მარნეულში განსაკუთრებით დიდი ოდენობით ნარკოტიკი ამოიღეს

© Pixabay / paologhediniპოლიცია დამნაშავეს აკავებს
პოლიცია დამნაშავეს აკავებს - Sputnik საქართველო
გამოწერა
ბრალის დამტკიცების შემთხვევაში, ბრალდებულს 8-დან 20 წლამდე ან თავისუფლების უვადო აღკვეთა ემუქრება.

თბილისი, 22 ოქტომბერი — Sputnik. სამართალდამცველებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით 58 წლის მამაკაცი დააკავეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.

ნარკოტიკი - Sputnik საქართველო
იმერეთში განსაკუთრებით დიდი ოდენობით ნარკოტიკი ამოიღეს

უწყების ცნობით, დაკავებული პირობითი მსჯავრის ქვეშ იმყოფება. ის სამართალდამცველებმა მარნეულის მუნიციპალიტეტის სოფელ იმირში, ავტომობილით გადაადგილებისას შეაჩერეს. მისი პირადი ჩხრეკისას 119 აბი "სუბოქსინი" ნივთმტკიცებად ამოიღეს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მეექვსე ნაწილის „ა" ქვეპუნქტით მიმდინარეობს.

ჩადენილი დანაშაული 8-დან 20 წლამდე ან თავისუფლების უვადო აღკვეთას ითვალისწინებს.

ყველა ახალი ამბავი
0