პოლიცია

ბათუმში ავტომობილი ხიდიდან არხში გადავარდა

206
(განახლებულია 13:23 09.09.2019)
გავრცელებული ინფორმაციით, ავტომობილში მძღოლი და მცირეწლოვანი ბავშვი იმყოფებოდნენ.

თბილისი, 9 სექტემბერი — Sputnik. ბათუმში მსუბუქი ავტომობილი ე.წ. ჟილინის არხში გადავარდა, იუწყება „აჭარის ტელევიზია".

შემთხვევა აღმაშენებლის ქუჩის მიმდებარე ტერიტორიაზე დაახლოებით ერთი საათის წინ მოხდა.

ტელეკომპანიის ცნობით, მომხდარი ფაქტის შედეგად ავტომობილში მყოფი მძღოლი და მცირეწლოვანი ბავშვი, საბედნიეროდ, არ დაშავებულან.

გავრცელებული ინფორმაციით, ხიდზე, რომელსაც მოაჯირები არ აქვს, გზის სავალი ნაწილი დაზიანებული იყო, მძღოლი შეეცადა ავტომობილი დაზიანებული მონაკვეთისთვის აეცილებინა, რა დროსაც საჭე ვერ დაიმორჩილა და არხში ჩავარდა.

შემთხვევის ადგილზე მობილიზებული იყო საპატრულო პოლიცია. შსს-ს ინფორმაციით, მამაკაცი, რომელიც ავტომობილს მართავდა, ადმინისტრაციული სამართალდარღვევისთვის დაჯარიმდება.

206
თემები:
შემთხვევები საქართველოში (730)