ტელეკომპანია „რუსთავი2“-ის მიკროფონი

„რუსთავი 2“-ის ყოფილ ფინანსურ დირექტორს 50 000 ლარიანი გირაო შეეფარდა

70
(განახლებულია 20:36 12.09.2019)
გირაოს გარდა, კახა დამენიას ქვეყნის დატოვება აეკრძალა, მისი დაცვის მხარე კი სასამართლოს გადაწყვეტილების გასაჩივრებას აპირებს.

თბილისი, 12 სექტემბერი – Sputnik. თბილისის საქალაქო სასამართლომ ტელეკომპანია „რუსთავი 2“-ის ყოფილ ფინანსურ დირექტორს კახა დამენიას აღკვეთის ღონისძიების სახით 50 000 ლარიანი გირაო შეუფარდა და ქვეყნის დატოვება აუკრძალა, იუწყება პირველი არხი.

ნიკა გვარამიამ გირაო გადაიხადა >>

მოსამართლე ეკა კუკულაშვილმა სრულად დააკმაყოფილა პროკურატურის მოთხოვნა გირაოს შეფარდების თაობაზე.

დამენიას დაცვის მხარე გადაწყვეტილების გასაჩივრებას გეგმავს. მათი თქმით, ბრალდებულის მხრიდან მიმალვის საფრთხე არ არსებობს და ის ქვეყანაში სწორედ სასამართლო პროცესისთვის დაბრუნდა. თავად დამენია ბრალს არ აღიარებს და აცხადებს, რომ ბრალი წაუყენეს მაშინ, როდესაც ქვეყანაში არ იმყოფებოდა.

„ბრალს აბსოლუტურად არ ვეთანხმები, რადგან თითიდან გამოწოვილი თემაა და ამას ყველა ნახავს, როდესაც დაიწყება არსობრივი განხილვა... არ ვეთანხმები არც აღკვეთის ღონისძიების გამოყენებას. უამრავი არგუმენტი მოვიყვანეთ, ყველაზე მთავარი არგუმენტი – ბრალი წამიყენეს ისე, რომ არ ვიყავი საქართველოში, ვმკურნალობდი. შევწყვიტე მკურნალობა და ჩამოვედი. პროკურატურის არგუმენტია, რომ თეორიულად არსებობს საშიშროება მიმალვის და პრაქტიკაში გვაქვს ის, რომ შევწყვიტე მკურნალობა“, – განაცხადა დამენიამ.

დამენიას ბრალი ედება „რუსთავი 2"-ის კუთვნილი ქონებრივი უფლების დიდი ოდენობით მართლსაწინააღმდეგო გაფლანგვაში. პარალელურად სისხლის სამართლის საქმე აღძრულია კომპანია „ინტერ მედია პლუსის" დირექტორ ზურაბ იაშვილის წინააღმდეგ, რომელსაც ტელეკომპანიის ეთერში რეკლამის განთავსების უფლება ჰქონდა. იაშვილს ბრალი ედება კომერციული მოსყიდვისა და ყალბი ოფიციალური დოკუმენტის დამზადებასა და გამოყენებაში, რამაც მნიშვნელოვანი ზიანი გამოიწვია.

ბრალდებები ყველა ამ მუხლით, ასევე „უფლებამოსილების ბოროტად გამოყენების" მუხლით წარდგენილი აქვს „რუსთავი 2"-ის ყოფილ გენერალურ დირექტორს ნიკა გვარამიას.

პროკურატურის მტკიცებით, გვარამიამ „რუსთავი 2"-ის ინტერესების საზიანოდ მისი მეგობრების კომპანია „ინტერ მედია პლუსისთვის" მრავალმილიონიანი მოგების მისაღებად პირობები შექმნა. 2015 წელს სწორედ ამ კომპანიასთან გაფორმდა შეთანხმება, რომელიც მას ტელეკომპანიის ეთერში რეკლამის განთავსების ნებას აძლევდა. იმ წელს „რუსთავი 2"-ს 7,4 მლნ ლარის ოდენობის ზიანი მიადგა, „ინტერ მედია პლუსის" შემოსავალმა კი 8,7 მლნ ლარი შეადგინა.

ნიკა გვარამიას მიერ დაფუძნებული „მთავარი არხი“ ეთერში გავიდა >>

„რუსთავი 2"-ს მფლობელი ივლისში შეეცვალა, ევროპის ადამიანის უფლებათა სასამართლოს გადაწყვეტილების გამოცხადების შემდეგ. ტელეკომპანია უკვე ბიზნესმენ ქიბარ ხალვაშს ეკუთვნის, რომელიც გვარამიამ ხელისუფლების დაკვეთის შესრულებასა და ქვეყანაში თავისუფალი სიტყვის ჩახშობაში დაადანაშაულა. მის წინააღმდეგ აღძრულ საქმეს კი გვარამიამ მის წინააღმდეგ დევნა უწოდა, რადგან მისი მმართველობის პერიოდში ტელეკომპანია „რუსთავი 2" ხელისუფლების მიმართ კრიტიკით გამოირჩეოდა.

70
თემები:
დავა „რუსთავი 2"-ის ირგვლივ (194)
პატრული

საბურთალოს City mall-ში ევაკუაცია გამოცხადდა

47
(განახლებულია 23:42 23.10.2020)
დაკვამლიანება შენობის მე-4 სართულზე შეინიშნებოდა – სავარაუდოდ ხანძარი ერთ-ერთ კვების ობიექტში გაჩნდა.

თბილისი, 23 ოქტომბერი - Sputnik. საბურთალოზე, სავაჭრო ცენტრ City mall-ში ძლიერი დაკვამლიანების გამო ევაკუაცია გამოცხადდა, იუწყება ტელეკომპანია „რუსთავი2“.

სავაჭრო ცენტრის თანამშრომლების განცხადებით,  დაკვამლიანება შენობის მე-4 სართულზე შეინიშნებოდა – სავარაუდოდ, ცეცხლი ერთ-ერთ კვების ობიექტში გაჩნდა.

ადგილზე ერთი სახანძრო–სამაშველო ბრიგადა იყო მობილიზებული.

შემთხვევის შედეგად არავინ დაშავებულა.

47
თემები:
შემთხვევები საქართველოში
პატრული

თბილისში ზვიად ციკოლიას მაღაზია გატეხეს

43
(განახლებულია 23:43 23.10.2020)
არასრულწლოვნებმა რაიმეს წაღება ვერ მოასწრეს, რადგან ცნობილი დიზაინერის მაღაზიაში განგაშის სიგნალი ჩაირთო.

თბილისი, 23 ოქტომბერი — Sputnik. ორი არასრულწლოვანი ცნობილი ქართველი დიზაინერის ზვიად ციკოლიას საიუველირო მაღაზიის გაქურდვას შეეცადა, ინციდენტის შესახებ ციკოლიამ საკუთარ Facebook-გვერდზე დაწერა.

მაღაზიის მეპატრონემ ვიდეოკადრები გაავრცელა, რომელშიც გარკვევით ჩანს, თუ როგორ შევარდა ორი ახალგაზრდა მაღაზიაში. ინიდენტი თბილისის ცენტრში, ბამბის რიგში მოხდა. 

„არასრულწლოვნების პრობლემა როდის უნდა მოგვარდეს? ეს ჩვენი ბუტიკია დღეს დილით", – დაწერა ზვიად ციკოლიამ.

კადრებში ჩანს, როგორ უახლოვდება ერთ-ერთი მათგანი სალაროს, მეორე კი ვიტრინის შუშის ჩამსხვრევას ცდილობს. თუმცა, მათ რაიმეს წაღება ვერ მოახერხეს, რადგან მაღაზიაში განგაშის სიგნალი ჩაირთო.

43
თემები:
შემთხვევები საქართველოში
ნახევარმთვარე

მთვარის კალენდარი: 24 ოქტომბერი რისი გაკეთება შეიძლება და რისი არა

0
(განახლებულია 10:51 22.10.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 ოქტომბერი, შაბათი. ამ დღეს სატურნი მართავს. მზარდი მთვარე მერწყულის ნიშანშია.

მთვარე მერწყულის ნიშანში – ამ დღეს ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია ძველი პროექტების განხორციელებისას კრეატიული იდეების გამოყენება, მცირე ფინანსური საქმეების გადაწყვეტა, ახალი პარტნიორების ძებნა, ინდივიდუალურად მუშაობა და გუნდური მუშაობის შეზღუდვა.

არარეკომენდებულია საკუთარ შესაძლებლობების ზედმეტად შეფასება, დატვირთვა სამუშაოზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს სჯობს, თმის შეჭრისგან თავი შეიკავოთ. შეღებვისთვის კარგი დროა. მანიკურისთვის ძალზე ხელსაყრელი დღეა.

მებაღეობა:  ვინაიდან მერწყულის ნიშანი მებაღეობის მხრივ არცთუ ნაყოფიერი პერიოდია, შეიძლება მხოლოდ ბრძოლა მავნებლებთან, მცენარეების შეწამვლა, ნიადაგის გაფხვიერება, არ ღირს პიკირება, მცენარეების დარგვა და გადარგვა.

0