თბილისი, 2 ნოემბერი — Sputnik. მეტროს სადგურ „ვაგზლის მოედანზე“ დაკვამლიანების გამო თბილისის მეტროპოლიტენმა ცოტა ხნით მუშაობა შეაჩერა, იუწყება პირველი არხი.
ჩატარდა მგზავრების ევაკუაცია და მეტროს მუშაობა 12 წუთით შეფერხდა.
დაკვამლიანების მიზეზი ძველი გაყვანილობა გახდა.
2018 წელს თბილისის მეტროში 305 ხარვეზი დაფიქსირდა, 2019 წლის დასაწყისში - 100. ამასთან შემთხვევების 30%-ში გახდა საჭირო მგზავრების ევაკუაცია.
2018-2019 წლებში მეტროს ინფრასტრუქტურის გაუმჯობესებისთვის ბიუჯეტიდან 100 მილიონ ლარზე მეტი გამოიყო.
თბილისის მეტრო ამჟამად ორ ხაზზე 23 სადგურს ითვლის.
