პოლიცია ქართლში

მტკვრის მიერ გამორიყული მამაკაცის ცხედარს 30-მდე ჭრილობა აქვს

236
სამართალდამცველები გარდაცვლილის მეგობარს, გიორგი გეთაშვილს 17 საათია კითხავენ

თბილისი, 6 ოქტომბერი — Sputnik. რუსთავში, მდინარე მტკვრის მიერ გამორიყული დავით მუმლაძის ცხედარს 30-მდე ჭრილობა აქვს, იუწყება საზოგადოებრივი მაუწყებლის პირველი არხი.

რუსთავში მტკვარმა შუახნის მამაკაცის ცხედარი გუშინ გამორიყა.

დავით მუმლაძის მეგობრების დაკითხვა ქვემო ქართლის პოლიციაში ამ წუთებშიც მიმდინარეობს. სამართალდამცველები გარდაცვლილის მეგობარს, გიორგი გეთაშვილს 17 საათია კითხავენ. გეთაშვილის ოჯახი ეჭვობს, რომ დაღუპულის მეგობარზე ზეწოლა ხდება, მათივე ინფორმაციით, გეთაშვილთან ადვოკატსაც არ უშვებენ.

„ჩემი მეუღლე დაღუპული 36 წლის მამაკაცის, დავით მუმლაძის მეგობარია. დავით მუმლაძე ბოლოს სწორედ ჩემმა მეუღლემ ნახა. დავით მუმლაძე პირველ ოქტომბერს გაუჩინარდა, გუშინ კი მისი სხეული მტკვარმა რუსთავში გამორიყა“, – განაცხადა ლელა გეთაშვილმა.

საქმე 115-ე მუხლით არის აღძრული, რაც თვითმკვლელობამდე მიყვანას გულისხმობს.

236
თემები:
კრიმინალი საქართველოში (1037)
გიორგი შაქარაშვილის სახელობის სტადიონი

თბილისში ერთ–ერთი სტადიონი შაქარაშვილის სახელობის გახდა

73
(განახლებულია 21:28 03.08.2020)
მაისური ნომრით 21 კლუბ „საბურთალოში“ მუდამ გიორგი შაქარაშვილისა დარჩება და ის გუნდის მუზეუმში შეინახება

თბილისი, 3 აგვისტო – Sputnik. საფეხბურთო კლუბმა „საბურთალომ“ დაღუპული 19 წლის ფეხბურთელის გიორგი შაქარაშვილის სახელობის სტადიონი გახსნა.

გიორგი შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა.

შაქარაშვილის გარდაცვალების საქმეს, რომელმაც დიდი საზოგადოებრივი რეზონანსი მიიღო, ორი – თავისუფლების უკანონო აღკვეთისა და ძალადობის მუხლით იძიებენ.

დაღუპული ფეხბურთელის სახელი საფეხბურთო აკადემია „საბურთალოს“ ერთ–ერთ სტადიონს მიენიჭა, რომელიც იოსებიძის ქუჩაზე მდებარეობს. გახსნას ესწრებოდნენ კლუბის ხელმძღვანელები, შაქარაშვილის ოჯახის წევრები, მეგობრები და პარტნიორები.

კლუბის პრეზიდენტმა ტარიელ ხეჩიკაშვილმა აღნიშნა, რომ მაისური №21 წარწერით „შაქარა" კლუბ „საბურთალოში“ მუდამ გიორგის კუთვნილება იქნება და ის კლუბის მუზეუში შეინახება.

გიორგი შაქარაშვილი დუბლშემადგენლობის მოთამაშე იყო. ხელმძღვანელობა და მწვრთნელთა შტაბი მასზე დიდ იმედებს ამყარებდნენ.

73
თემები:
19 წლის გიორგი შაქარაშვილის მკვლელობის საქმე
სასწრაფო სამედიცინო დახმარების ბრიგადა

ოთხი წლის ბავშვი დენის დატყმით გარდაიცვალა

117
ბავშვი სათავსოში შევიდა, სადაც ელექტროგაყვანილობას შეეხო. პოლიციამ საქმე თვითმკვლელობამდე მიყვანის მუხლით აღძრა

თბილისი, 3 აგვისტო – Sputnik. ჭიათურის რაიონის სოფელ ნავარძეთში ოთხიწლის ბავშვს დენმა დაარტყა. ის ადგილზე გარდაიცვალა.

ტელეკომპანია Rustavi2–ის ინფორმაციით, ბავშვი ეზოში თამაშობდა და სათავსოში შევიდა, სადაც ელეექტროსადენს შეეხო.

პოლიციამ სისხლის სამართლის საქმე თვითმკვლელობამდე მიყვანის მუხლით აღძრა.

117
თემები:
შემთხვევები საქართველოში
სავსე მთვარე

მთვარის კალენდარი: 4 აგვისტო რისი გაკეთება შეიძლება და რისი არა

0
(განახლებულია 16:54 03.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 აგვისტო, სამშაბათი. ამ დღეს მარსი მართავს. სავსე მთვარე კლებას იწყებს. ის მერწყულის ნიშანშია.

ენერგეტიკული დღეა. მომატებულია ცდუნებების, სიზარმაცის ალბათობა. კარგი იქნება ემოციებისა და ვნებების გაკონტროლება, სიმშვიდის შენარჩუნება, თვითდისციპლინა.

არაერთმნიშვნელოვანი დღეა. უფრო რთულია დღის პირველი ნახევარი. მიუხედავად გარკვეული სირთულეებისა, შესაძლებელი იქნება შრომის პირველი ნაყოფის დანახვა.

კარგი დღეა ფლირტისა და მეგობრობისთვის. თუ გსურთ, საწინააღმდეგო სქესის წარმომადგენლის ყურადღება მიიპყროთ, არ შეუშინდეთ ორიგინალუ აზრებსა და საქციელს. ამ დღეს დაწყებული სასიყვარულო ურთიერთობები უფრო მეგობრულ კავშირზე იქნება დამყარებული, ვიდრე ვნებაზე.

რეკომენდებულია მარტივი საქმეების დაწყება, რომლებიც არ მოითხოვს განსაკუთრებულ ძალისხმევას, ვაჭრობა, დასვენება, კომფორტის შექმნა სამუშაო ადგილზე, იდეებზე ყურადღების გამახვილება – შესაძლოა, მათ შორის ისეთი იდეა გაჩნდეს, რომელიც მომავალში დიდ წარმატებას მოიტანს.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია მნიშვნელოვანი საქმეების დაწყება, ბევრი მუშაობა, ამბიციების გამოვლენა, პასუხისმგებლობის სხვებზე გადაბარება, ფინანსური ოპერაციების ჩატარება, მნიშვნელოვანი მოლაპარაკებების წარმოება, აზარტს აყოლა.

მგზავრობა არახელსაყრელია, მზად უნდა იყოთ უსიამოვნო მომენტებისთვის.

თმის შეჭრა, შეღებვა: ნიშანი შესამჩნევ გავლენას თმის ხარისხზე არ ახდენს. კარგი დღეა ექსპერიმენტული და ექსტრავაგანტული შეჭრისა და ვარცხნილობისთვის.

რაც შეეხება შეღებვას, ასევე წარმატებული იქნება ექსპერიმენტები თქვენთვის უჩვეულო ფერთან დაკავშირებით.

მებაღეობა: არახელსაყრელი დღეა მცენარეების დათესვისა და დარგვისთვის. შეიძლება მარცვლოვანი კულტურებისა და ბოლქვიანების მოსავლის აღება, გაკრეჭა, შეწამვლა.

კარგი დღეა, თუ გსურთ რამე ექსპერიმენტის ჩატარება და ანომალიური ჯიშის გამოყვანა.

0