გამოცხადდა, რომელიც 23 მაისამდე მოქმედებდა. ახლა ქვეყანაში შეზღუდვები ეტაპობრივად იხსნება.

247
თემები:
COVID-19 საქართველოში
პოლიცია შემთხვევის ადგილზე

თბილისში დედამ ჩვილი სავარაუდოდ ფანჯრიდან გადააგდო - დაწყებულია გამოძიება

3143
(განახლებულია 22:43 02.06.2020)
შემთხვევა თბილისში, გლდანულაში დღეს მოხდა. ჩვილის ცხედარი მეზობლებმა ნახეს და პოლიცია გამოიძახეს.

თბილისი, 2 ივნისი - Sputnik. თბილისის ერთ-ერთ უბანში, საცხოვრებელ კორპუსთან ახალშობილი გარდაცვლილი იპოვეს, იუწყება საზოგადოებრივი მაუწყებლის პირველი არხი.

შემთხვევა გლდანულაში დღეს მოხდა. ჩვილის ცხედარი მეზობლებმა ნახეს და პოლიცია გამოიძახეს. გავრცელებული ინფორმაციით, არასრულწლოვანმა დედამ ახალშობილი სავარაუდოდ საცხოვრებელი სახლის მეექვსე სართულის ფანჯრიდან გადააგდო.

ჯერჯერობით უცნობია, ამ დროისთვის დაკავებულია თუ არა ვინმე. დაუდასტურებელი ინფორმაციით, მოკლული ჩვილის დედა არასრულწლოვანია და ის სამართალდამცველებმა მომხდარის შემდეგ მალევე დააკავეს.

მომხდარზე  გამოძიება საქართველოს სისხლის სამართლის კოდექსის 112-ე მუხლით მიმდინარეობს, რაც დედის მიერ ახალშობილის განზრახ მკვლელობას გულისხმობს. დანაშაული ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე.

3143
თემები:
კრიმინალი საქართველოში

მინეაპოლისში გუბერნატორის რეზიდენციასთან ასობით ადამიანმა მოიყარა თავი - ვიდეო

0
მინესოტას შტატის გუბერნატორი ტიმ უოლცის რეზიდენციასთან მინეაპოლისში საპროტესტო აქციაზე ასობით ადამიანი მივიდა. მომიტინგეები მოითხოვდნენ იმ პოლიციელების დაკავებას, რომლებიც კავშირში იყვნენ აფროამერიკელი ჯორჯ ფლოიდის გარდაცვალებასთან

დემონსტრანტები აქციაზე მივიდნენ პლაკატებით „არა უსამართლობას“ და “ვერ ვსუნთქავ“.

ჯორჯ ფლოიდი მინეაპოლისში პოლიციის მიერ დაკავების შედეგად გარდაიცვალა. მისმა სიკვდილმა მთელ ქვეყანაში საპროტესტო აქციების ტალღა გამოიწვია, რომელიც უკვე რამდენიმე დღეა გრძელდება.

დემონსტრაციები არეულობასა და პოლიციასთან შეტაკებებში გადაიზარდა. ზოგიერთ დიდ ქალაქში მომიტინგეებმა მაროდიორობა დაიწყეს.

სამართალდამცავების დასახმარებლად სახელმწიფომ ეროვნული გვარდიის ძალები გამოიყენა.

0