პოლიციის განყოფილება

მირზაანის რწმუნებულის შვილის დაჭრა: დაკავებულის გასათავისუფლებლად ხელმოწერებს აგროვებენ

93
31 წლის კობა თარაშვილი ღუდუშაურის კლინიკაში, რეანიმაციაში იმყოფება. მის მდგომარეობას ექიმები სტაბილურად მძიმედ აფასებენ

თბილისი, 3 ნოემბერი - Sputnik. სოფელ მირზაანის რწმუნებულის შვილის დაჭრისთვის დაკავებულ პაატა მაჭარაშვილს ბრალს დღეს ოფიციალურად  წაუყენებენ, იუწყება საზოგადოებრივი მაუწყებლის პირველი არხი.

შემთხვევა პარასკევს, სიღნაღის რაიონის სოფელ ქვემო ბოდბეში 1 ნოემბერს გვიან საღამოს მოხდა. ქვემო ბოდბეში მცხოვრებმა პაატა მაჭარაშვილმა დედოფლისწყაროს მუნიციპალიტეტის სოფელ მირზაანის რწმუნებულის შვილი, კობა თარაშვილი სანადირო თოფით დაჭრა. შემთხვევას მხარეებს შორის სიტყვიერი და ფიზიკური დაპირისპირება უძღოდა.

მაჭარაშვილის თანასოფლელების განცხადებით, დაკავებულმა დანაშაული აფექტის მდგომარეობაში ჩაიდინა და სოფელი მას თავდებში უდგება. მათი მტკიცებით, გამგებლის შვილი ე.წ. ქურდული მეთოდებით მაჭარაშვილისთვის ხორბლის გამოძალვას ცდილობდა.

ადგილობრივებმა დაკავებულის გათავისუფლების მოთხოვნით ქვემო ბოდბეში ხელმოწერების შეგროვება დაიწყეს.

განსხვავებულ ვერსიაზე საუბრობს მირზაანის რწმუნებული და ამბობს, რომ აგრესიულად არა მისი შვილი, არამედ დაკავებული პაატა მაჭარაშვილი იქცეოდა, რომელმაც კობა თარაშვილს სიტყვიერი შეურაცხყოფა მიაყენა, რაც შემდეგ ფიზიკურ დაპირისპირებაში გადაიზარდა. კონფლიქტის შემდეგ დაკავებულმა კობა თარაშვილს ინციდენტის ადგილიდან დაახლოებით ერთ კილომეტრში, მანქანაში მჯდომარეს ესროლა.

„დაეწია მანქანით მაჭარაშვილი, მივიდა, დასცა მანქანაში მჯდომარეს იარაღი და გაიქცა“, - ამბობს დაჭრილის მამა აკაკი თარაშვილი.

31 წლის კობა თარაშვილი ღუდუშაურის კლინიკაში, რეანიმაციაში იმყოფება. მის მდგომარეობას ექიმები სტაბილურად მძიმედ აფასებენ.

სიღნაღში მომხდარ დაჭრასთან დაკავშირებით შსს განცხადებას ავრცელებს >>

მომხდარზე გამოძიება ჯანმრთელობის განზრახ მძიმე დაზიანების ფაქტზე, საქართველოს სსკ-ის 117-ე მუხლის პირველი ნაწილით მიმდინარეობს, რაც 3-დან 6 წლამდე ვადით თავისუფლების აღკვეთას ითვალისწინებს. დაკავებული  დანაშაულს აღიარებს, იარაღი კი ნივთმტკიცებადაა ამოღებული.

93
თემები:
კრიმინალი საქართველოში (914)
პოლიცია ბათუმში

შსს-მ ბათუმში მომხდარ არეულობასთან დაკავშირებით ინციდენტის ვიდეოჩანაწერი გაავრცელა

144
(განახლებულია 20:54 27.05.2020)
რევაზ წულუკიძისა და ელდარ ანთაძის გათავისუფლების მოთხოვნით გამართულ აქციაზე ბათუმში პოლიციამ 30 პირი დააკავა

თბილისი, 27 მაისი - Sputnik. შინაგან საქმეთა სამინისტრო ასაჯაროებს კადრებს, სადაც ასახულია ხულიგნობის ფაქტი, რის საფუძველზეც ბათუმში სამართალდამცველებმა ორი პირი დააკავეს, ხოლო ოთხ პირს წარედგინა ბრალდება, ნათქვამია უწყების მიერ გავრცელებულ განცხადებაში.

არსებული ინფორმაციით, მიმდინარე წლის შვიდ მაისს, აჭარის პოლიციის დეპარტამენტის თანამშრომლებმა ბათუმში ორი პირი დააკავეს, ხოლო ოთხ პირს წარედგინა ბრალდება, სსკ-ის 239-ე მუხლით. დაკავებულები ამ დროისთვის იმყოფებიან წინასწარ პატიმრობაში.

საუბარია რევაზ წულუკიძესა და ელდარ ანთაძეზე, სწორედ მათ გათავისუფლებას ითხოვდნენ დღეს გამართულ საპროტესტო აქციაზე.

დაკავებულების ოჯახის წევრებმა და ახლობლებმა, ბრალდებულების გათავისუფლების მოთხოვნით, ბათუმში საპროტესტო აქცია გამართეს და ცენტრალური გზის გადაკეტვა სცადეს. პოლიციის არაერთი კანონიერი მოთხოვნის მიუხედავად, აქციის მონაწილეებმა განაგრძეს საზოგადოებრივი წესრიგის დაარღვევა და ძალადობრივი მეთოდებით შეეცადნენ გზის გადაკეტვას.

ბათუმში მიმდინარე აქციის დროს, ადმინისტრაციულ სამართალდარღვევათა კოდექსის 173-ე და 166-ე მუხლებით გათვალისწინებული სამართალდარღვევებისთვის სულ დაკავებულია 30 პირი, რაც გულისხმობს სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობას და წვრილმან ხულიგნობას.

რეზო წულუკიძისა და ელდარ ანთაძის ოჯახის წევრები მიიჩნევენ, რომ ისინი უკანონოდ არიან დაკავებულები და მათ გათავისუფლებას მოითხოვენ. ამავე მოთხოვნით ისინი 8 მაისსაც შეიკრიბნენ აჭარის მთავრობის სახლთან და აქცია გამართეს, სადაც პოლიციისთვის წინააღმდეგობის გაწევის გამო ოთხი პირი ადმინისტრაციული წესით დააკავეს. წულუკიძესა და ანთაძეს ბრალი ჯგუფურ ხულიგნობაში ედებათ.

144
თემები:
შემთხვევები საქართველოში
პოლიცია ბათუმში

არეულობა ბათუმში: საპროტესტო აქციაზე რამდენიმე ადამიანი დააკავეს

57
(განახლებულია 21:20 27.05.2020)
აქციის მონაწილეები წინასწარ პატიმრობაში მყოფი რევაზ წულუკიძისა და ელდარ ანთაძის გათავისუფლებას ითხოვენ.

თბილისი, 27 მაისი – Sputnik. ბათუმში, აჭარის მთავრობის შენობის წინ საპროტესტო აქცია გაიმართა, რომლის მონაწილეები პატიმრობაში მყოფი რევაზ წულუკიძისა და ელდარ ანთაძის გათავისუფლებას ითხოვენ.

ადგილზე მობილიზებული არიან პოლიციის თანამშრომლები.

აქციის მონაწილეების ნაწილს აჭარის მთავრობის ადმინისტრაციაში შეხვდნენ. თუმცა, მათი თქმით, შეხვედრა უშედეგო იყო. დაკავებულების ოჯახის წევრების თქმით, მთავრობის წარმომადგენლებისგან მათ კონკრეტული პასუხი ვერ მიიღეს და აპირებენ აქციების გაგრძელებას.

პოლიციასთან შეხლა-შემოხლა მოხდა, რის გამოც დააკავეს 10-ზე მეტი აქციის მონაწილე.

რეზო წულუკიძე და ელდარ ანთაძე ხულიგნობის მუხლით 5 მაისს დააკავეს. დაკავების მიზეზი კონფლიქტი გახდა, რა დროსაც რამდენიმე პირი ცივი იარაღით დაჭრეს.

წულუკიძისა და ანთაძის ოჯახის წევრები მიიჩნევენ, რომ ისინი უკანონოდ არიან დაკავებული და მათ გათავისუფლებას მოითხოვენ. ამავე მოთხოვნით ისინი 8 მაისსაც შეიკრიბნენ აჭარის მთავრობის სახლთან და აქცია გამართეს, სადაც პოლიციისთვის წინააღმდეგობის გაწევის გამო ოთხი პირი ადმინისტრაციული წესით დააკავეს.

წულუკიძისა და ანთაძის საქმეზე გამოძიება საქართველოს სსკ-ის 239-ე მუხლით მიმდინარეობს, რაც ჯგუფურ ხულიგნობას გულისხმობს. 9 მაისს სასამართლომ ისინი წინასწარ პატიმრობაში დატოვა.

57
თემები:
შემთხვევები საქართველოში
გაზგამანაწილებელი სადგური

თურნავა: საქართველოს მოლაპარაკებები  ბუნებრივი აირის მომწოდებლებთან წარმატებულია

0
(განახლებულია 16:04 28.05.2020)
ეკონომიკის მინისტრის თქმით, ამ პროცესს ხელს უწყობს ორი ფაქტორი – მსოფლიოში ბუნებრივ აირზე ფასის კლება და  კონკურენტული ბაზრის პირობებში მომწოდებლებთან წარმატებული მოლაპარაკებები.

 

თბილისი, 28 მაისი — Sputnik.  ქართული მხარის მოლაპარაკებები ბუნებრივი აირის ყველა მომწოდებელთან, მათ შორის, „გაზპრომთანაც“ არის წარმატებული, განაცხადა საქართველოს ეკონომიკის მინისტრმა ნათია თურნავამ ჟურნალისტებთან.

ადრე გავრცელებული ინფორმაციით, საქართველომ ბუნებრივი აირის შესყიდვის ფასის შემცირების მიზნით „გაზპრომთან“ შეთანხმებას გადახედა.

თურნავამ აღნიშნა, რომ „გაზპრომთან“ კონტრაქტი არ არის ახალი და მას ხელი გასულ წელს, მიმდინარე  წლის ბოლომდე ვადით მოეწერა. 

 „კონტრაქტში კიდევ ერთი დაზუსტება შევიდა,რაც ემსახურება უფრო მეტად კონკურეტნული გარემოს შექმნას საქართველოში. მიუხედავად იმისა, რომ იგი კომერციული საიდუმლოებაა და ჩვენ კონკრეტულად  ვერ ვისაუბრებთ ფასებსა და დეტალებზე,  თქვენ შეგიძლიათ დაინახოთ, რომ  ქართულ ბაზარზე ბუნებრივი აირზე  საბითუმო ფასები იკლებს“, – განაცხადა თურნავამ.

მისი თქმით, ფასების კლება ვრცელდება როგორც გაზგამანაწილებელ სადგურებზე,  ისე საწარმოებზე.

 „აქედან გამომდინარე, ეს არის სრულიად მისაღები, კომფორტული და კონკურენტული პირობები და თითოეული შემდგომი დაზუსტება ემსახურება პირობების გაუმჯობესებას“,- განაცხადა მინისტრმა.

მისი აზრით,  ბაზარზე ფასების კლება კონკურენციის შედეგია.

 „ფასები ბაზარზე, თქვენ თუ ატყობთ, იკლებს. ეს არის კონკურენციის შედეგი. ეს არის ჩვენს და  „გაზპრომს“  შორის დადებული შეთანხმების შედეგი. გარდა ამისა, ეს  აზერბაიჯანული გაზის კლების ტენდენციაცაა. ისეთ რთულ რესურსშიც კი, რომელიც ჩვენთან პრაქტიკულად არ მოიპოვება – ნავთობი და ბუნებრივი აირი, კონკურენტული ვითარების წყალობით  ჩვენ ფასების შემცირებას ვიწყებთ“,- აღნიშნა თურნავამ. 

მინისტრის თქმით, ამ პროცესს ხელს უწყობს ორი ფაქტორი – მსოფლიოში ბუნებრივ აირზე ფასის კლება და  კონკურენტული ბაზრის პირობებში მომწოდებლებთან წარმატებული მოლაპარაკებები.

ქართულმა მხარემ რუსულ კომპანია „გაზპრომთან“ საქართველოს ტერიტორიის გავლით სომხეთში გაზის მიწოდების თაობაზე შეთანხმებას 2019 წლის მარტში მოაწერა ხელი. მხარეებს შორის ტრანზიტთან დაკავშირებული ანგარიშსწორება მთლიანად მონეტიზებულია. ახალი შეთანხმებით ტრანზიტის ღირებულება გაიზარდა, ხოლო შესყიდვის ფასი, თუ საქართველოს შესყიდვა დასჭირდება, შემცირდა.

ბუნებრივი აირის ბალანსის თანახმად, საქართველოში 2020 წელს გაზის მოხმარება ნავარაუდევია 2,5 მილიარდი კუბომეტრის დონეზე. აქედან რუსეთიდან შემოვა 170 მლნ კუბომეტრი. დანარჩენის შემოტანა აზერბაიჯანიდან იგეგმება.

0
თემები:
საქართველოს ენერგეტიკა