პოლიციიც ლენტი

ცოცხლად დამარხული: ჭავჭავაძის გამზირზე სარემონტო სამუშაოების დროს მუშა დაიღუპა

111
(განახლებულია 14:53 15.09.2019)
სარეაბილიტაციო სამუშაოების დროს მიწა ჩამოიშალა და მუშა მოიყოლა

თბილისი, 15 სექტემბერი — Sputnik. თბილისში, ჭავჭავაძის გამზირზე მიწისქვეშა სარეაბილიტაციო სამუშაოების დროს მუშა დაიღუპა, იუწყება პირველი არხი.

გავრცელებული ინფორმაციით, სამუშაოების დროს მიწა ჩამოიშალა და მუშა მოიყოლა.

საგანგებო სიტუციების მართვის სამსახურის ინფორმაციით, ადგილზე მისულ მაშველებს მუშა დაღუპული დახვდათ.

„შეტყობინება იყო შემოსული. მაშველებს ადგილზე დახვდათ გარდაცვლილი მუშა, რომელიც მიწის თხრის სამუშაოებს აწარმოებდა და მიწის ქვეშ მოყვა. მიმდინარეობს ცხედრის ამოყვანის სამუშაოები“, – განაცხადეს შსს-ს საგანგებო სიტუაციების მართვის სამსახურში.

თბილისში, ჭავჭავაძის გამზირის მასშტაბური რეაბილიტაცია მაისის ბოლოს დაიწყო.

111
თემები:
შემთხვევები საქართველოში (948)