პოლიცია დამნაშავეს აკავებს

35 წლის მამაკაცის მკვლელობის საქმეზე დაკავებულთა შორის სამი პოლიციელია

215
(განახლებულია 15:40 07.10.2019)
გამოძიებით დგინდება, რომ განზრახ მკვლელობისთვის ბრალდებულმა და მისმა თანამზრახველმა წარსულში არსებული დაპირისპირებისა და შურისძიების მოტივით მამაკაცის მკვლელობა დაგეგმეს.

თბილისი, 7 ოქტომბერი — Sputnik. რუსთავში 35 წლის დავით მუმლაძის მკვლელობის საქმეზე დაკავებული ხუთი პირიდან ორი შინაგან საქმეთა სამინისტროს მოქმედი თანამშრომელია, ნათქვამია შსს-ს მიერ გავრცელებულ განცხადებაში.

1 ოქტომბერს გაუჩინარებული მუმლაძის ცხედარი 5 ოქტომბერს მდინარე მტკვარმა რუსთავში გამორიყა.

დამამძიმებელ გარემოებებში ჩადენილი განზრახ მკვლელობის ბრალდებით დაკავებულია წარსულში ნასამართლევი ერთი პირი გ.ა., ჯგუფურად ჩადენილი თავისუფლების უკანონოდ აღკვეთის ბრალდებით დაკავებული არიან შსს-ს რუსთავის საქალაქო სამმართველოს თანამშრომლები – მ.ღ. და დ.დ., ამავე ბრალდებით დაკავებულია ყოფილი სამართალდამცველი დ.მ.. გარდა ამისა, ცრუ ჩვენების მიცემისთვის დაკავებულია კიდევ ერთი პირი – გ.გ.

შინაგან საქმეთა სამინისტროს ცნობით, აქტიურად იძებნება განზრახ მკვლელობაში მონაწილე, წარსულში მრავალჯერ ნასამართლევი პირი – ზ.ჯ.

გამოძიებით დგინდება, რომ განზრახ მკვლელობისთვის ბრალდებულმა და მისმა თანამზრახველმა ზ.ჯ.-მ წარსულში არსებული დაპირისპირებისა და შურისძიების მოტივით 35 წლის მამაკაცის მკვლელობა დაგეგმეს.

მსხვერპლის ქალაქიდან მოტყუებით გაყვანის მიზნით მათ დახმარებისთვის მიმართეს ცრუ ჩვენებისთვის ბრალდებულ პირს, ორ პოლიციელს და ყოფილ სამართალდამცველს.

„1 ოქტომბერს გ.გ.-მ გლდანში, თავის კუთვნილ ავტომობილში ჩაისვა 35 წლის მამაკაცი. გლდანში ავტომობილით მოძრაობის დროს ისინი ვითომ შემთხვევით შეხვდნენ პოლიციის ფორმაში მყოფ სამ პირს. მათ ავტომობილიდან გადმოიყვანეს დ.მ., უკანონოდ აღუკვეთეს მას თავისუფლება, ჩაიყვანეს რუსთავში, მტკვრის ნაპირზე და ცივი იარაღით მიაყენეს მრავლობითი დაზიანება. კვალის დამალვის მიზნით გარდაცვლილის ცხედარი მდინარე მტკვარში გადააგდეს", – ნათქვამია უწყების მიერ გავრცელებულ განცხადებაში.

გამოძიება მიმდინარეობს დამამძიმებელ გარემოებებში ჩადენილი განზრახ მკვლელობის, ჯგუფურად ჩადენილი თავისუფლების უკანონოდ აღკვეთის და ცრუ ჩვენების მიცემის ფაქტებზე.

215
თემები:
კრიმინალი საქართველოში (1122)
სასწრაფო დახმარება რუსთავში

რუსთავში „კარფურის“ მშენებლობაზე მუშა დაშავდა

68
(განახლებულია 19:23 24.09.2020)
წინასწარი ინფორმაციით, მუშა სამშენებლო სამუშაოების შესრულებისას ამობრუნებულმა ამწემ ქვეშ მოიყოლა.

თბილისი, 24 სექტემბერი - Sputnik. რუსთავში,  სავაჭრო ცენტრ „კარფურის“ მშენებლობაზე მუშა დაშავდა, იუწყება საქართველოს „პირველი არხი“.

სამშენებლო სამუშაოს შესრულებისას ამწე ამობრუნდა და, სავარაუდოდ, მუშა ქვეშ მოიყოლა.

დაშავებული სასწრაფო სამედიცინო დახმარების ჯგუფმა კლინიკა „რუსთავში“ გადაიყვანა.

ადგილზე მობილიზებული იყო საპატრულო და კრიმინალური პოლიცია.

შინაგან საქმეთა სამინისტროს ცნობით, ფაქტზე გამოძიება სსკ-ს 170-ე მუხლით დაიწყო, რაც შრომის დაცვის წესების დარღვევას გულისხმობს.

საქართველოს გაერთიანებული პროფკავშირების მონაცემებით, წელიწად-ნახევარში (2018 წელი და 2019 წლის იანვარი-ივნისი) სამუშაო ობიექტებზე დაიღუპა 84 და დაშავდა 270 მუშა.

68
თემები:
შემთხვევები საქართველოში
სასწრაფო დახმარება

გურიაში ყურძნით დატვირთული მიკროავტობუსი ხევში გადავარდა

92
(განახლებულია 21:21 24.09.2020)
ჩოხატაურის უღელტეხილზე მომხდარი ავტოსაგზაო შემთხვევის შედეგად, რომლის მიზეზი ჯერჯერობით უცნობია, ორი ადამიანი დაშავდა.

თბილისი, 24 სექტემბერი — Sputnik. ლანჩხუთის რაიონში მიკროავტობუსი დაახლოებით 8-მეტრიან ხევში გადავარდა.

ავტოსაგზაო შემთხვევის შედეგად, რომელიც ჩოხატაურის უღელტეხილზე მოხდა, ორი ადამიანი დაშავდა. მიკროავტობუსი ყურძნით იყო დატვირთული.

ექვსი თვის საშიში სტატისტიკა: რამდენი ადამიანი დაიღუპა საქართველოში ავარიების შედეგად>>

რა გახდა ავარიის მიზეზი უცნობია.

შინაგან საქმეთა სამინისტროს ინფორმაციით, მომხდარზე გამოძიება სსკ-ის 276-ე მუხლით დაიწყო.

92
თემები:
შემთხვევები საქართველოში
მოალერსე წყვილი

ზოდიაქოს სამი იღბლიანი ნიშანი ვის გაუმართლებს სასიყვარულო ასპარეზზე ოქტომბერში

0
(განახლებულია 11:53 24.09.2020)
ზოდიაქოს ზოგიერთი თანავარსკვლავედის წარმომადგენლებისთვის შემოდგომის შუა პერიოდი ძალზე ხელსაყრელი იქნება სიყვარულის თვალსაზრისით

ამ სამი ნიშნის წარმომადგენლებს ელოდება საბედისწერო შეხვედრა, რომელიც მათ დიდ სიყვარულსა და ბედნიერებას მოუტანს. ისინი სიყვარულის „მორევში“ ჩაიძირებიან.

როგორ ამჟღავნებენ სიყვარულს ზოდიაქოს ნიშნები>>

კურო

კუროები ოქტომბერში შეხვდებით ადამიანს, რომელიც თქვენს გულს დაიპყრობს. დიდი ხანია, ასეთ სიყვარულს ეძებთ და ამ თვეში მიაღწევთ საწადელს – თქვენს გულში რომანტიკული გრძნობებისა და ემოციების ქარცეცხლი დატრიალდება. კუროების ცხოვრებაში ასეთი შეხვედრები ხშირად არ ხდება – მეორე ნახევარს თვითონ სამყარო გამოგიგზავნით, თქვენ კი ეს შანსი ხელიდან არ უნდა გაუშვათ.

სასწორი

ოქტომბერში სასწორის ნიშნის წარმომადგენლებმა საკუთარ ინტუიციას გულდასმით უნდა მოუსმინოთ. სწორედ ის მიგანიშნებთ, როგორ უნდა იმოქმედოთ და რას უნდა მიაქციოთ ყურადღება. შემდეგ კი თქვენი გადასაწყვეტი იქნება – მოიპოვოთ ბედნიერება, თუ მარტო დარჩეთ. სასწორებისთვის ეს შეხვედრა საბედისწერო იქნება, ამიტომ დიდხანს ფიქრი არ ღირს.

როგორი სიყვარული იციან ზოდიაქოს ნიშნებმა>>

მერწყული

მერწყულები ხშირად იძირებით საკუთარ ფიქრებში. ამ დროს კი ნამდვილად ღირს, აქეთ–იქით გაიხედოთ. ამ შემთხვევაში დაინახავთ, რომ თქვენი მეორე ნახევარი სულაც არაა შორს, არამედ გვერდით დგას. ეს ადამიანი შეიძლება თქვენი ახლო გარემოცვიდან იყოს. შესაძლოა, ის არ გამოირჩევა სხვა ადამიანებისგან, მაგრამ სწორედ მას უწერია, თქვენი ბედი გახდეს. თუ ასტროლოგების რჩევებს გაითვალისწინებთ, ოქტომბერში საოცარი ბედნიერება გელოდებათ.

0