თბილისი, 22 ოქტომბერი — Sputnik. საქართველოს ფინანსთა სამინისტროს შემოსავლების სამსახურის თანამშრომლებმა საბაჟო-გამშვებ პუნქტ ,,გუგუთში" ოქროს კონტრაბანდის ფაქტი გამოავლინეს, ნათქვამია უწყების მიერ გავრცელებულ განცხადებაში.
უწყების ცნობით, მებაჟე-ოფიცრებმა ეჭვის საფუძველზე, რუსეთის მოქალაქის კუთვნილი ხელბარგის დათვალიერების შედეგად, აღმოაჩინეს არადეკლარირებული ოქროს ნაკეთობები ძვირფასი თვლებით.
საერთო ჯამში ამოღებულია 8 ათას ლარამდე ღირებულების 72,2 გრამი არადეკლარირებული ოქროს ნაკეთობები.
საქართველოს საბაჟო კოდექსის 168-ე მუხლის პირველი ნაწილის შესაბამისად, კანონდამრღვევ მოქალაქეს, სანქციის სახით, ფულადი ჯარიმა 7,819 ლარის ოდენობით შეეფარდა.
