დაკავებული ქალი

მკვლელი დედა: ქალმა ახალშობილი მატარებლის ფანჯრიდან გადააგდო

1086
(განახლებულია 18:44 01.11.2019)
ორსულმა ქალმა მატარებელში იმშობიარა და ახალშობილი ფანჯრიდან გადააგდო, სადაც ის სიცივისგან დაიღუპა. ქალს 2,5 წლით კოლონია-ჩასახლება მიესაჯა.

თბილისი, 1 ნოემბერი — Sputnik. ქალი, რომელმაც ახალშობილი მატარებლის ფანჯრიდან გადააგდო, მკვლელობაში დამნაშვედ ცნეს, იუწყება ურალის სატრანსპორტო პროკურატურა.

უწყების ინფორმაციით, 2018 წლის თებერვალში ქალმა პირდაპირ ელექტრომატარებელში იმშობიარა. იმყოფებოდა რა „ემოციური დაძაბულობისა და ფსიქოტრავმატულ ვითარებაში“, მშობიარემ ჩვილი ფანჯრიდან გარეთ გადააგდო, სადაც ის გაიყინა და დაიღუპა. 

ქალის მიმართ სისხლის სამართლის საქმე „დედის მიერ ახალშობილი ბავშვის მკვლელობის“ მუხლით იყო აღძრული. დამნაშავეს კოლონია−ჩასახლებაში 2,5 წლით სასჯელის მოხდა მიესაჯა. ადვოკატი შეეცადა გაესაჩივრებინა გადაწყვეტილება, მაგრამ სასამართლომ განაჩენი უცვლელი დატოვა.

აღსანიშნავია, რომ ეს დედის მიერ ახალშობილის მკვლელობის ერთადერთი და პირველი ფაქტი არ არის. მაგალითად, მიმდინარე წლის თებერვალში უდმურტიაში მცხოვრებმა 36 წლის ქალმა სააბაზანოში გააჩინა მეოთხე შვილი და იქვე მოკლა ის. მან უბრალოდ ცხვირის ნესტოებზე ააფარა ბავშვს ხელი და დაელოდა, როდის შეწყვეტდა ის სუნთქვას. როდესაც ახალშობილი დაიღუპა, ქალმა ცხედარი პაკეტში ჩადო და ქმარს გაატანა ნაგავში გადასაგდებად. 

მოკლული ბავშვის გვამი მეორე დღეს იპოვეს კომუნალური სამსახური თანამშრომლებმა.

1086
თემები:
რუსეთი დღეს (490)
პროკურატურა

პროკურატურამ პოლიციისთვის წინააღმდეგობის გაწევაში ბრალდებულებისთვის პატიმრობა მოითხოვა

53
პოლიციელებმა საგზაო მოძრაობის წესების დარღვევისათვის ავტომობილი შეაჩერეს, მანქანიდან გადმოსულებმა კი სამართალდამცველებს ფიზიკური წინააღმდეგობა გაუწიეს და სამსახურეობრივი მოვალეობის შესრულებაში ხელი შეუშალეს.

თბილისი, 4 ივნისი - Sputnik. თბილისის პროკურატურამ, პოლიციისთვის წინააღმდეგობის გაწევაში ბრალდებულების მიმართ აღკვეთის ღონისძიების სახით, პატიმრობის შეფარდების შუამდგომლობით თბილისის საქალაქო სასამართლოს მიმართა, ნათქვამია პროკურატურის ვებგვერდზე.

უწყების ცნობით, გამოძიებით დადგინდა, რომ ბერი გაბრიელ სალოსის გამზირზე, საგზაო მოძრაობის წესების დარღვევისათვის, პატრულ-ინსპექტორები ავტომობილს დაედევნენ.  მას შემდეგ რაც პოლიციელებმა ავტომობილი შეაჩერეს, იქიდან  გადმოსულმა გ.ა.-მ და ნ.თ.-მ პატრულ-ინსპექტორებს - ი.კ.-ს და ზ.მ.-ს ფიზიკური წინააღმდეგობა გაუწიეს.

შედეგად პოლიციელებს არ მიეცათ სამსახურებრივი მოვალეობის შესრულების შესაძლებლობა.

სამართალდამცველებმა ნ.თ. და გ.ა. შემთხვევის ადგილზე დააკავეს.

 ნ.თ-ს და გ.ა-ს ბრალდება საქართველოს სისხლის სამართლის კოდექსის 353 მუხლის მე-2 ნაწილით (პოლიციის მუშაკის მიმართ წინააღმდეგობა საზოგადოებრივი წესრიგის დაცვისათვის ხელის შეშლის, მისი საქმიანობის შეწყვეტის ან შეცვლის მიზნით, ჩადენილი ძალადობით) წარედგინათ.

სისხლის სამართლის საქმეზე გრძელდება გამოძიება.

გავრცელებული ინფორმაციით, ინციდენტი ორი დღის წინ მოხდა და ერთ-ერთი დაკავებული არის საპარლამენტო უმრავლესობის ყოფილი წევრის, ვანო ზარდიაშვილის ცოლისძმა, მეორე კი მისი მეგობარია.

53
თემები:
კრიმინალი საქართველოში
პოლიციის ლენტა

თბილისში პარტია „ლელოს“ ოფისი გატეხეს

37
(განახლებულია 20:18 04.06.2020)
ჯერჯერობით უცნობია, ვინ შეიჭრა პარტიის ოფისში და რა არის წაღებული. შსს-მ სისხლის სამართლის საქმე აღძრა და გამოძიება დაიწყო.

თბილისი, 4 ივნისი – Sputnik. ოპოზიციური პარტია „ლელოს“ ოფისი ცოტნე დადიანის ქუჩაზე (ნაძალადევში) დღეს, დილით გატეხეს, იუწყება „მთავარი არხი“.

ტელეარხის ინფორმაციით, პოლიციამ დანაშაულის ადგილი უკვე დაათვალიერა.

რა მიზნით შეიჭრნენ ოფისში უცნობი პირები, ჯერჯერობით უცნობია, თუმცა თავად პარტიაში მომხდარში პოლიტიკურ მოტივებს არ გამორიცხავენ.

„არ შევსულვართ [ოფისში] ჯერ და არ ვიცით, არის თუ არა რამე წაღებული, მაგრამ კრიმინალები იქ არ ელოდებოდნენ ოქროს და ვერცხლს და, შესაძლოა, ეს ჩვენს პოლიტიკური საქმიანობასაც უკავშირდებოდეს“, – განაცხადა პარტიის ერთ-ერთმა ლიდერმა კახა კოჟორიძემ.

სისხლის სამართლის საქმე აღიძრა ქურდობის მცდელობის მუხლით, რაც სამიდან ხუთ წლამდე პატიმრობით ისჯება.

შსს არ ავრცელებს ინფორმაციას, ჰყავს თუ არა ეჭვმტანილი ან დაკავებული საქმეზე.

პარტია „ლელო“ გასული წლის დეკემბერში ცნობილმა ბანკირმა მამუკა ხაზარაძემ დააარსა. პარტიის წევრები, ძირითადად, ბიზნეს-წრეებისა და არასამთავრობო ორგანიზაციების წარმომადგენლები არიან.

პოლიტიკურ გაერთიანებაში „ლელო საქართველოსთვის“ შედიან მოძრაობა „ლელო“, პარტიები „შენების მოძრაობა“ და „ახალი მემარჯვენეები“.

37
თემები:
კრიმინალი საქართველოში
გიორგი წერეთელი და თამილა მარეხაშვილი

გიორგი წერეთელმა ახალი რჩეული საზოგადოებას წარუდგინა და სიმღერაც მიუძღვნა - ვიდეო

0
(განახლებულია 16:15 04.06.2020)
ცნობილი სარესტორნო წყვილის ლოლა და გიორგი წერეთლების ოჯახი გასულ წელს დაინგრა. რაც შეეხება შემოქმედებით საქმიანობას, გიორგი მომღერალმა აჩი ფურცელაძემ ჩაანაცვლა

მომღერალმა გიორგი წერეთელმა საკუთარ დაბადების დღეზე, რომელსაც თითქმის მთელი ქართული შოუბიზნესი ესწრებოდა, ყველას სიურპრიზი გაუკეთა და თავისი ცხოვრების ახალი სიყვარული, თამილა მარეხაშვილი, საზოგადოებას ოფიციალურად წარუდგინა. საყვარელ ქალს სიმღერაც მიუძღვნა.

გიორგის თავისი რჩეული საქმეშიც ეხმარება. ის მომღერლის პიარითა და ბიზნესის მენეჯმენტით არის დაკავებული. განქორწინებულია და ჰყავს ერთი ქალიშვილი. გიორგისაც პირველი ქორწინებიდან ვაჟი ჰყავს. მშობლების ბედნიერებას შვილებიც იზიარებენ.

ცნობილი სარესტორნო წყვილის ლოლა და გიორგი წერეთლების ოჯახი გასულ წელს დაინგრა. რაც შეეხება შემოქმედებით საქმიანობას, გიორგი მომღერალმა აჩი ფურცელაძემ ჩაანაცვლა, თუმცა ერთ-ერთ ინტერვიუში ლოლა ამბობდა, რომ გიორგი არის მისთვის ადამიანი, რომელსაც ვერავინ ჩაანაცვლებს. „აჩის აქვს ადგილი სიმღერაში, გიორგის როგორც ჰქონდა თავისი ადგილი სიმღერებში, ასე არის და იქნება“, – ამბობდა მომღერალი.

მომღერლებმა გიორგი წერეთელმა და ლოლიტამ ხუთწლიანი თანაცხოვრების შემდეგ 2014 წელს გადაწყვიტეს ურთერთობისთვის ოფიცალური სახე მიეცათ და ხელი რიტუალების სასახლეში მოაწერეს. როგორც გიორგი ამბობს, შეყვარებული წყვილისთვის ხელმოწერა პრიორიტეტული არ ყოფილა, ამისთვის მათ მიზეზი ჰქონდათ.

0
თემები:
სელებრითების ცხოვრება