გორში განსაკუთრებით დიდი ოდენობით ნარკოტიკული საშუალება ამოიღეს

CC0 / Pixabay / stevepb / ნარკოტიკი
ნარკოტიკი - Sputnik საქართველო
გამოწერა
დანაშაულის დამტკიცების შემთხვევაში, ბრალდებულს 8-დან 20 წლამდე ვადით, ან უვადო თავისუფლების აღკვეთა ემუქრება

თბილისი, 15 სექტემბერი -  Sputnik. სამართალდამცველებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით გორში 50 წლის მამაკაცი დააკავეს, აღნიშნულია საქართველოს შინაგან საქმეთა სამინისტროს მიერ გავრცელებულ განცხადებაში.

საპოლიციო ლენტი - Sputnik საქართველო
სპეცოპერაცია თბილისის შესასვლელთან: შსს-მ ერთი ადამიანი დააკავა

უწყების ცნობით,  სამართალდამცველებმა ბრალდებული გორის მუნიციპალიტეტის სოფელ ხურვალეთის ტერიტორიაზე, ავტომანქანით გადაადგილებისას შეაჩერეს. მისი პირადი ჩხრეკისას, „მეტადონის“ შემცველი 84,65 გრამი ნარკოტიკული საშუალება ნივთმტკიცების სახითაა ამოღებული.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მეექვსე  ნაწილის „ა“ ქვეპუნქტით მიმდინარეობს.

 ჩადენილი დანაშაული 8-დან 20 წლამდე ვადით, ან უვადო თავისუფლების აღკვეთას ითვალისწინებს.

ყველა ახალი ამბავი
0