სასწრაფო დახმარება

ქობულეთში კისრის არეში დაჭრილი 27 წლის მამაკაცი იპოვეს

98
(განახლებულია 13:37 09.10.2019)
მომხდარ ფაქტზე გამოძიება დაიწყო.

თბილისი, 9 ოქტომბერი — Sputnik. ქობულეთში 27 წლის მამაკაცი კისრის არეში დაჭრილი საკუთარ სახლში ოჯახის წევრებმა იპოვეს, იუწყება „აჭარის ტელევიზია".

სასწრაფო სამედიცინო დახმარების ბრიგადამ დაშავებული ქობულეთის რეფერალურ საავადმყოფოში გადაიყვანა.

„პაციენტი საავადმყოფოში კისრის არეში ბასრი იარაღით მიყენებული ჭრილობით შემოიყვანეს, რომელიც პასიურად კონტაქტური იყო, ახალგაზრდა კაცს დაუმუშავდა ჭრილობა და გაიკერა, ახლა კი ექიმების მეთვალყურეობის ქვეშ იმყოფება", – განაცხადა საავადმყოფოს ექიმმა.

მომხდარ ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

 

98
თემები:
შემთხვევები საქართველოში (847)