სახანძრო მანქანა

ხანძარი ხულოში: შვიდსულიანი ოჯახი ღია ცის ქვეშ დარჩა

90
ცეცხლი მეზობელ სახლზეც გადავიდა, თუმცა მისი ლოკალიზება ადგილზე მისულმა სახანძრო-სამაშველო ბრიგადებმა მოახერხეს. 

თბილისი, 5 ოქტომბერი — Sputnik. ხულოში, სოფელ ვანაძეებში ხანძარია, იუწყება აჭარის ტელევიზია.

გავრცელებული ინფორმაციით, ხანძრის შედეგად ღია ცის ქვეშ დარჩა შვიდწევრიანი ოჯახი, მათ შორის სამი არასრულწლოვანი.

ხანძრის შედეგად განადგურდა ასევე დამხმარე ნაგებობებიც. ცეცხლი მეზობელ სახლზეც გადავიდა, თუმცა მისი ლოკალიზება ადგილზე მისულმა სახანძრო-სამაშველო ბრიგადებმა მოახერხეს. 

არსებული ინფორმაციით, ხანძარს მსხვერპლი არ მოჰყოლია. მომხდარის გამომწვევი მიზეზები ჯერჯერობით უცნობია.

90
თემები:
შემთხვევები საქართველოში (1618)
გაზქურა

აფეთქებას გადაურჩნენ: რა მოხდა სამგორის რაიონის ორ კორპუსში

85
(განახლებულია 13:29 03.08.2020)
ერთ-ერთი ბინის მეპატრონე ქალაქიდან გავიდა, ბინის სამზარეულოში გაზქურაზე კი გაზის ონკანი გახსნილ მდგომარეობაში დარჩა.

თბილისი, 3 აგვისტო — Sputnik. თბილისში, სამგორის რაიონში ორი კორპუსი აფეთქებას გადაურჩა, ნათქვამია გაზგამანაწილებელი კომპანია „თბილისი ენერჯის“ განცხადებაში.

კომპანიის ინფორმაციით, სწრაფი რეაგირების სამსახურის ცხელ ხაზზე „114“ სამგორის რაიონის აბაშვილის ქუჩის ერთ-ერთი კორპუსის ბინადრების შეტყობინება შევიდა, რომ სადარბაზოში ბუნებრივი აირის ძლიერი სუნი იგრძნობოდა. 

„თბილისი ენერჯის“ სწრაფი რეაგირების სამსახურის თანამშრომლების ადგილზე მისვლისას ერთ-ერთ დაკეტილ ბინასთან ლაზერულმა აპარატმა გაზის კონცენტრაცია დააფიქსირა. ბინის მეპატრონე ქალაქიდან გასული იყო. უსაფრთხოების მიზნით კორპუსს გაზის მიწოდება შეუწყდა, კონკრეტულ ბინაში კი მაშველები აივნიდან შევიდნენ, რის შემდეგაც სამზარეულოში, გაზქურაზე გაზის ონკანი გახსნილ მდგომარეობაში აღმოაჩინეს“, – ნათქვამია განცხადებაში.

რაც შეეხება მეორე კორპუსს, სადაც გაზის გაჟონვა დაფიქსირდა, სპეციალისტების ადგილზე მისვლისას აღმოჩნდა, რომ ერთ-ერთ მობინადრეს გაზქურიდან ჩახსნილი ჰქონდა მილი, რომელიც ღია მდგომარეობაში იყო დატოვებული და გაზი ჟონავდა. ასევე აღნიშნულ ბინაში აღმოჩნდა კუსტარულად დამონტაჟებული გაზგაყვანილობა.

აფეთქების თავიდან აცილება მეზობლების ყურადღების წყალობით მოხდა, რომლებიც შესაბამის სამსახურებს დროულად დაუკავშირდნენ, აღნიშნულია კომპანიის განცხადებაში.

„თბილისის ენერჯი“ მოქალაქეებს კიდევ ერთხელ მოუწოდებს, დაიცვან ბუნებრივი აირის მოხმარების წესები და გაზის გაჟონვის შემთხვევაში აუცილებლად დარეკონ „თბილისი ენერჯის“ ცხელ ხაზზე 2 40 40 04, ან სწრაფი რეაგირების სამსახურში – 114.

85
თემები:
შემთხვევები საქართველოში (1618)
სამაშველო სამსახურის ვერტმფრენი

მაშველების სპეცოპერაცია თუშეთში ახალგაზრდა კაცის გადასარჩენად: ვრცელდება ვიდეო

280
(განახლებულია 17:31 02.08.2020)
მაშველებმა პაციენტი თბილისში, ღუდუშაურის სახელობის ეროვნულ სამედიცინო ცენტრში ვერტმფრენით  გადმოიყვანეს

თბილისი, 2 აგვისტო - Sputnik. ახმეტის მუნიციპალიტეტის სოფელ შენაქოში 25 წლის მოქალაქე ცხენიდან გადმოვარდა და სხეულის დაზიანებები მიიღო, ნათქვამია საგანგებო სიტუაციების მართვის სამსახურის მიერ გავრცელებულ განცხადებაში.

უწყების ცნობით, გადაუდებელი დახმარების ოპერატიულ მართვის ცენტრ 112-ში შევიდა ინფორმაცია, რომ დაშავებულ ახალგაზრდას ესაჭიროებოდა მაშველების დახმარება.

სახანძრო-სამაშველო ძალების დეპარტამენტის ჯგუფები თუშეთის მიმართულებით ვერტმფრენით გაემგზავრნენ. მათ  პაციენტი  თბილისში, ღუდუშაურის სახელობის ეროვნულ სამედიცინო ცენტრში გადმოიყვანეს, სადაც  შესაბამისი სამედიცინო დახმარება უტარდება.

სამაშველო ოპერაციაში ჩართულები იყვნენ შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ჯგუფი და ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის ექიმები.

 

280
გიგი უგულავა და გიგა ბოკერია

ბოკერია და უგულავა მაჟორიტარი კანდიდატები: „ევროპულმა საქართველომ“ კანდიდატები დაასახელა

0
(განახლებულია 16:36 03.08.2020)
საქართველოში საპარლამენტო არჩევნები 31 ოქტომბერს არის დაგეგმილი. მოსახლეობა 150 დეპუტატს აირჩევს – 120-ს პარტიული სიებით, ხოლო 30-ს – მაჟორიტარულ ოლქებში.

 

თბილისი, 3 აგვისტო  - Sputnik.  ოპოზიციურმა პარტია „ევროპულმა საქართველომ“  მაჟორიტარი დეპუტატობის საკუთარი კანდიდატები 16 საარჩევნო ოლქში დაასახელა, აქედან 14 – საქართველოს რეგიონებში. 

კანდიდატები 31 ოქტომბერს დაგეგმილ საპარლამენტო არჩევნებში მიიღებენ მონაწილეობას. კანდიდატების პრეზენტაციისას პარტიის თავმჯდომარე დავით ბაქრაძემ განაცხადა, რომ „ოქტომბრის არჩევნებზე აუცილებელია საქართველოს შველა, რომელიც მდიდარი მთავრობის ხელში ღარიბი ქვეყანაა“.

 „დღეს საქართველოს მართავს ხელისუფლება, რომელიც გასვრილია ნეპოტიზმში, კორუფციასა და წილებში. დიახ, ეს მათი საქართველოა. მათი საქართველო იქაა, სადაც არის ოლიგარქების შუშის სახლები, ტენდერები და კორუფცია, მაგრამ ეს ქვეყანა სხვა საქართველოა“, – განაცხადა ბაქრაძემ.

მან ამომრჩეველს პირობა მისცა, რომ პირველ 100 დღეს პარტია იხელმძღვანელებს დევიზით – კეთილდღეობა, დაცვა და დასავლური ინტეგრაცია.

ბოკერია და უგულავა – მთავარი დამრტყმელი ძალა

ზუგდიდში „ევროპელებმა“ მაჟორიტარად  თბილისის ყოფილი მერი გიგი უგულავა, ხოლო ფოთი–ხობი–სენაკის საარჩევნო ოლქში კი გიგა ბოკერია დაასახელეს.

მმართველი პარტიიდან ბოკერიას დეპუტატი ირაკლი ხახუბია დაუპირისპირდება, უგულავას კი საქართველოს პრემიერ–მინისტრის პრეს–მდივანი ირაკლი ჩიქოვანი. 

 „პირველად, ჩემი გრძელი პოლიტიკური ცხოვრების განმავლობაში, მაჟორიტარად ვიყრი კენჭს ფოთში-ხობსა და სენაკში. არამარტო იმიტომ, რომ ფოთში დედაჩემია დაბადებული, არამედ იმიტომ, რომ საქართველოს ეს ნაწილი არის საქართველოში ყველაზე ევროპული ნაწილი.  გაუმარჯოს ევროპულ საქართველოს!  ჩვენ ავაშენებთ იმ ქვეყანას, სადაც თავისუფლება იქნება დაცული, ჩვენ ავაშენებთ იმ ქვეყანას, სადაც მოქალაქეები თვითონ მოიპოვებენ თავის ბედნიერებას. თქვენთან ერთად უნდა გავიმარჯვოთ“,- განაცხადა გიგა ბოკერიამ.

ადრე „ევროპული საქართველო“ ოპოზიციიდან ერთიანი კანდიდატების დასახელებას ემხრობოდა. თუმცა, მათი წინადადება არ გაიზიარა მეორე ოპოზიციურმა პარტია „ნაციონალურმა მოძრაობამ“.

 „ჩვენ ორ ვარიანტს გთავაზობთ. პირველი: ჩვენ ყველა ვთანხმდებით იმაზე, რომ „ნაცმოძრაობამ“ ყველა დიდ ქალაქში საკუთარი კანდიდატები დაასახელოს და სხვა რაიონებში მხარი დაუჭიროს ოპოზიციის კანდიდატებს. მეორე ვარიანტია: ჩვენ მხარს დავუჭერთ „ნაცმოძრაობას“ ქალაქებში, იგი კი საკუთარ კანდიდატებს არ დაასახელებს იმ ოთხ საარჩევნო ოლქში, სადაც „ევროპული საქართველოს“ კანდიდატების იქნებიან წარმოდგენილი“, – აღნიშნა ადრე ბოკერიამ.

მაშინ „ნაცმოძრაობაში“ ამ წინადაებაზე არ დათანხმდნენ.

 „იქ, სადაც „ნაცმოძრაობას“ კარგი პოზიციები აქვს, ჩვენ ჩვენს კანდიდატებს წამოვაყენებთ“, – განაცხადა პარტიის ერთ–ერთმა ლიდერმა ხატია დეკანოიძემ.

საქართველოში საპარლამენტო არჩევნები 31 ოქტომბერს არის დაგეგმილი. მოსახლეობა 150 დეპუტატს აირჩევს – 120-ს პარტიული სიებით, ხოლო 30-ს – მაჟორიტარულ ოლქებში.

საარჩევნო ოლქების სია, სადაც „ევროპულმა საქართველომ“ საკუთარი კანდიდატები დაასახელა:

 საარჩევნო ოლქი  რეგიონი "ევროპული საქართველო"  "ქართული ოცნება"
თელავი–ახმეტა–ყვარელი–ლაგოდეხი
კახეთი ზურაბ ჭიაბერაშვილი ირაკლი ქადაგიშვილი
გურჯაანი–საგარეჯო–სიღნაღი–დედოფლისწყარო კახეთი გიორგი ღვინიაშვილი დავით სუნღულაშვილი
რუსთავი ქვემო ქართლი ირმა ნადირაშვილი ნინო ლაცაბიძე
მარნეული–გარდაბანი ქვემო ქართლი აჰმედ იმამყულიევი ზაურ დარგალი
ახალციხე–ნინოწმინდა სამცხე–ჯავახეთი არსენ კარაპეტიანი სამველ მანუკიანი
 ქუთაისი იმერეთი ოთარ კახიძე ზაა ლომინაძე

საჩხერე–ჭიათურა–ხარაგაული

იმერეთი სერგო რატიანი პაატა კვიჟინაძე
ზესტაფონი–ბაღდადი–თერჯოლა–ტყიბული იმერეთი გიგი წერეთელი ბეჟან წაქაძე

სამტრედია–წყალტუბო–ვანი–ხონი

იმერეთი აკაკი ბობიხიძე გივი ჭიჭინაძე

ზუგდიდი

სამეგრელო–ზემო სვანეთი გიგი უგულავა ირაკლი ჩიქოვანი
ფოთი–ხობი–სენაკი სამეგრელო–ზემო სვანეთი გიგა ბოკერია ირაკლი ხახუბია
აბაშა–მარტვილი–წალენჯიხა–ჩხოროწყუ სამეგრელო–ზემო სვანეთი ლელა ქებურია ალექსანდრე მოწერელია

ოზურგეთი–ლანჩხუთი–ჩოხატაური

გურია ხათუნა გოგორიშვილი ვასილ ჩიგოგიძე

ხულო–შუახევი–ქედა და ხელვაჩაური

აჭარა ტარიელ ნაკაიძე  ანზორ ბოლქვაძე

რაც შეეხება დედაქალაქს, ვაკის რაიონში დეპუტატის მანდატისთვის ელენე ხოშტარია იბრძოლებს („ქართული ოცნებიდან“ ნოდარ ტურძელაძე), მთაწმინდა–კრწანისის წაიონში კი შალვა შავგულიძე „ქართული ოცნების“ კანდიდატ ბექა ოდიშარიას დაუპირისპირდება.

 

0
თემები:
საქართველოს საპარლამენტო არჩევნები 2020