პოლიციის განყოფილება წერეთლის გამზირზე

თბილისში მობილურ ტელეფონებს მოტყუებით ეუფლებოდნენ - დაკავებულია ერთი პირი

109
(განახლებულია 15:42 15.09.2019)
ბრალდებული წარსულში ნასამართლევია და ამჟამად პირობითი მსჯავრის ქვეშ იმყოფება

თბილისი, 15 სექტემბერი - Sputnik. სამართალდამცველებმა თბილისში თაღლითობის ბრალდებით 36 წლის მამაკაცი დააკავეს, ნათქვამია საქართველოს შინაგან საქმეთა სამინისტროს მირ გავრცელებულ განცხადებაში.

უწყების ცნობით, ბრალდებული მიმდინარე წლის აგვისტოსა და სექტემბრის თვეში თაღლითურად დაეუფლა სამი მოქალაქის კუთვნილ მობილურ ტელეფონებს.

„პოლიციამ, ბრალდებულის პირადი ჩხრეკისას, მის მიერ უკანონოდ მოპოვებული 1 მობილური ტელეფონი ნივთმტკიცებად ამოიღო, ხოლო ორს თბილისში მდებარე ლომბარდებში მიაკვლია“, - აღნიშნულია განცხადებაში.

ბრალდებული წარსულში ნასამართლევია და ამჟამად პირობითი მსჯავრის ქვეშ იმყოფება.

გამოძიება თაღლითობის ფაქტზე, საქართველოს სსკ-ის 180-ე მუხლის მე-2 ნაწილით მიმდინარეობს. ჩადენილი დანაშაული 4-დან 7 წლამდე ვადით თავისუფლების აღკვეთას ითვალისწინებს.

109
თემები:
კრიმინალი საქართველოში (990)
მეხანძრე

ხანძარი სვანეთში: ცეცხლთან ბრძოლა სრულდება დარჩენილია რამდენიმე მხრჩოლავი კერა

36
(განახლებულია 14:50 09.07.2020)
მობილიზებული იყო დამატებითი ცოცხალი ძალა თბილისიდან, ასევე ქვემო ქართლის, აჭარისა და იმერეთის რეგიონებიდან

თბილისი, 9 ივლისი — Sputnik. სვანეთში, სოფელ ხაიშთან ხანძრის ოთხი აქტიური კერიდან სამი უკვე ლიკვიდირებულია, იუწყება შინაგან საქმეთა სამინისტროს საგანგებო სიტუაციების მართვის სამსახური.

ადგილზე შექმნილია სამუშაო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი და უფროსის მოადგილე ლევან ღირსიაშვილი ხელმძღვანელობენ. ადგილზე, ასევე, იმყოფება სახანძრო-სამაშველო ძალების დეპარტამენტის უფროსი დავით სუხიშვილი.

უწყებაში აღნიშნავენ, რომ ტყის ხანძრის ქრობის სამუშაოები მეოთხე დღეა უწყვეტ რეჟიმში მიმდინარეობს.

„სოფელ ხაიშთან... ოთხდღიანი უწყვეტი სამუშაოების შედეგად მოხერხდა სამი კერის ლიკვიდაცია, ხოლო მეოთხე კერაზე სრული ლოკალიზებაა. დარჩენილია რამდენიმე მხრჩოლავი კერა“, - ნათქვამია განცხადებაში.

ადგილზე ცეცხლის კერებს აქრობენ მეხანძრე-მაშველების ჯგუფები და სასაზღვრო პოლიციის ვერტმფრენი. ტერიტორიის მონიტორინგი ხდებოდა დრონის საშუალებით.

მანამდე ხანძრის სალიკვიდაციო სამუშაოებში ოთხი ვერტმფრენი იყო ჩართული. მობილიზებული იყო დამატებითი ცოცხალი ძალა თბილისიდან, ასევე ქვემო ქართლის, აჭარისა და იმერეთის რეგიონებიდან.

სოფელ ხაიშთან სულ 200 მეხანძრე-მაშველი და 10 ერთეული სახანძრო-სამაშველო ტექნიკა მუშაობდა. რთულ რელიეფზე სამუშაო პროცესში ჩართული იყო განსაკუთრებულ სიტუაციებზე სწრაფი რეაგირების სამაშველო ჯგუფი.

ამ დროისთვის ადგილზე სიტუაცია სრულად კონტროლდება და გრძელდება სალიკვიდაციო სამუშაოები.

36
თემები:
შემთხვევები საქართველოში
ხელბორკილები

მამისა და ბაბუის მკვლელობაში ეჭვმიტანილი დაკავებულია

43
(განახლებულია 12:32 09.07.2020)
ორმაგ მკვლელობაში ეჭვმიტანილ დაკავებულს, რომელიც ერთხელ უკვე ნასამართლევია, 16–დან 20 წლამდე ან უვადო პატიმრობა ელოდება

თბილისი, 9 ივლისი — Sputnik. მცხეთა–მთიანეთის რეგიონის პოლიციის დეპარტამენტის თანამშრომლებმა დამამძიმებელ გარემობაში ჩადენილი ორმაგი მკვლელობის ბრაკლდებით ერთი პირი დააკავეს, ნათქვამია შსს–ს განცხადებაში.

დაკავებულს 16–დან 20 წლამდე ან თავისუფლების უვადო აღკვეთა ემუქრება.

30 წლამდე მამაკაცმა მძინარე მამა და ბაბუა მოკლა>>

გამოძიებამ დაადგინა, რომ ამა წლის 7 ივლისს ადრე არაერთგზის ნასამართლევმა 28 წლის ახალგაზრდამ მუხრანში, საკუთარ სახლში ცივი იარაღით მოკლა მამა და ბაბუა, რის შემდეგაც დანაშაულის ადგილიდან მიიმალა.

ეჭვმიტანილი მომდევნო დღეს, საღამოს დააკავეს.

43
თემები:
კრიმინალი საქართველოში (990)
ლაბორატორია

კორონავირუსის ახალი შემთხვევები და ინფიცირების წყაროები

11
(განახლებულია 14:46 09.07.2020)
კორონავირუსული ინფექციით დაავადების შემთხვევებიდან უმეტესობა სატვირთო ავტომობილების მძღოლებს უკავშირდება

თბილისი, 9 ივლისი – Sputnik. საქართველოში ბოლო დღე–ღამეში კორონავირუსის ხუთი ახალი შემთხვევა გამოვლინდა და აქედან ოთხი სატვირთო ავტომობილის მძღოლია, კიდევ ერთი პაციენტი – კარანტინის ზონიდან, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

ახალი პაციენტების მდგომარეობა საშუალო სიმძიმისაა.

ოფიციალური მონაცემებით, ამჟამად კორონავირუსი საქართველოში 968 ადამიანს დაუდასტურდა. გამოჯანმრთელდა სულ 844 პაციენტი, ხოლო ბოლო დღე–ღამეში კლინიკებიდან გაეწერა სამი.

პანდემიის პერიოდში გარდაიცვალა 15 ადამიანი, კარანტინის რეჟიმში იმყოფება 4851, ხოლო სტაციონარებში ექიმების დაკვირვების ქვეშ 231 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა.

11
თემები:
COVID-19 საქართველოში