სეისმოგრაფი

მიწისძვრას საქართველო-სომხეთის საზღვართან სომხეთში განმეორებითი ათობით ბიძგი მოჰყვა

134
(განახლებულია 13:02 11.09.2019)
მიწისძვრის შედეგად არავინ დაშავებულა, ასევე არ არის ინფორმაცია ნგრევის შესახებ.

თბილისი, 11 სექტემბერი — Sputnik. სომხეთში საქართველო-სომხეთის საზღვართან მიწისძვრის შემდეგ 30-მდე მიწისქვეშა ბიძგი – აფტერშოკები დაფიქსირდა, იუწყება პირველი არხი სომხური მასმედიის ინფორმაციაზე დაყრდნობით.

გუშინ საღამოს, 20:22 და 20:24 საათზე საქართველო–სომხეთის საზღვრიდან ჯერ 9, შემდეგ 4 კილომეტრში 5 და 4,3 მაგნიტუდის ორი მიწისქვეშა ბიძგი დაფიქსირდა. მიწისძვრის ეპიცენტრი 5 კილომეტრის სიღრმეში მდებარეობდა. ინფორმაცია ნგრევისა და დაშავებულების შესახებ არ გავრცელებულა.

სომხური საინფორმაციო სააგენტოების ცნობით, მიწისძვრა იგრძნობოდა შირაქში, ლორეში, ტავუშში, არაგაწოტნიში, ასევე ერევანში.

სომხეთის საგანგებო სიტუაციების სამინისტროს ინფორმაციით, მიწისძვრის შედეგად არავინ დაშავებულა, ასევე არ არის ცნობები ნგრევის შესახებ.

134
პატრული

სენაკში მიტროპოლიტი საბას ოჯახი დააყაჩაღეს

113
(განახლებულია 12:27 09.08.2020)
გავრცელებული ინფორმაციით, წაღებულია მობილური ტელეფონები, გაურკვეველი რაოდენობის თანხა და სხვა ნივთები

 

თბილისი, 9 აგვისტო — Sputnik. სენაკში ხონისა და სამტრედიის მიტროპოლიტი საბას ოჯახი დააყაჩაღეს, იუწყება ტელეკომპანია Rustavi 2.

შემთხვევა გუშინ, ღამით მოხდა.

გავრცელებული ინფორმაციით, დაყაჩაღების დროს სახლში ოჯახის წევრები არ იმყოფებოდნენ.  წაღებულია მობილური ტელეფონები, გაურკვეველი რაოდენობის თანხა და სხვა ნივთები.

მომხდარ ფაქტზე გამოძიება დაწყებულია სსკ-ის 179-ე მუხლის მეორე და მესამე ნაწილით, რაც, ბინაში უკანონო შეღწევით ჯგუფურად ჩადენილ ყაჩაღობას გულისხმობს.

113
თემები:
კრიმინალი საქართველოში
არ გადაკვეთო დანაშაულის ადგილი

ტყიბულში მამაკაცი მოკლეს

115
გავრცელებული ინფორმაციით, მკვლელობა ორ ადამიანს შორის ურთიერთშელაპარაკების ნიადაგზე მოხდა. დაღუპული მამაკაცი თერჯოლის მკვიდრია.

თბილისი, 9 აგვისტო — Sputnik. ტყიბულში ახალგაზრდა მამაკაცი მოკლეს, იუწყება ტელეკომპანია Rustavi 2.

შემთხვევა ქალაქის ცენტრში გუშინ ღამით მოხდა.

დაღუპული მამაკაცი თერჯოლაში ცხოვრობდა.

გავრცელებული ინფორმაციით,  მკვლელობას წინ ურთიერთშელაპარაკება უძღოდა.  

მომხდარ ფაქტზე გამოძიება დაწყებულის სსკ-ის 108-ე მუხლით დაიწყო, რაც განზრახ მკვლელობას გულისხმობს.

115
თემები:
კრიმინალი საქართველოში
„ფეისბუქი“

„ბოტების შეტევა“ - განათლების სამინისტრო დახმარებას Facebook-ს სთხოვს

47
(განახლებულია 16:31 09.08.2020)
უწყებაში დარწმუნებულები არიან, რომ საქმე აქვთ გარკვეულ ჯგუფებთან, რომლებიც პროვოკაციის მოსაწყობად ტრაგიკულ მოვლენებსაც კი იყენებენ

თბილისი, 9 აგვისტო — Sputnik. საქართველოს განათლების, მეცნიერების, კულტურისა და სპორტის სამინისტროს ოფიციალურ ფეისბუგვერდზე შაბათს „ბოტების შეტევა“ განხორციელდა, იუწყება სამინისტრო.

გავრცელებული ინფორმაციით, კიბერშეტევას მას შემდეგ მოხდა, რაც განათლების სამინისტროს ვებგვერდზე მუხათგვერდის ძმათა სასაფლაოზე გადაღებული ფოტომასალა გამოქვეყნდა. ფოტოებზე 2008 წლის ომში დაღუპული გმირების მემორიალის ყვავილებით შემკობის ცერემონია იყო ასახული.

„განათლების, მეცნიერების, კულტურისა და სპორტის სამინისტროს ოფიციალურ ფეისბუქგვერდზე, მუხათგვერდის სასაფლაოზე მემორიალის ყვავილების შემკობის ფოტოების დადებისთანავე, 150-ზე მეტი ყალბი ანგარიშიდან, რომლებიც დარეგისტრირებულია ინდოეთში, ტაილანდში, მაროკოში, ერაყში, პაკისტანში — თითქმის ერთდროულად განხორციელდა ე.წ. „ბოტების“ შეტევა“, — ნათქვამია სამინისტროს განცხადებაში.

უწყებაში დარწმუნებულები არიან, რომ საქმე აქვთ გარკვეულ ჯგუფებთან, რომლებიც პროვოკაციის მოსაწყობად ტრაგიკულ მოვლენებსაც კი იყენებენ.  

განათლების, მეცნიერების, კულტურისა და სპორტის სამინისტროს სტრატეგიული კომუნიკაციის დეპარტამენტმა ოფიციალურად მიმართა „ფეისბუქის“ ადმინისტრაციას მოთხოვნით, გააუქმოს აღნიშნული ყალბი ანგარიშები და მათთან დაკავშირებული გვერდები.

 

47